الـــعقرب 111
الكاتبة: lorsin.
𝐈𝐧𝐬𝐭𝐚𝐠𝐫𝐚𝐦_ria_yu4
『』『』『』『』『』『』『』
فريت وجهي اريد اطلع رجف جسمي بخوف ممزوج بصدمه , نزل الكامره بهدوء الي جان موجهها علي و وحده من عيونه حمر بشكل مخيف اتقرب بخطوات سريع تراجعت ابسرعه وحطيت ايدي على عيوني و غمضتهن بقوا
اندفرت ابقوا وصارت ايدي جوا ضهري روحي شاغت من الألم لزمتها قوي وحاول اكوم كلبي راح ينفجر من الخوف , شكله ... تصرفاته ... عيونه , لزمت الحائط قوي وهوا كاعد على اركبه يم الصوره يحاول يرجع الكزاز المكانه ايده ادجرحت من أثر أشلاء الكزاز تنزف دم , الخوف سيطر على حركتني بس من شفت الدم حسيت بحزن طفيف اتجاها الولد جاي ينزف مو شلون ما جان و الكزاز تارس ايده
تقربت بخطوات هادئه و كفت اكباله رجلي اطكطكن وحده بثانيه , قربت ايدي ولمست ايده أو اتندمت ما استغليت ذيج الفرصه و شردت سحبني من ايدي ولزكني بلكاع صار فوكي خال ايد على اليمنه و ايد على اليسره يقيد بيهن حركتي , يتنفس بصعوبه وجها احمر و عيونه بعد أكثر اتغير لونهن الزيتوني البارد وصارن مشتعلات نار , رفع سجينه وخلاها على ركبتني وانفاسه تضرب بوجهي , من هول الموقف ما كدرت اسوي شي
ضرغام :- ليش ؟؟ شسويتي أنتِ .
كزبر جسمي بالكامل وخر عني وعاط بوجهي بنتر , لزم شي من يمه حته ما اعرف شنو هوا وركعه بلكاع اتكسر إلى أشلاء و هوا يصيح و يغلط اتخبل حرفيا , رفعني من ملابسي ولزكني بلحايط ما اكدر اوصف الشكل المخيف الي شفته , لزك وجها بوجهي و همس بصوت مخيف
ضرغام :- اكتلج ... ادفنج و انتِ حيه ... محد يدري صح
إيليا :- ابوس ايدك والقرآن ما جان قصدي عليك الله عفيه عوفني
_ انترس وجهي دموع ,سحبني بعدم اهتمام شمرني من الدرج حرفيا لو ما الدرج قصير جان هسة اتكسرت , عله صوت التكسر و الصياح و صوت طلق كل اشوي ركضت سريع اريد افتح الباب بس.....
الباب مقفول , تحركت سريع نكتت الغرفه كلها ماكو ماكو , لزمت الفون مالته ايدي ترجف ما بي رمز فتحته بسرعه و دخلت على الواتساب دكيت فوك الخمس مرات على جوري يالله اجاني صوتها النعسان
إيليا :- جوري جوري عفيه راح يكتلني جوري عليج الله
_ احجي بهمس و ابجي اخاف يسمعني
جوري :- شنوو وين انت ولج
إيليا :- ا ....
_ انركع الفون بلحايط تراجعت بسرعه ولزكت جسمي بلحايط خلا السلاح على الباب كلش قريب على راسي وضرب طلقه كمزت وكعدت بلكاع ابجي و أصيح مااعرف شلون اتصرف بهيج موقف وهوا ما سكت عبالك ثور هائج فتحت عيوني ولكيته على الأرض تعب , حقا الغرفه اتكسرت نصها اذا مو كلها تنهدت بهدوء صوتي رايح من البجي وما سمعت أي صوت ال بعد ما هدء صوت الباب يدك
