الـــعقرب 111
الكاتبة: lorsin .
𝐈𝐧𝐬𝐭𝐚𝐠𝐫𝐚𝐦_ria_yu4
『』『』『』『』『』『』『』
كمزت فرحانه وضحكه شاكه وجهي اختفت تدريجيا من سمعت صوت صراخ إيليا فزيت مخترعه وكلشي أجه بالي رحت اركض متوجها الغرفتي و جوري وراي اجت عيني علا ضرغام الي واكف يم باب الغرفة .
_ جان ساكت ويباوع عليها ابد ما دخل قربت اكثر وبانت علامات الحيره علا وجها
ضرغام :- شوفي البنيه شبيها
_ رحت بسرعه عليها جانت لازمه الحاف بقوا وترجف قربت يمها وجيت احضنها كل ضني كابوس لو شوف شنو بس الي صدمني حرارتها العاليه احس روحي حاضنه قطعه فحم بعدت عنها وخليت ايدي علا جبينها اتأكد هزيت راسي أؤكد النفسي هية مصخنه رحت سريع على ضرغام
- ضرغام عفيه إيليا مريضه
- ها ؟؟
- ايييي اريد دوه الها خطيه صايره عبالك جمره
- اي امشي وياي أنتِ
- لا لا ابقى يمها
- جوري هنا
_ التفتت الجوري هزت راسها بتأكيد هزيت راسي انا هم اتحركت بسرعه وأخذت حجاب جان على الطاوله رحت بسرعه فتحت الباب طالعه استوعبت ضرغام مو وراي التفتت عليه أصيح
-يلااا ضرغامم
_ جان صافن عليه ادري كلش زين ليش هصفنه , قبل فتره فتح وياي موضوع الحجاب يريدني اتحجب ومن اصير جامعه البس عبايه رفضت كلش وزعلت عليه انا ما احب الحجاب ابد عكس جوري الي لابسه عبايه انا و جوري الوحيدين الي لا هاي ولا هاي شكد يصيح علينه لبسن ولبسن بس هل فترا مشغول كلش وما فارغلنه, حرك رأسه مبتسم وجه عليه رحنه مشي الصيدليه مو ذاك البعد طول الطريق وهوا ايده علا راسي ولبتسامه ما فارقت وجها دخلنه وهوا سلم وطلب كم علاج هيج يعني خافض حراره والخ ... دفع فلوس وطلع رجعنه للبيت علا السريع وانا كلبي راح يطلع من صدري من كد الخوف خايفه عليها كُلش , دخلت للبيت ورحت اركض للغرفه دخلت وجانت جوري يمها اسويلها كمادات رحت بسرعه علا جوري انطيها الادويه خذتهن تفحص بيهن نزلت جوا اريد أبدل الماي , صاحني ضرغام رحت عليه
- روحي من تخلصين تعاي
_ هزيت راسي وطكيتها ركضها للغرفه ولماي يطيح وانا ولا همني دخلت وخليت الماي يم جوري رجعت تسويلها كمادات الحد ما نامت بس الصخونه لسا ما خفت كلش
- عوفيها تنام
_ جريت بطانيه وانا احرك راسي فوك وجوا غطيتها عدل و رحت وكعدت بصف ضرغام قرب وحط ايده على راسي يهمس بهدوء
