الـــعقرب 111
الكاتبة: lorsin .
𝐈𝐧𝐬𝐭𝐚𝐠𝐫𝐚𝐦_ria_yu4
『』『』『』『』『』『』『』
_ كطعت الكلام وخلت ايدها على راسها تقربت اشوف شكو .. طلعت شهكة من نص گلبي ...
نانا :- ددم ددمممم
جيهان :- لا مو ددممم مو ددم
_ تقلد على رجفتي وتضحك ضربتها قوي على راسها اصيح
نانا :- لعد شنووو
جيهان :- هاه ؟؟ خاف صدك دم
نانا :- يعني تحسين بألم بشي
جيهان :- لا لا لاتخافين كامت للحمام ثواني ورجعت وحطت راسها تريد تنام
نانا :- ها ؟ دم ؟؟
جيهان :- اي ... عادي لا تخافين
نانا :- شلونن عادييي
جيهان :- ولج لا تصيحين والله عادي .. مو انركع راسي بالحايط قوي وهيج صار
نانا :- حرام عليجججج
جيهان :- شنو حراممم عليههه قابل انا المسويه هيججج
_ فز گلبي ولزمت ايدها بسرعه من سمعت صوت صريخ يشل الواحد , باوعت بعيونها الي اتسعن على الاخر و جبينها عرق مسحته بسرعه وسحبت اريدها مني طلعت سريع وانا وراها
جيهان :- روحي يم شهزنان بسرعه
نانا :- والله ماااا ما اروح
_ بسبب الاستعجال و الخوف ما گدرت تحجي شي انطلق على السريع وطلعت من بابا المطبخ وكفت انا ومديت راسي اشوف
رجفت ايدي ضرغام .. مرجان ؟؟ صرخت وحطيت ايدي على حلكي سريع ركضت بسرعه ابجي من كل گلبي وانا اشوف ضرغام منتهي وشعلان طايح گباله , نزلت جسمي يم ضرغام اسحب السلاح منه واحجي وياها بصوت يرجف
نانا :- بابا ... ععفيه ا.اانطيني السلاح
_ شمر السلاح بعيد ولزم راسه قوي سحبتني جوري عليها بسرعه وكفت كـ حاجز بيني بينه
جوري :- ضرغام .. عاينلي ضرغام .. شنو شجاي تحس گول احجييي
ضرغام :- هششش هشششش صوتج سكتي سكتيييي
_ صوته عالي و بلكوه يلفظ الكلمه حطت ايدها على راسه واردفت بهدوء
جوري :- ضرغام .. راسك بعده يأذيك
_ هز راسه وخله على رجلها بينما هي تمسد على شعرا بتعب اشرت بيدي على مرجان وهي تسويلي هشش اصبعها على حلكها .. شوي وبعد ما تحرك جسمه صار ساكن بشكل تام
