هذه الفترة تحديدًا أشعرُ أنّني بحاجة لزيارة مكتبة جديدة، واقتناء كُتب كنتُ أبحث عنها
أو هكذا.. كُتبٌ تلفتني دون تخطيط
أودُّ اقتناء كُلّ ما تحِطُ عليه عيني.. بحاجةٍ لأن يعود لي التوق الأول للقراءة ونهمي المُعتاد فيها.
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
«بعد مـرور أسـبـوع»
عـزام دخـل الدوره الـعسكـرية و مـشعل و سـعود وحـسين يجدولون على حـسن يفرفرون في الحاره مع متـعب و مـشبب وبـهاج و مـازن ، نـغـم صارت م تتطلع من الغـرفة كثير و غيـم راحت لـ بيتهم و الهـنوف تروح لـ نـغـم تأوسيها وعـد و عـبير ومنيره وعيالها وغـرام رجعو من أخر عزيمة عند الجده
ام اللـيث على تـواصل مع الـجده
وطـيف تحدد زواجـها بعد شـهـر
ولـمى تبكي كل ليلة على ابو مـشعل
صحـت الصـباح لأجـل غيـم بتجيـها وينزلون لـ الـمول
اخذت شـور وطلعت تلبس بنطلون أسـود و تيـشيرت بـيج جففت شعرها ولبست سيلبر رطبت وجها وطلعت لـ تحت
أبتسمت الجده بجنيه : تعالي ياعيون جدتك
جلست جنبها وهي تحتضنها نظرتها الجده : وش فيك يابنتي م عاد تطلعين من الغرفة من يوم م راح عـزام؟
نطقت ببحـه : وين تبيني اروح؟
الـجده : تنزلين عندي تسأليني
نـغـم : ابشري ياجده ، اليوم بطلع للمول مع غيـم
دخل سـعود و مـشعل وجلسو وهم يستمعون لـ سوالفهم
دق جوال سـعود وعقد حواجبه رفعه وشاف رقم غريب رد عليه وسرعان م تهلهل وجهه فرح
سـعود : ارحب مليوننن
عـزام : البقى علومكم وش مسوين وامي كيف و غيـم وجدتي وخالتي مشعل والعيال كلهم
سـعود : بخير كلنا ابشرك وامك من يوم رحت وهي م جات لنا والعيال بخير ويسلمون عليك وامي واختي م عليهم و غيـم م شفتها انت وش مسوي؟
شتدد انظاره للمكان ونطق : بخير طيب الحمدلله هي كيفها؟
ضحك سـعود : ابشرك طيبه وشوفها جالسه معنا
نطق عـزام بلهفه : عطها الجوال ابي اكلمها.
اخذت الجوال طلعت لـ غرفتها ونطقت وهي تمتنع شهاقتها : ايوه
نطق عـزام : ارحـبي ياقبلة الزين وعلاج الهموم
ي مناي ونور عيني ويا سعادتي
نطقت بشهقه : وحشتنييي عـزام
عـزام : ياعيون عـزام اشتقـت لك وأشـهد ان الشـوق غدار يهزم دموعـي وأنا م تعودت الهزايم
نـغـم : متى تجي؟
عـزام : قريب يافلذة كبـدي وش بغيتي؟
نـغـم بهمس : ابيك ابي احـضانك انا من بعدك ضعـت
فز عـزام :
يا فتنة الغيد يا مفتاح قلب الحزين
يا اول جميلات حوا واخر انتاجها
كبش الفدا في فراقك لازم انه ثمين
وما دام ما ابغى عيوني يكثر احراجها !
خذي عيوني معاك ان كانك بترحلين
عيوني فـ غيبتك ماني بمحتاجها
نـغـم ببحه : من وين تعرف القصايد؟
عـزام : صرت شاعر لأجلك يا نـغـم واحد من اخوياي مع في المعسكر وقعدت أسبوع اتعلم وصرت اعرف لأجل عيونك
نـغـم : تسلم والله
عدل وقفته ونطق : مع سلامه يافلذة كبـدي
همست نـغـم : فمان الله
قفل ونزلت تحت والأبتسامة شاقه وجها ضحكوو مشـعل و سـعود نظرتهم بغرور وشمقت عليهم
ضحك سـعود : انتبهي عيونك لا تطير ثم يطيرنا عـزام
نـغـم : كل يوم اقول الله يعين اللي بتاخذك
سـعود وهو يمسح على وجهه : بالله وش زيني من الحماره اللي بترفضني؟
نـغـم : عز الله مالها عقل اذا اخذتك
مشـعل : عشتو صدق ترا م غير كلمك عـزام انتبهي لا تطيرين عليننا اذا جاء
نـغـم : م تسوون عـزام ظفر واحد يارخوم
فز سـعود : اعقب وانا ولد ليلى
ضحكت نـغـم : وذا ولد ليلى بنت مسعود قدامك ترا
ضحك مشـعل : اما في ذي صدقت نـغـم
نـغـم : طول عمري صادقه مو مثلك انت وسلقه اللي وراك تحطون بهارات
ضحكت الـجده عليهم ونزلت لـمى تسمع صوت، ضحكهم
ونطقت : جعلها دايمه يارب وبذات انتي يا نـغـم وامي
وش سر ضحكه؟
سـعود : دق عـزام ورفعت خشمها علينا
ضحكت لـمى : طاح وجه الضيق يوم ضحكت بنتي
وقفت نـغـم تحتضن امها سحبت كفها تبوسها
مشـعل : عشتوو صدق وش هقعده الرومنسيه طيب وانا اخذوني
مدت لسانها : اننن ماما تحبني اكثر منك
لـمى : كلكم عيالي م افرق بينكم
شهق مشـعل : بس تحبينن نـغـم اكثر
لـمى : اقول لك اسكت واذا جت غيـم اخذ نـغـم وروحو لـ المول تبيه
رفع مشـعل حاجبيه : ليه سواق انا؟
لـمى : سواق ونص بعد
مشـعل : سمي
جلست وبجنبها نـغـم ناظرت امها : يمـه خلينا اليوم نطلع
غمزت لها الجـده ونطقت : لا مالنا طالعين
رفعت حواجبها بـ إستغراب شديد وسكتت تستمع لـ هواش عيالها و سـعود وقفت الجده متجهه لـ المطبخ وقفت لـمى معها يجهزون الفطور على وصول لمـار
لـمى : يمه ليش غمزتي قبل شوي؟
الجـده : نحنا بنطلع بس اسبوع الجاي بنحجز شاليه ونخلي نـغـم ب البيت
لـمى : لا بنتي تروح معنا
الجـده : افهمي عـزام بيجي اسبوع الجاي وقال لها مالي جاي الا بعد اربعين يوم
لـمى : وضحي اكثر؟
الجده : عـزام أتصل فيني امس وقال ياجده اخذيهم كلهم ابي انفرد فيها وبعدين نجيكم بـ الشاليه وانتي تعرفين نـغـم لو قالنا بنروح شاليه بتقول لا
هزت رأسها بتفهم من فهمت عليها بدات تجهز الفطور وخلال دقائق دخلت نـغـم تساعدهم بعد م انتهت من هواش العيال دخلت لـمار لـ البيت ونطقت : يأهل البيت
وقف سـعود : تعالي تعالي بصاله
دخلو غيـم وجيهـان و مهـند جلست على كنب ونطقت غيـم : كيفكم؟
ردو الجميع بخير وطلعت نـغـم للصالة وصرخت غيـم وحضنوو بعض ونطقت بهمس : عـزام أتصل فيني اليوم
غيـم : اي أتصل فينا امس كلنا
عقدت حواجبها بـ إستغراب : غريب؟ ليش م أتصل فيني امس؟
رفعت كتوفها بكذب ونطقت : معرفش يمكن م كان عنده وقت؟
نـغـم : اتوقع صدق المهم خلينا نفطـر علشان نطلع المول
غيـم : بتطلعين معنا شاليه
هـزت رأسها بنفـي : لا أصلا م أحد ، قال لي انه في شاليه وحـتى لو قالو م راح اروح
هزت رأسها بتفهم وطلعو يفطرون بـ المطـبخ علشان مـشعل ، نطقت غيـم : نـغـم
رفعت رأسها لها تنتظرها تكمل : نـهـاد موجوده وزوجها توفى
شهقت تغطي منطوقها : متى؟
غيـم : وازيـدك من الشعـر بـيت ترا م جات الا بعد م خلصت العـده
عقدت حواجبها بـ إستغراب : شكله مطول من يوم مات؟
هزت رأسها بـ الأيجاب : اي سمعت البنات يقولو سنه من يوم توفى م جاتك الا مرتبه امورها وسوت عملية تجمـيل بعد شكلها ناويها تطرح عـزام على وجهه
حكت نـغـم عنقـها بتوتر : نفسي اشوفها
ضحكت غيـم : لا تخافين أنتِ أجمل منها بعشرين طرقه
ضحكت نـغـم بسخرية : وش مسويه بوجها هي؟
غيـم بخبث : بدأت الغيره صدق ، المهم مسويه فلر وقبل كان خشمها نـازل والحين مرفوع وطويل
حكت نـغـم بضحكه ونطقت : بالله عليك؟
غيـم بـ إستغراب : اي والله
نـغـم : أعوذ بالله ، جاء شكلها في بالي بلغط
ضحكت غيـم : والله أنك جالسه تحت جمر
هزت رأسها بـنفي : لا أستغفر الله ، من ويش أغار؟
غمزت غيـم بضحك : علينا؟
أبتسمت نـغـم من تذكرت هواشه لها لما شافها واقفه مع رواف ونطقت بتغير الموضوع : نفسي بـ مشغل؟
نطقت غيـم : وش بتسوين فيه؟
نـغـم : بقص شعري !
غيـم : لا كذا حلو
نـغـم : بقص خفيف
غيـم : اتوقع م يمدينا لازم نخلص من المول ، وبعدين يصير خير
سكتت تكمل أكلها ، وعقلها عند نـهـاد وقلبها عند عـزام
وأيش راح يسوي عـزام ، لما يشوفها وقفت من أنتهت من الأكـل ونطقت : الحمدلله
وقفت تأخذ عبايتها ولبست غيـم معها ، نزلو تحـت
وقف مشـعل و سـعود وأتجهو لـ سيارة ونطق سـعود بحلطمة : يعني لازم نطلع في عز القايله؟
