حُـب الورد مغـروس في الأنثـى
بشكـل فِطـري
ليَـس تُصنع ابدا
فـ الورود تُحـب بعضهـا
ــــــــــــــــــــــــــــــــــــــــ ــــــــــــــــــــــــــــــــــــــــ
غيـم : اجل يلا شد حيلك واخذني م انت اخوي
عـزام : غيـم ترا بتبرى منك
غيـم : كل تبن م انت بابا او ماما حتى تتبرى مني
عـزام : احلفي؟ انهم قالو الكلام ذا
غيـم : والله امزح فلها وانا اختك كلهم وافقووو
عـزام : يلا انقلعي برقد
غيـم : يلا تقلع
قفل عـزام ونزل للعيال تحت في المجلس ودخل يقفل الباب شاف الكل نايم وتقدم ينسدح ينام ، وينام
صحـت نـغـم بتـعب وتحس جسمهـا مكسـر دخلت الحمـام واخذت شور طلعت بعد ربع ساعـه وجلست تلبس و تجفف شعـرها اخذ مرطب ورطبت جسمـها حطت قلـوس وبلشـر ، نزلت لـ تحت وأبتسـمت الجده لها تقدمت تسلم ع راسهـا وتجلس طلعو مشعـل و سعـود و عـزام جلسوو سمو بالله وبدو يأكلون ، كان يطالع فيها تـاره للفطـور وتاره لها رفعـت راسهـا من حست اسهـم تخترق جسدها طاحت عينهـا عليه رفع حاجبه وتأكد ان م احد يطالع فيـهم حك جسـر انفـه ، وأشر ع صدرهـا اللي كان طالع اعتدلت بـ جلستها بتـوتر ، نزل نظره يكمـل فطوره ، نطق سعـود : يمه اليوم بيجـون ضيـوف ان شاء الله
الجـده : ان شاء الله يمه حياهم الله ب اي وقت
أبتسم سعـود ونزل راسه يكمـل فطوره
عـزام : بما اننا متجمعين ع فطـور انا لقيت لي وضيفه
أبتسمت له وكمل : وبس اسبوعين تدريب اورجع لك ويبدا دوامي وراح اروح بـ اسبوع
الجـده بفرحه : مبروك يايمه عقبال السلق ذولي
شهق مشعـل : حنا سلق؟
لـمى : سلق وستين سلق
سعـود : خلهم لنا الله انا وياك بس يحبون نـغـم و عـزام بس انا وياك و غيـم خلف الله علينا
الجـده : وراك م تبلع النعمه؟
سعـود : سمي
وقفت لـمى وصفقت : يالله قومي قبل الضيوف يجونا
عـزام : خاله
لـمى : هلا
عـزام : امي بتجي؟
لـمى : اي اساس مشت من قبل شوي يمديهم وصلو
ابتسم عـزام وطلعوو كلهم وقفت نـغـم تتجه لـ غرفتها تسوي ميكب وتتجهز وصلو البنات كلهم ودخلت فجر و غيـم وجيهان صرخت وعـد : عمى ياعبيررر بشويش
فزت نـغـم بخوف : بسم الله ع الأقل قولو احمم
الهنـوف : مرضضض
تقدمت غـرام تحسب جيهـان وطلعو من الغرفة
فجـر : بنبدأ نسوي ميكب من الحين حتى نساعد امهاتنا تحت
غيـم : صح يلا نخلص
نـغـم : انا عن نفسي خلصت بس بلبس واتبخر واتعطر
عبـير : يسلام يالله نشوف الكشخه
ضحكت نـغـم ودخلت الغرفة تبديل طاحت ع فستان بلون الوردي مزهر قصير فاتح الظهر كامل ، ابتمست برضاء طلعت وهي حاطه يدها ع فمها بتسمع صراخ البنات من جمالها و بـ الفعل صرخو البنات وقفت الهـنوف بعجـاب : بسم الله عليك تهبلين تحصنتي؟
هزت بـ راسها بـ اي وطلعت لـ امها تساعدهم ابتسمت امها بفرحه وتقدمت لها : تحصنتي؟
هزت بـ راسها بـ اي وهي مستحيه قطعهم صوت عـزام و مشعـل و سعـود دخلو ومعهم الذبيحه رفع مشعـل راسه وصفر : اوببببب وش ذا الجمال يابوييي انتي
ضحكت وطلت ضحكتها لـ عـزام المشغول
سعـود : يا لبى بنت اختي بس
نـغـم بضحكه : لباك ياخالي
كانت تناظر عـزام شعره مبعثر وثوبه في دم ومشمر اكمام ثوبه ورابطه ع خصره عضت شفايفها بهدوء
رفع راسه وانصقع نزل ذبيحه وناظر لـمى : خاله بخذها معي لـ فوق
رفعت لـمى كتوفها : هي زوجتك مالي دخل فيها.
مشعـل : استح ع وجهكك حنا موجودين
عـزام : مشكلتك مب مشكلتي
سحب نـغـم مع ذراعها ونطق سعـود بصوت عاليً : شوي شوي ع البنت
أبتسم عـزام ع جنب ودخل الغرفة وقفل الباب بلعت ريقها بهدوء تقدم بدون م يحس ع نفسه وضمها لـ صدره حضنها بقوته الود وده انه يدخلها بين ضلوعه ابعد عنها و قُبـلةً قُـبلتيـنِ ويشتـعلُ الخمـرُ في الجسديـنِ
ونـسكَـرٌ تمردت يدينه ع ظهرها وابعد وهو
عاقد حواجبه : وش ذا اللبس؟.
ناظرته ببراءه : فستان عادي
عـزام : قدام ضيوف؟
نـغـم : اكيد
عـزام : ان شاء الله تستهبليننن
نـغـم : لا والله
عـزام : هاذي تلبسينها عندي انا
نطقت بـ احراج : عادي نحنا بنات وكلنا واحد
عـزام : بس انتي لي لوحدك
نـغـم : عـزام خلاص
عـزام : عيونه خلاص بسكت بروح اخذ شور
هزت راسها وطلعت من الغرفة تخليه ياخذ شور تنهدت ونطقت في نفسها " اوف يا نـغـم بديتي تحبينه؟ "
نزلت وافكاره مشتدده وتفكر فيه أبتسمت لمـار واتجهت لها وغمزت : وش صار؟ الواضح ان ولدي اخذ عقلك
أبتسمت بـ احراج : هاه ياخاله لا ابدا بس كنت افكر بكلمه
لـمار : علينا؟.
نـغـم : خاله خلاص طبيعي زوجين يعني.
ضحكت لـمار تبتعد عن طريقها دخلت المطبخ وشربت كاس ماء دفعه وحده ضحك سعـود ونطق : شوي شوي ع نفسك
نـغـم : سعـود اسكت والا اسكتك بطريقتي؟
سعـود : اشوف
نـغـم : خل يروحون الناس وامسح كشختي و اوريك شغـل صدق.
سعـود : ها ها بتخوفيني؟
نـغـم : اذا كان مشعـل و عـزام هنا بغسل شراعك وافصل عليك بعد
سعـود : يوهه م تدرين ان مشعـل معي.
نـغـم : مشعـل مع اخته و مرح يساعدك انت
سعـود : اجل باخذ عـزام
نـغـم : ع قولتك ها ها عـزام مع زوجته بعد و مشعـل مع اخته بعد
كنت تصب لـ نفسها مويه وهي تبي تلهيه وتكبها عليه وتحط رجلها سمعت عـزام يكح مع الدرج ورفعت الكاس وكبت الماء وحطت رجلها فز عـزام بخرشه من شافها متجهه له فز سعـود وشهق انطلق وراها وصرخت تحتمي في عـزام : عـزام انا بوجهك
عـزام : والله م تقربها
سعـود بصراخ : ابعد وربي ل اوريك
صرخت نـغـم ونطقت بضحك : عـزام امسكه بروح للبنات
مسكه عـزام وهو مبتسم من ضحكها وانطلقت للبنات دخلت الغرفة وهي تلهث ونطقت الهنـوف : يمه وش فيك؟
نـغـم : لا بس متهاوشه مع سعـود
غيـم : يوهه سعـود و نـغـم تهاوشو م عاد يفكهم شي الا بزعل احد
الهنـوف : ياربي يشفيك انتي وياه
نـغـم : اعقبي والا اسكتك مثل م سكته
الهنـوف : لا خلاص بسكت
انتهـو البنات ونزلو الكـل تحت بـ استقـبال الضيـوف
دخلو الامهات والبنات كلهم وراء امهاتهم ونطق ام مشبب : الله يسلمكم جميع
نطقت غيـم : حياك يا خاله
دخلو الكل وجلسو وسوال ع الاحوال ومن ذا الكلام
نطقت ام بهـاج : عرفونا يابنات عليكم
أبتسمت الهنـوف : ابشري انا جاراتهم يتيمة الام والاب واسمي الهنـوف
أبتسمت ام بهـاج : م شاء الله
غيـم : اسمي غيـم
نـغـم : معكم نـغـم بنت خالة غيـم
توسعت ابتسامة ام متـعب وهي تناظرها
نطقت وعـد : وانا وعـد
عـبير : وانا عبيـر
جيـهان : انا جيهـان وذي صاحبة قلبي غـرام
فجـر : وختامها مسك فجـر
ابتسمو الكـل وكانت عيون ام متـعب ع نـغـم
غيـم : وانتـم عرفونا
نايا : انا نايا وهاذي رامـا و اطيـاف ونوره
ضحكت نوره : اتوقع جيهـان و غـرام قد عمري
هزت جيهـان راسها بـ اي : اي اي امشي خليهم لوحدهم
تركو البنات وراحو يلعبون
تقدمت نـغـم توزع حلى عليهم وصلت لـ ام متـعب وابتسمت لها تقدمت تجلس مع البنات اللي اجتمعو ونطقت ام متـعب وعيونها ع نـغـم : نـغـم مخطوبه؟
فزت نـغـم وضحكت غيـم : اي اي ياخاله
لـمار : مو مخطوبه متملكه ع ولدي
ام متـعب بأسف : ماش نصيب
ضحكت الجده تأشر ع البنات : ياكثرهم يام متـعب شوفهم الله يحفظهم
لفت ام متـعب ع نـغـم : ع ولد من متملكه
نـغـم : عـزام بـدر ياخاله
ام متـعب : عـزام اللي معي عيالنا؟
ضحكت نـغـم : اي ياخاله.
ام مشبب : م شاء الله بناتكم الجمال م شاء الله وراثه
ام مـازن : غيـم كم عمرهـا؟
لمـار : في ثامن طعش
ام مـازن : عروس عروس
ضحكت لـمار من فهمت قصدها ، كملو سواليف عند البنات كانت رامـا تتطالع نـغـم بأعجاب : م شاء الله يا نـغـم فيك من الجمال شوي وعليك جسم
ضحكت نـغـم بحياء : مو انتي اقل مني انتي بعد تجنيننن
رامـا : اويلي يابناتتت بسم لله عليها
اطيـاف : نحنا بنات وشفنها عاد لو احد خطبها
الهنـوف : ياي الحبيبه البنت متملكه
نايا : اوف من مين.؟
غيـم : اخوي عـزام
فجـر : عاد لو تشوفونه ناشب لها ويحبها انا عمته وانفجعت منه
صرخوو البنات : انتي عمه
فجـر بخرشه : عمى ان شاء الله اي عمه وش قالو لكم عجوز
وحشتونييي بـ الحيل اعذرونيي تاخرت بـ البارت بس حرفيا تبلد الشغـف عندي م عاد صرت ابي اكتب وترا م قصرت معكم نزلت لكم خمس بارتات وعطوني رايكم بروايه و الاحداث ترا شايفه تفاعلكم ماش هفتره واحبكم😔💙
