نطق سعود بحلطمة : يعني لازم في عز القايله؟؟
نـغـم : يب لازم
مـشـعل : كان خليتوها لين العصر ؟؟
غـيم : لحول انت بيتوتي ؟
رفع حاجبيه : سـعود وش يعني بيتوتي ؟
ضحك سـعـود: علمي علمك م اعرف بيتوتي
لف مـشـعل على غـيم : وش يعني؟؟
ضحكوا غـيم ونـغـم مع بعض ونطقت نـغـم : ياحبيبي ياخوي يعني انك تجلس بـ البيت كثير
مـشـعل : م اقول الله يعين زوجك المستقبلي
ضحك سـعـود : انت زوجها المستقبلي
صرخت غـيـم : تخسى والله م يصير زوجي
ضحك مـشـعل : شعور متبادل صراحه
صفط سـعود سيارته ونطق : انزل انت وياها
نزلو م سلمو من محارشات مـشعل للغـيم وغـيم تتحلطم ، وتدعي على مشعل ومشعل يضحك دخلو اول محـل وقفو العيال برا ينتظرون البنات ، ضحكت غـيم بخبث واشرت على الفستان بلون الموف مزهر فيه فتحه ضيق الخصر لها اكمام رفعت حواجبها نـغـم : تكفيننن حلوه صراحه
ضحكت غـيـم : ذوق بنت خالتك
نـغـم : باخذه واخذ ثنين زياده
طلعو من المحل ودخلو اللي جنبهم ميلت رأسها بتعجب من الفستان بلون الاحمر قصير مره عاري الكتوف لفت للغيم تأخذ منها إجابه هزت رأسها بـ اي تقدمت تدور فستان اخر أعجبت بواحد او انفتنت من جماله طويل بلون الاسود حرير عاري الكتوف في فتحه من الظهر اخذته وحاسبت لما طلعو من المحل يأذن العـصر
تقدمو يدخلون المسجد الموجود بـ المول انسدحت نـغـم في المسجد بـما أن م في أحـد ، موجود بـ المصلى فأخذت راحتها بـ المصلى كبرت غـيم بدأت تصلى وصلت وراهـا نـغـم انتهو من الصلاة وتقابلو ، عند سياره سـعود
بـيت الجده
ضحكت الجده ونطقت : يزينك يام الليث
ضحكت ام الليث : مو مثلك ياختي
لـمـى : ثم وش صار ؟؟
ام الليث : أنتهت السالفه بس يانها كانت تقهرني انا وامك
لـمار : صراحه لو اصيد نقالة عـلوم كذا بغسل شراعها
لـمى : وين راحت هي وبنتها؟
ام الليث : الله يرحمها ماتت وبنتها والله م اعلم وينها
الجده : والله يوم نمسك شعرها انا وام الليث يانها تترجانى وتقول والله م عاد اسويها وترجع تسويها
ام الليث : انا م ضحكت الا من ليلى لما عضتها وصاحت بـرأسها كله تقول فكوني وحنا مستمرين لين شفتها عضتها امكم فكيت شعرها من ضحك ويوم قامت كشتها وش كبرها وتمشي وتصيح والبنات يضحكون عليها
لـمـار : كنتو بمدرسه ؟
ام الليث : لا يابنتي كنا ندرس بـ البر ويوم قامت وحنا نمردغها ب التراب
دخلو غيم ونـغـم وسعود ومشعل سلمو جلسو يستمعون للسوالف الجده وان الليث اللي يحبون سوالفها ، ضحكوا بصوت واحد وهي اللي تحب انهم يضحكون ولو إبتسامه
دخل ابو سعد ببتسأمه باهته فز قلب الجده ونطقت : يامرحبا ب بكري واول عيالي يامرحبا اللي له ب القلب خفاق ارحب ياعيون امك تعال هنا
أبتسم ابو سـعد تتقدم لـ امه ينسدح على فخذها ضلت تلعب بشعره لين غفى بتعب وكل تفكيره بولده وش يسوي؟ وش يأكل؟ هل هو نادم على فعلته؟ اشتاق ل ابوه؟
نطقت ام الليث بهمس : يويل قلبي عليك يابو سعد مسكين منهار عند ذا الولد اللي مشيب رأسه
نطقت الجده بحزن : والله انه ياحبه لحد الان بس يوم دراى عن فعلت ولده حزن اكثر واكثر
تنتحت نـغـم وقفت ونطقت بهمس : عن أذنكم
نطقت امها بهمس : أذنك معك
أخذت الأكياس وطلعت للغرفتها رمت الاغراض بأهمال على سرير ونطقت بتأفف : وع صدق لازم يذكروني فيه ؟
اخذت الملابس تقيس وتشوف أيت واحد احلا وتفكر تروح معهم شاليه او لا شافت ان الفستان الاحمر لابق اكثر واكثر من الموف والاسود انسدحت على سرير ونطقت : مدام بكره شاليه حقهم افكر اروح والا لا
دخلت غيم عليها ونطقت : وش تهذرين انتي؟؟
نـغـم : افكر اني اطلع شاليه معكم احس بطفش وبغير جووو
غـيم بتوتر : مدري عنك بطلع من الغرفه انا تبين شي؟؟؟
هزت رأسها بنفي : لا بس طفي نور وشغلي تكيف
طلعت من الغرفه متجهة للصاله صدمت بـ مشعل ونطقت : وجع صدق
تخطت مشعل واكملت مسيرتها للصاله جلست على الكنب تلهث ولحقها مشعل يدور العلم
غيم : نـغـم تقول بروح معاكم للشاليه ؟؟؟
لمار : بكره نروح ونخليها ب البيت بسرعه نروح الفجر وعزام يجي ٦ الصباح
لـمـى : بس م اقدر بنتي
لـمار : حتى ولدي بس شنسوي
الجده : قومو جهزو اغراضكم
سـعود : تو الناس يمه
الجده : وش توه ؟؟؟
سـعود : حنا ب العصر مو اخر الليل
الجده : عارفه وانا امك بس ابيكم تنامون الليل بدري
سـعود : الله يسعدك يايمه
ببيت حسين والهنوف
طلعت من غرفتها وهي تدور اغراضها بما انها بتروح للشاليه معاهم ، قابلت حسين وهو طالع من الغرفة
شمقت فيه ورفع حسين حواجبه ونطق : سلامات؟؟
لفت الهنوف عليه ونفسية عندها صفر : شدخلك؟؟
تقدم حسين يمسك أذنها : تأدبي لا أدبك
امتلت عيونها دموع وبكت ونطقت : اي اخر همك اختك م تهتم لها وكل شوي مع العيال وذا م طلعت معهم م تقفل في ذا الغرفة مو داري اختك ايش يصير لها او وش مضايقها اختك اللي امك وابوك موصينك عليها م وفيت بوصيتك يليتني رحت لهم عند ربي انت من اي نوع؟؟ م تحس والا علشانك ولد م عندك احساس ولا مشاعر اخلاقك زفت معي واحترامك معي زفت اساس انا جايه غلطه حسين مو حاله م تدري عن اختك وش تبي؟ تعبت انا والله تعبت قول اني مضايقتك علشان انتح.....
قفل فمها بيده ونطق بحزن : الا انتحا....ر م تجيبي طاريه عندي وياعين اخوك كل ذا ب قلبك م جيتي لي ؟ اذا عن الولد م عنده احساس ومشاعر عندي والله عندي وصيت اهلي منفذها بس انا شايفك الفتره ذي م تتحملين اي شي تبين اوديك مكان ؟ اطلعك يشهد علي ربي اني مقصر معك وبالحيل بعد بس وانا اخوك ادور وضيفه علشان لقمت عيش وابشري ب اللي تبينه
مسحت دموعها ونطقت : خلاص انا بطلع مع البنات للشاليه وبغير جوو
باس حسين رأسها ونطق : روحي استانسي وفلي امها
دخلت الغرفة تكمل شغلها
ببيت ابو بدر
فجر تجهز شنطتها تأففت بطفش وهي تدور شورت حقها
نطقت بهمس : الحمدلله لقيته امممم ياربي وش باقي؟؟
قفلت شنطتها ورمت نفسها على سرير فزت وهي تتذكر انها م تروشت بتسوي شعرها اخذت روب ودخلت للحمام يكرم القارئ تأخذ شور
ببيت ام بهاج
متجمعين بصاله ويسولفون نطقت ام بهاج بنسيان : اي صح دقت علي ام سعود امس وانهم مأخذين شاليه ونحنا معاهم بمناسبة خروج عـزام
نايا : لا يماما تكفينننن توك تقولين م جهزت شي ونحنا ب العصر
راكان :يمديك تجهزين والله شاليه حقهم سته صباح
بهاج : وش له الحلطمه ؟
نايا : يالله يعني بقابل فجر مره ثانيه
رفع عيونه بهاج وخفق قلبه من جابو طاريها
نطقت ام بهاج : م شاء الله عليها جمال وادب واخلاق من بعد زوجة عـزام و غـيم حلوه م شاء الله عليها
نايا : م تتوقعين عمرها وربي يصدم وفوق ذا عمه
ام بهاج بأستغراب : ليه كم عمرها ؟؟
نايا : تسع طعش
ام بهاج : م شاء الله كل الجمال وصغيره
كان يسمع سوالف امه واخته وهو على الجوال ونطق : يارب اكتب لي نصيب اشوفها يارب
ام بهاج : يالله قومو جهزوو اغراضكم معاد يمدي
الكل تفرق وكل واحد راح لـ غرفته يجهز شنطته بمناسبة عودت عـزام
ببيت ام مشبب
أطياف ونوره يتهاوشون على فستان سحبت نوره الفستان من أطياف وهربت فيه ولحقتها أطياف تصارخ عليها
نوره بحلف : والله م تأخذينه شوفني حلفت
أطياف : كل تبن ياحيوانه ليش تحلفين؟؟ وش البس بكره
نوره بصوت عالً : لو خيشه مالي شغل فيك دبري عمرك
تأففت أطياف ترجع لـ غرفتها تجهز باقي اغراضها
ارتـفع صوت أذان المغرب وتجهواً للمسجد ،
ببيت ام مازن تحاول تقنع مازن للزواج وهي نفسها يتزوج وتصير عندهم بنت هي وحيده م عندها احد وتحاول تقنعه لـ كان مازن رافض الفكره ونطقت : م تحس انت كل شوي برا وانا لوحدي م عندي احد
باس رأسها ونطق : يمه الله يرضى عليك والله مالي في زواج الحين والا اقول لك خليني اسبوعين افكر في الموضوع واعطيك خبر
ام مازن : يأمي انت انا ودي اشوف عيالك وزوجتك قبل ربي لا يأخذ امانتي
مازن : بعيد الشر عنك يمه بس على ذا الخشم افكر واعطيك خبر
ام مازن : هاه ترا احسب من اليوم ل بعد اسبوعين ثم اخطب لك بدون شورك
مازن : لا لا ولي يسلمك مابي اظلم بنت الناس معي انا طلبتك
هزت رأسها بتفهم وسكتت انسدح مازن يفكر ب الموضوع
الفجر
الكل صحى وبدو يجهزون لـ خروجهم لـ شاليه صحت نـغـم وطلعت من الغرفة شافت الكل يتجهز ونطقت بهدوء : ليه م صحيتوني ؟
مـشعل : تجهزي بس انزلهم واجيك
هزت رأسها بتفهم ودخلت لـ غرفتها تأخذ شور الكل راح طلعت من الحمام يكرم القارئ جلست على تسريحه تجفف شعرها وبعد م انتهت من تجفيف تسوي فير انتهت من شعرها وبدأت تسوي المكيب بروقان حطت لمستها الاخير الروج الاحمر وقفت تأخذ فستانها تلبسه
دخل عـزام البيت بهدوء وصلت ريحة عطوراتها له اخذ الباقة الورد معه وطلع لـ فوق وقفت قدام تسريحه تشوف كيف الفستان عليها وكيف زاد بياضها رفعت رأسها من انفتح باب الغرفة شهقت وهي تشوف عـزام
نـغـم : يمه عـزام
عـزام بلهفه :
مرحبا يادهر قلبي ورجعانه
ابكي لـقربك وبعدك مني يسنيبي
يابو عيون بخمر الحب سكرانه
ياجرح كبدي عليك ويافرح جيبي
دامت حياتي وموتي عندك ارهانه
اريح لي الموت من قهرني وتعذيبي
ولا اركزي فوق حيد القبر ريحانه
واقضي علي علي ياحميله ماعلمتي بي
احتضنها بشده وده يدخلها بين ضلوعه وش سوو به الشوق وعاميله
نطقت بهمس : ياهلا فيك تو منور البيت بوجودك
عـزام بلهفه : اشش لا تتكلمين خليك كذا
سكتت رفعها واتجهه لـ سرير وهي معه انسدح عليه وهي بحضنه ونطق وهي يتأمل عيونها : اشتقت لك واشهد ان الشوق غدار يهزم دموعي وأنا ماتعودت الهزايم
حطت يدينها على شنبه الكثيف ومسحت عليه ونطقت وهي تتأمله : وحشتني حيلل
تنهد عـزام يحضنها ونطق وهو يبوس نحرها نطقت وهي تبتعد عنه ونطقت : عـزام لا
عـزام : يشهد علي ربي لو ناس م يقولون شي انها م تجلس على بوسة نحرك بس
جت بتكلم واخرسها من التصقت شفايفه على شفايفها وشنبه الكثيف يغطي عليه ابتعد عنه وهو هيمان فيها
اعتدل بجلسته وهي بحضنه : نمشي لهم الحين؟؟
هزت رأسها وهي خجلانه منه ونطقت بهمس : بس اعتدل روجي ونروح لهم
نطق عـزام وهو يضحك : خلصي بسرعه لا اكمل الباقي
ضربته على صدره ونطقت : وقح
وقفت قدام تسريحه تعدل روجها ونطق عـزام :
يانــغـم ياكل الدلع
ماخلق ربي جمال الا ولك منه حلايا
ايه ياملح القصيد انتِ وياعذر ارتجافه
عيني ماقد شافت كذا مخلوق
كنّها حوريه والشعر مثل الذهب يلعب الامتاني
والله مابعد زينها رين
خدّها ورد وعيونها نعّاس
بأحسن اوصاف ربي مسويها
تقدمت له بدلع ونطقت : عـزام خلاص استحي ترا والله
ضحك عـزام بهدوء وقف ونطق : بنزل تحت انتظرك
هزت رأسها تتوجه تأخذ عبايتها وطلعت من الغرفة أبتسم من جت ونطق : وش صار وانا مو موجود
ضحكت : تعرف مشعل وغيم مستحيل يمر يوم وكل واحد محارش ثاني
ضحك عـزام ونطق وهي تأمل عيونها بنقاب : بعيونهااا زان النقاب واحلى عيون عيونها فيها سحر فيها العذاب
مسك يدها واتجهه لـ سيارته متجهين للشاليه
في الشاليه
اول م دخلوو تقدم مشعل يسحب سعود للمسبح ، شاله ورمها وحط رجله لـ مجلس يتقفل طلع سعود وهو يصارخ
نطق مشعل بصوت عالً : كمل نبح ياسعود اخذت حقي بعد خمس سنوات
دخل سعود ياخذ شور دافي
