الحب المستحیل(مسجون)

Part 2

سلامٌ علیکم
لاتنسون المتابعه +التعليق بين الفقرات +واذا ماتصیر زحمة علیکم اتضغطون عله الـ⭐
واذا اکو غلط املایی ف اعذرونی ما راجعت البارت
.........

Part 2

..........
انه قبل کتبته ومادری شلون انحذف ف سامحونی راح اکتب من جدید

یالله نبدی اترکم مع اقوال نبیه
............

ابوی چان یمشی بلیل وویرجع ویه طر الفجر
کل یومین نوبه یمشی وایژیب النه مسواگ وهیچ امگضینها
من یمشی الحد مایرجع انه انتظره وانوب من یرجع اسوی روحی تونی گاعده امنل نوم
الحد ما لیله منهن الکل نایم حسیت عله حرکه فزیت انه امنل نوع الی اذا احد ایحوس یمی ابسع افزن
راد یمشی کمل وطلع وصل للباب انه من سمعت الباب احتل گمت عله حیلی اشوف ابوی مشه لو لا
وصلت الباب الهال وافتک الباب ابوشی
خفت ونشقت اژیت اصرخ بس صوت ابوی
وگفنی
عاینت علیه واعیونی فاکتهن عله وسعهن
گال
_شعدچ گاعده

مادری شگول الحچی کله ضاع منی ادوهنت
وضلت امترزه ابوشه
نشدنی اردود گال
_مو جاعد احاچیچ بویه شعدچ گاعده هسه الدنیه نص الیل

_هاا لابویه بس انه گمت افگد البیبان عبن امی گالتلی طگیهن سرگی حته لایدش شی علینه
ونسیت مادری گفلتهن مدری لا
وهل اژیت اجسنهن

_هاا خوش چا روحی نامی بویه وانه اگفلهن روحی بعد ابوچ

_ رحت انام وانه گلبی ایدگ بکل سرعته واطرافی ترجف رجف الحمدلله من طلعتلی حژه
بس ادری ببوی فطن ویلگفها واهی طایره
مامعقوله صدگنی
صدگنی ماصدگنی خلینی انخمد احسنلی
هسه انه اژایبنی بیه دوده ومشیت وراه ادری اگعد واسکت
بس لاااا اشلون اگعد واستجن مایصیر
ضلت ادردم عله روحی واتحرگن منا الحد ما نمت مادریت بعد ابوی راح لو لا

فزیت الصبح عله حس امی وابوی
گمت عله حیلی ردت امشی اغسل وشی
واسمعهم یحچون
دفتر.....
لفته ماناوی اتکفنه من های السالفه

لفته......
انتی شمالچ ماتگلیلی اشجرالچ تره شلعتی گلبی

_اشمالنی وتنشدنی اشجرالی بالله اذا انته مشیت وماردیت علیه شصخم ابوشی

امی چانت حمگانه وابوی ایحاچیها ابروده
ابد ولا چنه و اهیه من حسها بینه محترگه اعله الاخر

لفته.....
اندری هسه ابیوم اتکورین عله روحچ علیمن یابه
عله امطشر امبده

دفتر....
والله یالفته اذا مشیت بعد ابهاذه الدرب اروح لهلی وبعد ولا ارجعلک وعود ذیچ الساعه انته حیر بفروخک

_هسه عود های صبحک الله بلخیر شو گعدتی اتزامطینی وانوب تحچین ابهدت البیت
صوت امی رخه

_ایه یابو گاطع یاعینی اخافن علیک واخاف ابیوم اگعد وما الگاک وین اطی وشی عدی شهال یاهو الیه
تدری حته ابنومتی ما ارتاح عبن کل ما احط راسی عله الوساده احلم ابتابوت لو الدوله واثنینهن ماهن خیر مادگلی شسوی