الحب المستحیل(مسجون)

Part 6

السلامٌ عليكم
........

لاتنسون التصویت +المتابعه +والتعلیق بین الفقرات

........

يـترادمـن بلـروح وَجعـه اعله وَجعـه
يا ؤسـفه عمري الفـات ياهو يرجـعه
.......

الحب المستحیل (مسجون)
مع الکاتبة ریــم

.......

Part 6

.........

هاشم.....

گلت لاهلی ماشی للهور ویمکن للعصر یالله ارد طلعت الصبح الهوه بارد حلو والجو اعذیبی
رحت وانه فکری ایودی وایژیب مالگیتلی فرصه احاچی الوالد بیها
شوکت اگله مادری
رحت حطیت الماطور (البلم) والشبچ مال الصید واتعنیت ابوسط الشط ذبیت الشبچ
وگعدت امتانی فرج الله لحد ما اکضلی چم اسمیچه
بالی سرح یم سمچتی یابویه شوکت اتصیر حلالی ویرتاح دلیلی
حبیبتها حب بس بلفکر یتخربط حالی موعاد اشوفنها واگبالی اخخخ یاابه
یربی ادخیلک انته العون الیه ساعدنی بلکت ابوها مایردنی ولااتخیب ظنی من صوبها
الشمس اتوسطت السماء وانه عله گعدتی احتر الوکت وبعد ماتحملت الشمس ژرت الشبچ امنل مای
لاوالله چنه بیه برکه و رحمه من الله البنی والگطان
والشوچی ترس الماطور ترس نعمه
الضحکه شگت حلگی شگ های مو اول مره اتصید هیچ عبن کل چم یوم انزل للصید بس هل نوبه الله نعم علیه من خیراته
اتوجهت عله الجرف گلت الیغادی افرغ السمچ امنل شبچ
گلبی انقبض وانه اشوفن مره امنابعید گاعده عله الجرف ادنیت واشوفها اه های مرت عمی لفته اهناک گاعده ابهل حر
بس لاصایر شی ضلیت احچی ویه روحی واردد انشالله ماکو شی
اتگربت علیها وقریب
امنل جرف نزلت وضلیت ازح
بلماطور حته اوصلنه للترابه واهناکه افرغ منه السمچ واگلبنه واخلیه
امان وماکو شی کلنه اهل فرد سلف واحد یعرف الاخر
عاینت عله مرت عمی
استحیت اسالها بس سلمت
_
الله بلخیر عمه
_هله یبعد عمتک شلونک
_الحمدلله زین انتی شلونچ
_اکویویچه
گوت گلبی وگتلها
_شصایر عمه انشالله ماکو شی
_لایعمه ماکو شی بس
انه امتانیه گاطع هسه ایروح علیه
_امری وانه ابخدمتچ تراه انه هم حسبت الولاد

_الله یحفظک یایمه العز شبابک ایه والله انته هم مثلهم وابمعزتهم لچن اکو سالفه امدوهنتنی
_اگدر اساعدچ بیها
_لایبعد امک بس ردت انشدنک انته هم تعرف اولاد عمک جعفر
_ایه اعرفهم عبن اهما من گرایبنه وایلوحونکم انتم همه گولی یعمه شنهی السالفه صایر شی
_لامامش شی بس ردت انشدنک عبن ابنیتی الچبیره
بنیه ودو علیها وانه گلت انشد علیهم اشوفهم

اتغیر حالی وانگلبت ارضی اعله سمای
چن واحد وذب علیه مای بارد ابعز الشته

ضلیت صافن علیها
_هایمه شنهی شجرالک
_فزیت من صفنتی وگتلها لا مامش شی بس مو چنه ابعیدین یعنی تطونها بلعراق
_والله یابعد امک عمک راکب راسه الشیطان
وماادری شیرید بس گالی انه اطتهم چلمه وانشالله بیها الخیر