الحب المستحیل(مسجون)

Part 5

سلامٌ علیکم
شلونکم حبايبي
انشالله ابخیر
.........
الحب المستحیل (مسجون)
مع الکاتبة ریم

لاتنسون التصویت +المتابعه +التعلیق بين الفقرات
........

الشاعر ایگول.....
    الدهــر گص یمــناي گص یسـرتي البيـن
    بيـش الـزم الـدلال بيـش امسـح العـين

.......

Part 5

........

بنيه......

امی سوت الطابگ وگعدنه بلهال کلینه قبل الکل کَفت وگمت لان ماشتهی شی وگلبی مغبوض من احچایت ابوی مادری شنهی السالفه الی ایریدنی بیها عله گولته اریدچ ابچلمت راس
عگلی گعد ایودی وایجیب بس لاعرف بیه احب هاشم
یـووووبـوووو اذا صدگ عرف لو سمع من احد
راح یذبحنی بدون مایرفله جفن
بس لااااا مامبین سامع وعارف لان چان یضحک ویتقشمر ویانه وابد مامبین علیه منغث
یاربی استر مالی حیل مصیبه اطیح عله راسی
مشیت واجت ورای کفهن الحمدلله علاقتی بیها ردت مثل الاول بس اوکات تصفن  واتحاچینی واتعاتبنی
اشکثر ما ابررلها الصار ماتقتنع ولاتصدگ
آنه هم اذا تجیها الحاله احاول ما اگعد یمها ولا اخلیها اتشوف وشی
رحت للمطبخ حطت الاستکاین والقوری والشکر
وصیت کفهن تاخذهن للدیوانیه وانه رحت للحمام اسبح حته یبرد راسی امنلسوالف البالی
کفت عله السریع ولبست نفنوف احمر طوخ (غامق)
ورحت للدار نشفت شعر راسی وضفرته لیوره
ولبست الشیله السوده روحی بیها گلت لامی اطرزها الیه وماشاء الله امسویتها کلش حلوه
حطيت المسچ ورحت للدیوانیه امی لامه المواعین وگاعدین کلهم بلدیوانیه دشت علیهم ابوی شال شوفه واعیونه تضحکلی امگعد شمس ابحظنه و
کفهن عله صفحته العسمه
دگ عله الگاع ابصفه وگال...
تعای یابعد ابوچ وطوایفه

ضحکت ومشیت یمه نگز گاطع

_ایه بویه احنه افروخ العنگه ام اگرون
ابوی رده

_انچب ولک اتوصف امک عله العنگه
_لاحشه بس لیش اهنا عزیزات واحنه بینه بزیزات
اشگد اتحط تفرقه یابوی
_ایه عبن اهنه اروحت ابوهن امنل دنیه
چانتم باچر اتفیدونی لاوحگ الله بس اژوزکم کلمن یلتهی ابمرته واتعوفونی ومحد ینشد بیه
کریم نط
_افه وانه ابن ابووووی
لفته.....
انته اگعد منهسه انه غاسل ایدی للعچس  منک
_آه بویه هیچی صارت ولکم الحگولی گلبی ضل یوجعنی یابووووویه
_اویاوژعویه الکلت ضلعک یلاغبر اشمالک چنک مره کاتلها رژلها گوم منی گوم یالله لابارک الله ابهیچ زلم

الاغم
کلنه ضلینه نضحک وکریم طلع الحد باب الدیوانیه الیطلع للحوش ورد علینه
حب راس ابوی وگله
_چنت اتقشمر ویاکم بویه
_اگعد اگعد عدی سالفه ویاکم
_ایه انشالله خیر
ابوی ضل یحچی وکلها سکتت تتسنط علیه
_ایه یابعد ابوچ یابنیه السالفه های اتخصچ عبن  انتی چنچ کبرتی وضلت خواطیبچ ادگ بابی عبن نجره واصیله ومحد شاف منچ شی باطل بت ابوچ