الحب المستحیل(مسجون)

Part 3

سلامٌ علیکم
کیف الحال الصحة
........

لاتنسون التصویت +المتابعه والتعلیق

الحب المستحیل (مسجون)

مع الکاتبة ریم
........

Part 3

........

هاشم.....
هاخویه شنهی شصایر
عوده.....
ولک تعال الحگ خلینه انکف شغلنه ونرد للبیت من وکت حته ارتاح اشوی واژی انطر عله الگاع لا یژی الخنزیر ویعدمها وایخرب الاولی والتالی
رحت همینه ادینه ورجعنه العصر کلش

گال عوده....

ماشی انام اشویه من وره الغروب واندهونی وامشی
ابوی گاله
انه امشی ابچانک لا تروح ضل ارتاح
هوه هم باین التعب علیه ماگال لا
اتسرسحت عله احصانی للشط واشوفها من بعید اتمشت وصلت لاخواتها وانوب وحده منهن بلمای تسبح صاحت علیها تطلع واشوفها اتاشر بیدها
شوهای ردت زلگت مدری شنهی غطت ما طلعت واشوف بت روحی طفرت بلمای ابسع ژرتها وحطتها عله الجرف وضلت ادگ عله سدراختها اتگربت الوادم التمت علیهن نار شبت بیه وضلیت امنابعید اراقبهن فزت اختها کضتها امنایدها رفعتها وشالت الطشت عله راسها ونترت باخواتها یمشن ویاها
اجه عمی لفته من وره اشویه
گال
_هابویه اشصایر شنهی السالفه العلم الاجانی صدگ

_ماکو شی عمی بنتک الچبیره نشمیه طفرت وره اختها وطلعتها وما نخت احد انه قبل اشویه وصلت
وشفتها
_ها بنیه ایه های چبیرت ابوها اروح فدوه الها
عبن بس اهی تنحط اعله الجرح وایطیب ذنیچ فاهیات
_هههههههه ایه والله الله یحفظها الک انشالله

_یالله عمی انه اترخص خلینی اروح للبیت اشوفهن یالله یرتاح گلبی

_الله اویاک
رجعت للبیت وانه بالی یمها ایه طلع اسمچ بنیه ایه والله حگه ابوچ من گال ایروحلچ فدوه وصدگ تنحطین اعله الجرح وایطیب بالله اشوکت اطیبین اجروحی

سبحت وارتاحیت ورحت ویه ابوی للزرع عدنه سوباط امسوینه عالی ونصعد وانام فوگ وبیه ضره بلنهار خاطر لاتحمسنه الشمس
وبلیل خاطر لایدبی علینه شی
حطت راسی ونمت ابوی هم گال ماکو شی اناملی ساعه واگعد نمنه مانمنه واهیس الموتر مالتی اشتغلت وطفت انه عدی موتر خاطر للحاجه لو للدیره من امشی ابسع ما التهی انطرلی سیاره والسیاییر قلیل ایعبرن منا
گمت عله حیلی لگیتها ابچانها استغفرت وردت نمت
لهناک واسمع واحد ایصیح اهووووووشم ولک اهووووووشم
گعدت مفزوع عاینت منا عاینت منا ماکو احد یالله کون اتعدی هل لیله عله خیر راح اتخبل
نمت مانمت واردود اهیس الموتر اشتغلت وابتعد صوتها وانوب رد اتگرب طفرت اعاین علیها ابمچانها بس تدوی وتطفه لاااااا اهنا صدگ ما ضل عگل ابراسی فززت ابوی

_بووویه بووویه اگعد

_ها ولک اشمالک

_اگعد های الموتر تدوی وتطفی مادری شمالها