الحب المستحیل(مسجون)

Part 7

بسم الله الرحمٰن الرحیم

سلامٌ علیکم
شلونکم حبايبي
انشالله ابخیر

.......

لاتنسون التصویت +المتابعه +والتعلیق بین الفقرات
..........

یالله نبدی.....

.......

Part 7
........

الشاعر ایگول.....

چثیره احمولهم ما صـح واگلهم

الموته اشلون احرچهم واگلهم

ابین اگبورهم لاگعد واگلهم

عیونی ماغفت وشلون بیه

........

هاشم....

اژیت ارکض وصلت الباب الحوش والوادم کلها ملتمه
وهاذه الایصیح یاوسفه وذاکه الیبچی
وهاذه الیگول الله ایرحمه
مادریت یاهو المیت
طلع عوده لاگانی وژه ابوژه صاح
یاااااااابووووویه
اهنا رجلیه ماشالتنی طحت عله ارکبی انثنیت لایاربی موش ابوی من عمری عله عمره
لا هاذه الغالی اشبیه الصبح گعدنی وی الصلاة و ندهنی  من نومی گال ....

بووویه هاشم گوم صلی گوم مایفیدک النوم
الصلاة تفتح ابوشک ابواب العسر واتیسرها الک

فزیت من صفنتی عله صریخ النسوان والطم
ضلیت ادگ عله راسی مثل الامسودن
اژه علیه عوده شبگنی وضل یبچی ویحچی ویای
_راح ابونه یاهاشم راح  السند والضره
شبگت علیه واثقب
_لا عوده دخیل ربک لاتگولها ابوی مابیه شی ابوی الصبح گعدانی للصلاة کلشی مابیه
عوووووووده گووول غیرها لاتگلی ابوی مات
مو گلی ازوجک بیدی واریدن اشوف خلفتک تلعب جدامی ابوی حید ما ایهزه شی
لاتگلی مااااااااااات کلشییییییی مابیهههه
_
ولک مات مااااات ولک بعد راح من یمنه لاتگلی هچ وتکصر ابگلبی اکثر مابیه حیل
گام عوده وهوه گفاه منحنی وگومنی ویاه
رحنه داخل البیت عمامنه کلها موجوده لگیت اختی ومرت اخوی وامی ایلطمن فوگ امنل جثه مالت ابوی
گعدت یم راسه وضلیت اعاتب بیه
هااا بویه لیش هیچی یاروحتی امنل دنیه
لیش بویه چا شنهی موش اطتنی وعد
الحد ماتشوف ژهالی یالله ترتاح
چاعود هسه انته ارتاحت وانه بعدنی اباولها
لیش بوویه چا موگلت ازفنک بیدی وانه احضر الفرس مالتک وازینها الک شو کلشی ماسوتلی
یاهو گال البسک البشت وارگص ابعرسک  بوووویه اگععععععد خلینی اشوف اعیونک الحلوه بووویه لیش هچی چاانته ترضه ابلواعی مو ادگول هاذه هاشم العزیز محد یوصل معزته
الو انه عزیز عدک چا اگعد
دگعد بعد لیش هچی تشلع ابگلبی واتشل ابحالی
ولکککککک بووووووویه اگعدد دخیلکککک
 
عاینت عله عوده وگتله.....
عووده گله گله عفیه لایعوفنه بعدنه مو ایگول مانتم حمل مسؤليه الحد ما اتعگلون یالله اعوفکم
عوده گله گله هاشم بعدهوتوه بعده بل تسعتعش عگله
طایش گله بعدهو ما یمیزن گله مایعرف عدوه من صدیجه عووووده گله لایعوفنی بعدنی محتازه کلش
عووووده گله خل یگعد
بووویه عزیز گلبی اگعد لیش هچی بویه
اضتکت بیه الدنیه جابلت الجنازه و ابچی ابصوت عالی واهیس جمره تلسعنی وسدری ما گاعد یحملها
عمامی دشو داخل البیت واحنه کلنا فاقدین ماندری شنسوی بس البواچی والثقیب
امی وأختي ومرت اخوی حالهن اخس من حالی
شالو الجنازه من جدامنه حته یاخذونها ایغسلونها
امی فقدت کلش ورجعت علیها الحاله ابموتت اخوتی ملخت روحها اتملخ وماخلت شعر ماهلسته ولاخلت نفنوف ما شگته وضلت ادگ
کضتها من اچتافها لان کلش حالته خربت وخذیتها للدار  وصحت عله خیریه حته اتژیب الها نفنوف
من دشیت للدار طاحت امی عله وژها
رکضت شلتها
ابهای الحظه دشت خیریه گلتلها حطیلها افراش
حطت الها افراش بدلت الها نفنوفها ووصیت علیها خیریه حته عینها علیها لاتطلع امنلدار
نشدتها عله عوده
گالت راح ویه عمامی للمغسل
سوتلی درب وطلعت بره البيت وانوب رجعت صحت علیها طلعتلی بت عمی گتلها صیحی عله خیریه