الحب المستحیل(مسجون)

Part 10

بسم الله الرحمٰن الرحیم

سلامٌ علیکم

کیف الحال

إن شاء الله زینین وابصحة ممتازه

.....

گلبی إلحـــزن والنــوح چلبي

واگل للــروح بالطيبين چلـــبي

إبشتــة وظلــمه إنبگت ما نبح چلبـي

إستهـــضم شاف إخوي إيبوگـــ  بیة

...

إلحزن وإلنــوح حیـل إوياك چلباك

دواك إيگــول دگ إثـــبات چلباك

إلحگ عنــده صنـت مـانـبح چلباك

چه یـــدري الأخو يعتــاز أخية

....

.....

لاتنسون التصویت +المتابعه +و التعلیق بین الفقرات

.....

البارت 10

بنية

سمعت حِس الدیچ ایعوعي  فزیت من نومی رحت اتوضیت و

صلیت و حادث امس عله بالی و شلون هاشم تهمنی

حقدت علیه ابگلبی شلت ایدي واندعیت عد ربی انو

ایبین اله اني بریه من اتهاماته

لمیت المصلایة ورحت للمطبخ عجنت عجین ورحت

گعدت بلحوش اعاین عله الأشجار شلون الهوه یلعب

بیهن بعدهو ماطر الفجر خذیت الشلنگه (الصونده)

ورَشیت الشجر و الورد البل حديقة

لهیت روحي بیه لحد ما کشف الضوه خذیت جدریه

ومشیت أحلب  الحلال

إلتفتت منا ومنا ماکو ماشفته

اتحزمت بلعبایه زین وگعدت

کفیت گمت عله حیلي شِلت شوفي إتراوالي خیال

چن واحد مر من الصریفه مالت حلالنه

رکضت للباب عاینت ماکو احد سمیت إباسم الله و

رجعت حچي چثیر إبالي

خلصت ورحت للبیت   دَشیت ورحت للمطبخ

لگیت إمي توها گاعده صبحت علیها خذیت العجین

ورحت  أخبز الیوم قرار امي اتروح البیت هاشم