السلام عليكم..
أنا زعلانة جدًا بصراحة، الرواية بتنزل بقالها شهر ومخلفتش في ولا يوم واعتذرت، وربنا يعلم بكتب فيها وأنا ظروفي إيه ومع ذلك بغصب على نفسي واكتب، بس ليه التفاعل كدة بجد؟!
أنا طالع عيني وتعبانة في الرواية دي لأنها كبيرة وأحداثها كتير ومُرهقة جدًا وبشوف روايات والله العظيم ما فيها فكرة ولا أحداث ولا أي حاجة وعليها مشاهدات بالآلاف، أنا عارفة أنها أرزاق وربنا يكرم الجميع بس بجد التفاعل عندي تقريبًا صفر..
أنا قولت الرواية دي هرجع بيها شغفي للكتابة تاني بعد فترة الأنقطاع الكبيرة اللي أخدتها بس أنا حاسة بإحباط دلوقتي أكتر من الأول..
أنا لو عارفة إن مفيش حد متابعني ولا يعرفني أصلًا بجد هسيب المجال كله لأن مش بالعافية أصله، بس الناس بتظهر في بوستات معينة، زي بوست بعتذر فيه عن الفصل، أو بوست منزلاه بعد فترة منقطعة، أو زي بوست اللي أعتزلت فيه، يعني فيه ناس أهو ومهتمة أمال ليه مش بتظهروا وقت ما بتعب وبكتب؟!
موضوع التفاعل دة مبقاش مفهوم بالنسبالي وبجد حاسة بإحباط ومش قادرة حتى أكتب فصل الأسبوع الجاي لإني عارفة إن محدش هيبص عليه حتى واللي هيبص مش هيتعب نفسه بكومنت..
