مساء الخير ♥
بقالي فترة بفكر في قرار وكنت مترددة جدًا إني أخده بس بعد تفكير لأيام كتير قررت إني أعتزل الكتابة، ربنا يعلم أنا تعبت وعافرت قد إيه، ضغطت نفسي وألتزمت عشان متأخرش عليكم في الفصول، بس أنا النهاردة بعترف إن الكتابة بالنسبالي بقت وسيلة ضغط، أنا بضغط نفسي عشان أكتب وعشان ألتزم بميعاد الفصل وفي الأخر مش بلاقي نتيجة لتعبي دة، جايز فشلت في إني أجذب ليا شريحة أكبر من القُراء ومش زعلانة إني فشلت ف دة، أنا عارفة إن كل حاجة ف الدنيا نصيب ودة نصيبي، جايز ربنا كاتبلي النجاح ف مجال تاني غير دة مش عارفة، المهم عشان مطولش عليكم إن شاء الله على مدار اليوم النهاردة هكمل الروايات اللي مش كاملة، أنا نزلت عالمان كاملة وهنزل أمير قصر الغرام كاملة، وأهاليل اللي كنت كتبتها من فترة ورجعت مسحت الفصول اللي نزلت منها هكملها برضه، يعني مش همسح أي حاجة، واتباد، جروب الفيس، بيدچ الفيس، كل حاجة هتكون زي ما هي، عايزة أشكر كل شخص فيكم كاتبلي ف يوم كومنت فرحني أو حتى انتقدني، بتمنى في خلال الخمس سنين اللي كنت بكتب فيهم أكون قدرت أفيدكم حتى لو بحرف واحد كتبته، البوست دة مسك الختام زي ما بيقولوا وربنا يوفقكم جميعًا ويوفقني معاكم ♥✨
------------------------------------------
