الرجعه لبيت خالو سراج كانت اسوء شي وبصعوبه قنعتهم اروح يم صُهيب بسيارتة حتى لا التقي بيك بعد الي سويته ولچمت گلبي بسالفتك الي ما تتسولف.
هاينك اسود شتوي لبسته اغطي بي رگبتي عن لا يشوف صُهيب اثار العُنف الي سويتهن بيه بذاك اليوم وراح تاخذ وقت طويل حتى تختفي .
وبسبب تعقيدي منهن گعدت طول الليل امسحهن بثلج حتى تزيل الاثار الزرگ بجسمي و اگدر اروح للمدرسة بدون ما اتعرض للاحراج.
"گوم وياي"
وگفت فيديو الشرح اباوعلك وانتَ تصيحني من يم باب غرفتي بوجه متجهم و رحت .
استغربتك اگوم وراك اصعد على السطح وكانت الشمس قويه بهذا الوقت من الضهر فسألتك واني اشوفك تفتح الغطا مالت التانكي.
"شكو؟"
"مزروف هذا التانكي منگع السطح،
الزم"
اخذت العده منك اخليها بالگاع، وانتَ تفرغ التانكي و تنظفه من الطين الي بي.
"الكاويه"
باوعت للادوات اشيل وحده منهن و انطيتكياها .
"تعال الزمه اليه"
كمشت التانكي و كان ثگيل كلش فنزل مني واني احاول ارفعه.
"خايب شد حيلك!"
"ثگيل"
اشتكيت احاول ما يفلت من ايدي و انتَ تسد بالثقب الي اخذ وقت طويل حتى طلعت من ورا التانكي تباوعلي بين ما تمسح العرگ من جبينك.
عفته بالگاع اباوع لباطن ايدي ترجف متزلغة صارت حمرة هالگد ما بقيت شايله .
رفعتة انتَ بسهوله ترجعه لمكانه و تغلقه عدل .
"انزل شغل الماطور "
نزلت من الدرج انظف اديه من التراب و رحت للنقطة اشغل الماطور مثل ما گلتلي.
وراها بدقايق شفتك نازل تسد الباب الحديدي للسطح و تنزل بثگل تدخل غرفتك .
صعدت لغرفتي اخذ ملابسي ناوي انزل حتى اسبح بس صياحك من الغرفه خلاني ادخل لغرفتك بشكل فضولي ،
واضح الفضول ما يطلع بس اذا كان الموضوع بي انتَ.
"يوم ويـنچ!
ويـن اخـذتي الخـاولي؟!"
باوعت للكنتور و فتحته ادور بعيوني عن الخاولي مالتك.
من ما لگيته رحت يم باب الحمام و دگيته على كيف و انتَ فتحت الباب تمد ايدك بس.
خليت بيها الخاولي مالتي وانتَ اخذتة و دخلت ايدك.
"ميمي ؟
انتَ هنا؟"
أنت تقرأ
ميار
Historia Cortaمـن أُغنـية 'هَـاهـِيه انِّـتهـت' وبـ لَحظة نَـدم حبـيتك آنـي لـو تِسـأل عَلـيّ مرة بـ غلط مّـو دوّم أَغفِـرلك انـا و مـا اشـّيل بأحلامي يّـا هالكِـثر القصائـد راحّـن بـأوهـام ويـا كِثر الصـِور المـچَـلبة لّـيه انـا ردتـَك ثَـلج وطـّفي هالـنار صِـ...
