ألكَاتبة: ألـ شَهـد
-نَقضُ ألـ مُحكمة
لو جَرح واحِد سَهل عَثرة ونرد نگوم
بس انَه گلبي وطَن مِن كُل كُتر مَلچوم .
﹉﹉﹉
ماكـو ثواني و أسمعلـك عيطت هُمام الزرفت روحي
ركضنة كلنة برا، لگيت دُلهام طايح بلگاع يفرك بصـدرة مختنك : ماي ماي علىٰ السريععع
رگضت علي وخرتهم من يمة حتىٰ يتنفس، ضليت ادلك بصدرة حتىٰ يوصلة النفس، اخذت الماي من أيد سَـند غسلت وجهـة ذبيت شوية علىٰ صـدرة
:- أحسن شويَ؟
أكتفـة يهـز بَراسة گـعد بلگاع مهـدود حيلـة : وهسة غرد شبيك؟ بشنو فكرت بحيث اختنگت؟
صَفن بوجهي و عيونة گامت تلالي بلدمـوع : لا تعوفيـنة
عگدت حاچبني مستغربة هذا شَبي
:-شبيك أبني شعوف منكُم؟
دموعـة نزلت فتحت عيوني مصدومة من يمة استرسل بلكلام بصوت مخنوگ گوا يـطلع
:- لَونار لا يجي يوم تعوفينـة صفنت عليچ و انتِ تضحكين، خفت هوايَ خفت يجي يوم ما اسمع ضحكتچ
:-لك أمي قابل وين رايحـ ...
قاطعني مكمل كلامـة
:- خايف يجي اليوم الأگعد بي بدون صوتچ، بدون توصياتچ علىٰ صلاتنـة بدون نصايحچ منرتكب ذنب بهذا اليوم حتىٰ منغضب رب العالمين بدون ما نبوس أيدج الدافية يلي تحسسنة بلحنيـة
غص بلكـلام ما يگدر يكمل، درت وجهي ألگـة هُمام فاحط من البچي، سَـند و شهم گاعدين علىٰ ركباتهم و ايدهم علىٰ وجـهم وجسمهم كلة يهتـز، عمو هُشام و عمتي روُحهم مسحونـة
مسح وجهـة محاول يهدء روحه و استرسل يكمل
:-خـايف لدرجـة اريد رب العالمين ياخذ امانتة قبل لا يجي اليوم التختفين بي من حياتنـة، لَونار انتِ أمي، سامعة يلي يكلچ الأم مو يلي تخلف يلي تربي؟ صح اجيتي و أحنة شباب و مراهقين، بس اقسم بلقرأن تايهين مانعرف شي، رغم صغرج سندتينة درستينة وصلتينة بلسيتنة احلى لبس احلى كشخة، نمشي و احنة رافعين روسنة بيچ
شرب ماي و كمل
:-مـ ماريد يجي اليـُوم لَونار تختفي من حياة دُلهام، لان راح تصير عبـارة عن اسوداد، لَونار أحس اكو نقص بيومي اذا ما بست ايدج و راسج، احس يومي باهت بدون دعواتچ الترد الروح و أنتِ تأمنينة يم الـ كُل أمـام، مراح تسويها مَو؟ بردي النار البروحي لَونار برديها روحي جاي تنسحب علىٰ البطيئ
طَـول ماهوا يحچي الغصة و الخنگة ملازمتني بس دموعي محاربتني محارب متريدني ارتاح حتى دموعي وگفت ضدي، گعدت علىٰ ركبي گدامة مسحت دموعـة بأيدي
:- دُلهام أنا علىٰ شنو علمتكم؟ مو كلت ميصير نسبق الاحداث؟ مو گلت نعيش اليوم بيومة و الثانية و الدقيقة و كلشي بليوم يلي عايشين بكُل حذاريفة؟ شكاتب ربك راح يصير حاليًا يمكُم عليش هل تفكير أمي؟
أنت تقرأ
نَقضُ ألـ مُحكمة"ألشَاهر 3"
Aventura|| خَيال || في زوايا مدينةً عتيـقة حيث يختلط الضوء بالظلال تعيش فتاة في عالم خفي من الألغاز بين جدران منزل قديم تلوح ذكرى والدها ، التي تلاحقها كطيف غامض يترك لها وصية مشفرة ، كأنها خريطة لمملكة مفقودة تتطلب منها الشجاعة لمواجهة الم...
