احببت رجل بلا مشاعر

part 15

شو انتي ما تستحين على شرفج ادبسزز

شنو هذا وليش تشوفين زوجي صور اخواتج

شنو هو كايلج شوفيني

لا وانوب لابسات فساتين مصلخات ما تستحين

محمد (زوجي)،، عوفيهن ايولن انتي احلى منهن ومهجه اجت اتشوفني مزرعه أهلها وطلعن هذن صور اخواتها بدون قصد

مهجه،، اي صحيح اشبيج راح بالج بعيد

غفران،، اني الج وانته حمودي العذر أقبح من الفعل اووووف

وبعدين صعدت لغرفتي وضليت ابجي جبت حياتي اول ما ازوجت بس ابجي رغم اخذت الي احبه بس ما ارتاحيت ابد ولا يوم بس عندي بتي عندي تسوه الدنيا كامت اصيحلي ماما واصيح بابا بس هي اتحب ابوها وأبوها هم ايحبها بس مو ابكد ما اني احبه

وبطني يوم عن يوم تكبر واني اريد اسمي علي بس أبوه ايريد ايسمي جاسم

والمشاكل ابد ما تخلص واعيالي مشكلجين وايدورون افصول وبين قوسين ايحبون العرك حتى ابيناتهم يتعاركون اني ما اهتم اكول شعليه اهتم بنفسي احسلي وأخذ بتي واصعد لغرفتي

حرفيا غرفتي كلشي ما بيها لا تلفزيون ولا ثلاجه ولا براد بس غرفه الاخشاب والملابس وعندي دفاتر اكتب بيهن مذكرات ارسم اكتب وين اروح ابقى اكتب انوم بنتي واكتب حتى موبايل ما عندي

ويوم من الايام اني بشهر الثامن كاعد نغسل زوالي ومدات بره بلطرمه اني ومهجه مرت مصطفى وابنه ما اعرف ليش حاقد عليه لو مهجه يمكن كالت الابنه يدفعني اني واكفه على الصبه عاليه نص متر عن الكاع واكفه وما هيست الا دفعه من وره اجتني وطحت بس اني حطيت اديه وركبي اتعورت. بس ما خليت الي ابطني يتاذه بس حسيت طفر فوك ابطني المهم كتله هاي ليش تدفعني لو ميته اني وابني هو اصغير اجت أمه كومتني واجت عمتي هماتين كومتني ورحت لغرفتي بدلت ملابسي وارتاح بس حاطه ايدي على بطني أتاني يتحرك ابطني والله وره نص ساعه واتحرك كلت الحمدلله والشكر ما بيك شي يا وليدي اجه حمودي

حمودي،، اخاف ابني بي شي

غفران،،. لا ما بي شي الحمدلله والشكر

حمودي ،، الحمدلله يله انزلي اتغدي

غفران،، يله نازله راح اجي بس دقيقه

نزلنه جوه للهول كاعد نتغده فكلت للحمودي زوجي

غفران،، حمودي خل انروح اليوم للبيت اهلي والله مشتاقتلهم اهواي وهمين صار ٧اشهر ما رايحين خل اروح فدوه حمودي

حمودي،، لا ماكو روحه لهلج ماكو

عمتي،، خل اروح للدكتوره احسن لان طبيتي بشهر الثامن ولازم تضربين ابره مال الطفل وبعدين من اطبين بشهر التاسع روحي لهلج انتي وحمودي هاهيه