غفران ،. اجت شهد وكالت اجو عليج خطابه اني ما صدكت كلتلها لا تشاقين وياي هي عمتي اجت شبيح
شهد ،. ولج والله وبابا ايصيحج ايكول خل تجي اتشوفه
يله ابسرعه رتبي حجابج
غفران ،. ضليت مرتبكه وخايفه ومستحيه يعني شعور ما ينوصف اجتي ماما
ماما ،. هاي بعدج يله ابوج يصيحج
غفران ،. يله ما عندي شي بس ذا أرتب بحجابي واني مستحيه ☺️
ورحت للصاله لأن همه كاعدين طبيت السلام عليكم وكعدت بصف أمي وعمي وحمودي صاير كدامي ابن عمتي استحيت بابا فتح الموضوع
بابا ،. غفران ابن عمتج جاي يخطبج اتوافقين لو لا وهاي السنه الحياه شدكولين بابا
غفران ،. هااا والله ما ادري ابكيفكم
بابا ،. شوفي للولد هذا كاعد كدامج وانته هم شوفها
ام مصطفى ،. هااا بنيتي شدكولين ام عباس انتي شنو رائيج
ماما ،. فد ثلاث ايام وردلكم الخبر
بابا ،. علمود انشوف بتنا اتوافق لا خل التفكر زين
غفران بعده راحوا واجت ماما
ماما ،. ما اتوافقين ممنوع ادكولين اموافقه اكسرلج راسج خل ايولي يشتغل فلاح وكل خير ما بي فاهي مو خوش آدمي
غفران ،. اني ضليت ساكته واجه بابا كال
بابا ،. فكري زين هذا مستقبلج شفتي زين الولد مو صح شوفي بعد فكري عندج ثلاث ايام ورديلي الخبر حتى اكول لابو مصطفى تمام بنيتي
غفران،. الله كريم بابا
هسه اني اشلون اوافق زين هو شغله فلاح وما واصل بدراسته وما اعرف شي عنه صح هو ابن عمتي بس ما اعرف عنه اهواي وهو ساكن بأرض زراعيه أشبه بالبساتين همه متمكنين ماديا عدهم سيارات اثنين يشتغلن بلشركه وابوهم موضف بلشركه بس ابنهم حمودي فلاح بس يله منا لمن نزوج يلكه شغل أو ايجوز أبوه ايحطه بسياره بلشركه ما اعرف اهم شي هو اخلاق مثلي وما ايعاين على البنات مو مهم الفلوس اهم شي كون ارتاح وياه اجت شهد
شهد ،. غفران اشبيج تحجين ويه روحج
غفران ،. ما ادري بس جنت افكر بزوجي المستقبلي
شهد ،. تره هو بعده مو رجل
غفران ،. اعرف بس هو يصير من نصيبي لأن اني حسيت حبيته اني معجبه بي لأن هو انسان لطيف ووسيم وأنيق كلش هو ابيض وعيونه خضر وطويل
شهد ،. امبين انتي اتحبي هاا احجي ولج
غفران ،. اي ليش لعد ولج حبي اله مالا حدود كلش احبه واغار عليه
شهد ،. خايبه اشفتي منه هو فلاح شغله
غفران ،. عادي اني مو طماعه اهم شي راحتي يمه
شهد ،. ولج ما امخلص دراسته صف سادس ابتدائي وبطل حتى شهادة الابتدائيه ما ماخذه
غفران ،. عادي تره اني اصرف عليه اكمل دراستي واصرف عليه
شهد ،. منو ايكول اتخلصين دراسه بعد الزواج ايجوز ما ايخلوج اشلون ابنهم
غفران ،. اني واثقه راح ايخلوني
شهد ،. ابكيفج بعد يله روحي نامي بأجر تحجي
تصبحين على خير
غفران ،. وانتي من اهلو
صار الصبح سمعت انو الاسبوع الجاي المدرسه يبدي الدوام اني اتحمست حتى اشوف صديقاتي واسولفلهن على كلشي صار وياي بالعطله
اجت أمي كعدت يمي
ماما ،. ممنوع اتوافقين على الزواج سمعتي هذوله ناس همج وعربان مو من مستوانه
غفران،. هسه ماما الولد خوش ولد وما سمعنه عنه شي وسمعته زينه
ليش تحجين عليه
ماما ،. سدي حلكج هسه ايطيح حضج هسه اتشوفين
بعد مرور ثلاث ايام واجوه أهل حمودي
حبايبي يتبع قصه حقيقيه 🥰⭐اتمنى تعجبكم
أنت تقرأ
احببت رجل بلا مشاعر
Chick-Litتتكلم هذه الروايه عن فتاه بعمر المراهقه اتعبها رجل لا يعرف قيمتها وحنانها حاولت بكل الطرق اكتسابه ولكن خسرها بلهجه العراقيه
