احببت رجل بلا مشاعر

part.17

عمي صاح علينه عليه اني ومهجه بس اني كلبي من الخوف ما اعرف اشلون اتوترت

حسيت روحي بعدني طفله واحتاج ماما وبابا

رغم انو اني ام طفلين بس كلش خايفه

عمي ،، منو ذبت ملح بلعجين ومنو خربتها

اني ضليت ساكته بس احاول اثبت انو مو اني الي ذابه ملح بس اني وزوجي كتله

راح عمي طلع بره وجاب وياه شطب مال رمان علمود نحجي

عمي،، وبصوت عالي منو خربت العجين وبلش يركع الشطب بلحايط

مهجه،، عمي انوب والله حرامات الطحين و العجين خربته هاي غفران منو غيرها الجهال عفتهم نايمين ومن اجيت يله كعدوا بس هي بلبيت

غفران،، مو اني ذابه ملح ليش اتجذبين

عمي،، جيبوا القران خل ايحلفن اثنينهن

غفران ،، اني ما احلف ومو اني ذابه عجين

واحجي بكل ثقه بس بداخلي ذنب لأن خربت نعمه الله وبلحضه عصبيه سويتها

مهجه،، اي عادي اني احلف

عمتي،، ليش ما اتحلفين اذا انتي ذابه ملح مو صح

غفران ،، لا مو اني ذابه

عمتي،، لا انتي ذابه لعد ليش ما اتحلفين

غفران،، لأن مو شغله يستوجب ينحلف عليها هي مو قتل

عمتي،، عذراء جيبي القران خل تحلف

عذراء ،، صار يأبه

ابني بحضني نايم بلكماط ويردون ايحلفوني بس اني رديت عليهم وكلت مستحيل احلف ومو اني ذابه ملح بلعجين وشتردون اتسون سوه

عمتي ،، سمعتها جنتك غفران شتحجي اذكول خل شيسوي خل ايسوي

عمي،، اني أعلمه

اجه بتجاهي وبكل عصبيه وكره اني نزلت اعيوني بلكاع وضربني بلشطب على ضهري حيل وزوجي كل هاذا الحجي الصار ما كام دافع عني ولا وكف وياي ابد ضل ايعاين اشلون أبوه يضربني بكل انانيه وحقد اليكول يطلب ثار وبحضني ابني اصغير عمره شهر ويومين شفت الضيم والمر

بعد ما ضربني بتي خافت وكامت تبجي وتصرخ وضربها بس حامتها عذراء واخذتها بحضنها

عمي،، يله أخذي جهالج واصعدي لغرفتج

اني اخذت ابني ورحت لغرفتي وبكل هدوء

بس كلبي انكسر لأن ما عندي سند انتجي عليه وكت الشده حتى زوجي تركني صح اني غلطت بس حتى اخلص من العذاب الي عشته يمهم كله كتل وضيم وقهر واحس حتى ما مزوجه اصلا لأن رجلي مو وياي ولا حتى يسندني بس اينام ويأخذ شغلته ويمشي بس اشلون الجاريه أو الخدامه اشتغل واتعب وأقل غلط ايحاسبوني عليه مع الاسف