احببت رجل بلا مشاعر

احببت رجل بلا مشاعر. part 6

بعد مرور ثلاث ايام ،،،،،،،،

اجو بيت عمتي علينا ،

عمي وعمتي وجدان وحمودي وعمي ابو مصطفى

حجى عمي ابو مصطفى ويا بابا

هااا ابو عباس بتك شدكول اموافقه لا

بابا ، هسه اصيحها

عمتي وجدان،، راح اروح يمها واسولف وياها واشوفها اني وام عباس

غفران ،، اني جنت باستقبال اسمع حجيهم وفجأة اجت عمتي وماما

عمتي ،، انتي شدكولين اموافقه على ابني حمودي

غفران ،، اني استحيت ما عرفت شكول ضلت اتقنع بيه لأن هيه رايدتني لابنه حمودي

فاني كلتلها اي اموافقه

عمتي ،، هلهلت كلللللش

ماما ،، ما عجبها لأن ما اتريدني اتزوج اني وحمودي

غفران،،. بعد ما عمتي راحت يمهم اتفقوا على المهر وتجهيز الخطوبه وصالون وحطينا شرط

بابا ،،. احنا بتنا ما اتبطل من المدرسه هذا شرطي اضل اداوم لأن بعدها تدرس وراح انطيها وحسب رضاتها هي محد جبرها على بركه الله الخطوبه الاسبوع الجاي الجمعه

عمي ابو مصطفى ،،. ها هي ابو عباس انخليها اتكمل دراسته الجمعه احسن وقت الخطوبه لأن الجمعه مباركه

بعد ما كملوا حجي اجت عمتي باستني وكالت انتي راح تصيرين جنتي ومرت ابني طبعا ابنهم وياهم بس ساكت حسيت أنه هو غامض وما اعرف يعني مو اجتماعي بس سلم وكعد حتى ما حسيته فرح أنه راح يخطب

ماما ،،. اني مو كتلج لا اتوافقين بعدج تدرسين ولج ليش اتكسرين احجايتي اني اريد مصلحتج اني احبج والله ايبهذلج شجاج كلتي أريده شسوي بعد الحجي ما يفيد الاسبوع الجاي خطوبتج

غفران ،،. ماما هاي قسمتي ليش اتعارضين والله اني كلش احبه هو خوش ولد ومهذب وما سمعنه عنه شي فد يوم من الايام

ماما ،،. الحجي خل ايفيدج ما طول انتي الي ردتي اتحملي ولج انتي راح ايسوج خدامه عدهم المره مثل الخدامه بس يالله انتي مصره عليه حتى للبساتين ايخلوج تشتغلين تحشين وتنضفين ايضحكون عليج هو ابنهم ما خلوا واحد ما راحولوا ومحد انطاهم مره
شبيح انتي مو انتي بنيه واصله ودارسه وبت مدينه اشلون تروحين لإبن الريف شتعرفين عن حياتهم انتي يله روحي نامي بعد تصبحين على خير

غفران ،،،. زين صدك ماما حجت اني اشتغل بالبساتين,؟!

يالله خليها على الله ايجوز يطلع زين

ثاني يوم اجت عمتي لأن بعد ليوم الخطبه اربعه ايام ....

سلمت عليه وهي سلمت على أمي وعلىيه واخواتي هم اجن سلمن عليه . وحبينه شقاها وطريقه كلامه عمتى فطيره على نياته واني هم كلشي ما أدبر مو مثل هذني النسوان الوكحات يعني كلشي الله ينطينياه اني راضيه بي