احببت رجل بلا مشاعر

أحببت رجل بلا مشاعر. part 13

          كان الرد صادم..

طبعا هو فرح وأهله همين    ... بس

اذا بنت اطرحين ما اتبقيها ابطنج .. سمعتي

اني ضليت خايفه ما اعرف شنو اكول وادعي

ربي ينطيني ولد ولا بنت لأن تنضلم.. خطيه

حمودي،، الف مبروك ام روان

غفران،، على شنو

حمودي،، غير حامل اتباركلج

غفران،، اي بس اني جنت ما رايده لان بنتي اصغيره اشلون اذا طلعت بنت ابطني شسوي

حمودي،، لا اضلين تأكلين خره... اذا بنيه اذبيها
سمعتي

غفران،، والله حرام عليك اشلون اتريدني اكتل. روح ابطني

حمودي،، هسه انتي بعدج اسمله هستوج حبلتي كولي يا الله بلكت ولد لا اتخافين

غفران ،، عليك الحسين إذا ابنيه اني ما اذبها فدوه حمودي الله ايخليك

حمودي ،، الله كريم

غفران،، الله كريم

حمودي ،، يله ولي نامي

غفران ،، تصبح على خير

حمودي ،، منين يجيني الخير من وراج

اني ضليت ساكته وخايفه حتى اشتغل اكمل شغلي واصعد لغرفتي وادعي واكول بلكت ربي يبشرني بولد يحميني من هاي الناس وخصه ابوهم ما ايخاف الله يحميني اني وبتي
   
          صار عمري 18سنه وكبرت بطني

وصار الي خمسه اشهر وعمتي ام زوجي ادكلي امشي اروح انحلل واني ارفض لحد ما اجه زوجي حمودي كال بشري سويتي سونار  جاوبته وبنبره قلق وخوف لا ما رحت للدكتوره من هذ ما حللت وطلعت حامل

حمودي،، بأجر اخذج انتي وامي تروحين للدكتوره

اني نمت باحضانه بين اديه وما حسيت غير للصبح احيانا هو عصبي واحيانا زين ما اعرف شنو قصته .... صار الصبح

سويت الغده ونضفت ومرت حماي راحت سبحت جهالها  وكعدت أوكل بتي غداها اجه ابن حماي عباس ضرب روان بتي فاني ما حجيت عليه عفته وأمه اشوف وعادها مره لأخ كمت وكتلته كدام أمه هو أكبر من بتي فرق اربع سنين واني بتي بعدها سنه ما صاير عمرها وأمه مرت حماي ما ترضه على ابنه الوحيد والمدلل فكامت كالت

مهجه بعصبيه،، ليش ضربني...  ابني. الربح بيج انتي وبتج

اني ما جاوبتها ضليت ساكته كلت كلمه وحده بعد الا امسح الكاع بيها

اجت عمتي.........

عمتي أم زوجي،، شكو اصواتجن طالعه بره شكو

مرت حماي مهجه،، والله اسلي جنتج بت اخوج ضربت ابني

غفران،، ليش ضربته اني لأن ضرب بتي اول مره ضربها اني ما حجيت لأن انتي كاعده وتشوفي وثاني مره يله كمت ضربته اشلون اجذب

عمتي،، انتي انوب لا اضربي كولي لامه وإذا أمه ما ردته تعاي كلي

غفران،، صار عمه

مهجه،، شنو من وره كساسه اضرب ابني لا والله وضلت  اتلاسن اني ما اهتميت لبسته لبست النعال ورحت صعدت لغرفتي

اجه حمودي كال يله بدلي اخذج للطبيب سوي سونار

غفران ،، هسه اروح بعد وكت

حمودي ،، اني تاي اكلج يله حضري نفسج

غفران،، اني حضرت نفسي ونزلت وصيت عذراء على بتي ادير باله عليه وأخذنا عمتي ويانا ورحنه دخلنا يم الدكتوره .  ..........

وضلينا ننتضر  لحد ما اجه دوري ودخلت للدكتوره

      وأخذت لي سونار  اني خايفه وحتى متوتره ودكات كلبي صارت سريعه ............
كالت الدكتوره........؟.......

                   يتبع........

******************************

شتتوقعون حبايبي شنو قصه البارت الجاي وشنو الي بطنها انتضروني بارت جديد ،🥰💖💖🌹
         ترويها صاحبه القصه البطله "غفران"
 
    
       للكاتبه" روان "