الاسبوع الثاني واني مخطوبه ....
بلش دوام المدارس واني ثالث متوسط
يوم الاحد رحت استلمت كتب وهي بلشت الواجبات المدرسيه
بس خطيبي لا يتصل ولا يسأل ابد
اني كل همي جان دراستي وما افكر بي كلت ايجوز مشغول ما اتصل عليه ولا حتى افكر بي هو بس اسم خطيب جنت اصغيره عمري 16سنه وحتى موبايل ما عندي حتى اتصل عليه بس بموبايل ماما اتصل عليه إذا ردت بس اني ابد ما فارغه اتصل عليه لأن ادرس وهو هم خطيبي ما اشترالي موبايل لأن بابا ما يرضه ومن هاي السوالف
مر الاسبوع الثاني واني اداوم اني واختي شهد.......
وفجأة من وصلت البيت لكيت خطيبي هو وابن عمه واكفين يم المحل طبعا هو وابن عمه شبه ابيناتهم مو طبيعي يتشابهون سبحان الله
ضل ايعاين عليه خطيبي
اني كلت هسه يله كلت مخطوب لا ادك ولا تسأل عليه المهم اني من اروح للمدرسه بدون عبايه اروح بصدريه وقميص وحجاب ومن اروح للكرايبنه البس عبايه
رجعت للبيت اتغديت وبلشت اقراء واجباتي المدرسيه ... وبليل دك التليفون مال ماما
صاحتني ماما خطيبج ايدك عليج
اجيت فتحت خط ...
حمودي خطيبي.. الو
اني هلو شلونك شنو هل الغيبه
حمودي ... والله الشغل ما يخلص
اني ... اي خوش همزين اذكرتني
حمودي .. مو كتلج عندي شغل
اني .. تمام اني هم مشغوله بالواجبات المدرسيه
حمودي... اشلونج بلدراسه
اني.. زينه
حمودي ... يله باي اجو خطار ...
اني ... بايات
هاذا شبي صار كوم ما متصل عليه وعلى السريع وسده شبي هاذا اووووف؟؟؟!
اووووف والله هذا الرجال راح ايخبلني شبي بارد مشاعر زباله ما يحس بيه ما يخالف يله ايدك غير مره
ومرت الايام .......
وامتحنه نص السنه بعدنه ما امكملين كل المواد امتحان
وانتشر وباء اسمه كورونا
وقررت الوزاره أنه بعد ما كو امتحانات
وبس الي امتحناهن راح ايحسبوهن النه
ومرت ايام ...
ونشروا النتائج بليل
والحمدلله ناجحه 🥰🤗😊
وفرحت بس حلمي الي من صغري جنت رايده تمريض سد وا ما مفتوح اللاسف بس ما يخالف اكمل اعداديه
ودكيت على خطيبي وبشرته من فرحتي وكتله طلعت ناجحه هو فرح
وكال بأجر نجي يمكم نحتفل والحلو انو عيد ميلادي ويا النتائج صارت
نمت واني بس اتحلم بي بعد فرغت لا دراسه ولا شي فرغتله بس هو اموت عليه هو حب الطفوله بس من طرفي اني حبيته هو ما ادري بس شي اكيد ايحبني لأن خطيبته
واجو هو وأخواته ومرت اخوه
وجابوا وياهم كيكه نجاحي واجو
وفرحت ومن طفت الكهرباء هو كاعد ابصفي بسته وهو خجل وبعدين اجت الكهرباء وقطعنه الكيك واكلنه وفرحنه وبعدين كالي اني ما اتصلت عليج بفتره المدرسه لأن عندج قرايه ما حبيت ازعجج
اوكي اني ضليت صافنه ابوجهه وابتسم
ومن خلصنه حفله كالي ديري بالج على روحج
اني راح اروح تردين شي اجيب الج
رديت وكتله لا سلامتك كلشي ما اريد بس دير بالك على نفسك
مع السلامه
رديت الله وياك
اخواته هماتين سلمن وطلعن
__________________________________
تكمله البارت الجاي بليل ينزل حبايبي💖☺️
أنت تقرأ
احببت رجل بلا مشاعر
Genç Kız Edebiyatıتتكلم هذه الروايه عن فتاه بعمر المراهقه اتعبها رجل لا يعرف قيمتها وحنانها حاولت بكل الطرق اكتسابه ولكن خسرها بلهجه العراقيه
