هلو يابه شلونكم اخباركم
﴿فَرِحِينَ بِـما ءاَتَــٰهُمُ ٱللَّهُ مِن فَضلِهِ﴾
__________________________
صورت ايدينه
والطريق بعيد نمت على ايد سيف واني ميته من التعب
وصلنا
سيف:بويه يسُر كومي
يسُر:ها وصلنا
سيف:اي
عدلت شالي ونزلت والنومه بعدها بعيني
فتت للبيت استقبلتني لوجين
لوجين:وين جنتِ هل يومين
يسُر:وانتي شعليج
لوجين:لا عليه اسئل وين جنتِ
يسُر:عندي زلمه يسئل وين اطلع وين اطب
لوجين:من الاخير كولي يم صاحبي
يسُر:صاحبي شنو شهل سوالف
لوجين:لعد جاوبي
سيف:ولو انتِ شعليج بس هي جانت بيت اهلها
لوجين:شسوي بيت اهلها
سيف:يسُر بويه اصعدي وانتي شدخلج مدخلج
صدك صعدت ميته من التعب رغم ما مسويه شي بس مدري شبيه
داومنه ثاني يوم والطلاب كلها تباوع عليه وتتهامس
يسُر:شكو شصاير
ملاك:من كتلتي عمر
يسُر:لحد الان يحجون بيها
ملاك:اي
يسُر:يا شسالفه
دخلنا للقاعه وجان اشوف عمر بوجهي خفت لا يسوي شي
كعدنه وهو كاعد يباوع عليه
صح خفت من نظراته بس بينت قويه
دخل سيف يباوع عليه بحقد
وكعد يشرح
واني دخت دوخه كلش قويه وراسي صار يأذيني وصرت اون من الم راسي
ملاك:يسُر انتِ بخير
يسُر:اي اي
ملاك:شكلج ما يطمئن
ملاك:العفو دكتور على المقاطعه بس ممكن اخذ يسُر للحمامات دايخه وتعبانه
كبل سيف دار يشوف شبيه وشافني وجهي اصفر وشاحب
سيف:تمام اطلعو
طلعنه واخذتني ملاك للحمامات
صرت اذب من راسي
وتعبت مدري شصار بيه
بس ما اكدر احرك جسمي
احسه كله تكسر وتعبت وكل ساع اذب من راسي وتعبانه
ملاك كعدتني بالسنتر واخذت جنطنه وملازمنه وطلعت اخذتني للبيت واني لازمه ايدها من كثر ما الدوخه قويه حطتني على الجربايه ونمت وما حسيت شكد نمت كل شوي افز اشوف الساعه واريد اكوم ما اكدر وهم ارجع انام
ما احس غير ايدين على وجهي
فتحت عيوني بالكوه ما اكدر تعبت
ومن شافني سيف فتحت عيوني
سيف:بويه شبيج خفت عليج
يسُر:تعبانه
سيف:اوديج للمستشفى
يسُر:لا هسه اصير زينه
كمت وبدلت ونزلت وسانده روحي بسيف طلعني بره وطلع المنقله وقررته ناكل بره بالحديقه ونشوي سيف واخوان لوجين يشون
وضحك وسوالف واني ادوس على روحي حتى ما ابين تعبانه بس وجهي الشاحب واصفر مبين اني مريضه وتعبانه
صار الاكل وكلنا تجمعنه حتى ناكل
وسيف يوكل بيه واني اكل
شوي ردت روحي
وصار يهتم بيه اخذت اجازه من الجامعه لانو ما اكدر وكل ما يكول سيف اوديج للمستشفى ما اقبل وكاضيتها بس نوم لانو تعبانه
الحد بيوم جان جمعه بعد تعبت كلش وكعت بالكاع
اخذوني للمستشفى
طلعت حامل
الفرحه الي بعيون سيف ما تنوصف
وكلها تبارك وطبعاً اكو نفرين يباوعً عليه بحقد وشر
رجعوني للبيت وكلها فرحانه وهلاهل رجت البيت رج اول شهرين الحمل متعب بس بعدين لا عادي تعودت (هسه راح تكولون شنو المتعب بالحمل بالبدايه يسُر بنيتها ضعيفه وعمرها ١٩سنه يعني صغيره فا الحمل يكون عليها صعب)
رجعت للجامعه بعد غياب طويل
كلتها تباوع عليه خفت من نظراتهم
واول ما دخلت القاعه اجه عمر يمي
عمر:خفت عليج وين جنتِ
يسُر:وخر اخي
عمر:اخي شنو
يسُر:وخر فدوه ما اريد منك شي بس عوفني
عمر:افهمي اني احبج
يسُر:انته ما تفهم كم مره اكلك اني متزوجه وحامل
عمر:حاا حامل
يسُر:اي
وعفته وطلعت وما دخلت ولا محاضره وحتى سيف استغرب اتصل عليه
سيف:بويه يسُر تعاي المكتبي
يسُر:تمام جايه
صدك رحت المكتبه
فتت وشفته لازم اوراق عافهم واجه يمي
جرني وكعدني على القنفه
سيف:ليش ما داخله ولا محاضرة
يسُر:هيج معجبني ادخل ولا وحده
سيف:السبب
يسُر:مو كلتلك معجبني ادخل للمحاضرات
سيف:هذا مو جواب مقنع احجي الحقيقه
يسُر:ماكو شي
سيف:متأكده
يسُر:اي
سيف:زين اريد اشوفج فد فيديو
يسُر:تمام
طلع الفيديو وجان كلامي ويه عمر اهنا اني تصنمت صرت ما اعرف احجي الساني انربط
اباوع على سيف الي يباوع عليه بنضرات عصبيه شوي ويحركني
خفت منه
سيف:كم مره كلت من يضايقج احد كليلي ليش تعاندين
يسُر:سيف اني ما ادور مشاكل وانته تدري بيه
سيف:مو تبرير
يسُر:سيف بداعتي لا تسوي شي
سكت وعرفت هو جاي يدوس على روحه حتى ما يضوجني او يزعلني
قررت الطف الجو وكلتله
يسُر:زوجي الوسيم الحلو اليوم اريدك اطلعني
سيف:صار بويه وبعد
يسُر:اريد تشتريلي هواي حلويات
سيف:صار
يسُر:وهسه لازم اروح لانو عندي گوز
سيف:تمام
رحت قريب يمه وبسته من خده
يسُر:مو تزعل لانو محجيت
سيف:ازعل من الدنيه كلها ومنج ما ازعل
ضحكت وطلعت رحت للقاعه ودخلت
امتحنت وكملت ومن تكمل گوز تطلع من القاعه
طلعت رحت السيف لانو دخت
دكيت الباب وفتت
سيف:ها بويه صاير شي
يسُر:لا يس اريد اشوي ارتاح
تمددت على القنفه
ربع ساعه بالضبط واتصلت ملاك
ملاك:انتِ وين
يسُر:يم سيف
ملاك:شتسوين
يسُر:شوي ارتاح تعبانه
ملاك:جايتج
سديت الخط وصدك اجت وكعدت على الكرسي وما حجت شي لانو سيف كاعد يصحح اوراق مال گوز
سيف:نص ساعه ونرجع للبيت
يسُر:تمام
متمدده على القنفه وجاي اكلب بالتلفون مالتي وعجبني شكل سيف وقررت اصوره بالسر
سويت حركات بوجهي عود على اساس اني جاي اصور بس جذب اني جاي اصوره وصورته فيد وطلعً الصور والفيد يخبلً لانو تصوري حلو
صدك مرت النص ساعه ورجعنه للبيت وهو لازم ايد ويبوس بيها
ملاك:احم احم حسو بالسناكل
يسُر:لا تحطين عينج وضحكت
ملاك:انچبي ام راس
يسُر:احلا من راسج المصفح
وطكيت ايدي بيدها وضحكنه
سيف:احد يقنعني انتَ ما شافطات
يسُر:مو شافطات بس سوالفنه تافهَ
سيف:انوب تعترفً
يسُر:لعد شعبالك
وضحكت وكعدنه الطريق كله انحشش ونضحك
حرفياً علاقتي ويه سيف ويه ملاك قوت بحيث ما احب يومي بلياهم
وصلنا نزلنا
ام سيف:مبين عليكم تعبانين صبيت الاكل تعالو اكلو
يسُر:انتو اكلو عافيات اني ما اشتهي
ام سيف:لا يمه انتِ بالذات لازم تاكلين زين لانو مو حيدج جاي تاكلين انتِ وطفل بطنج
سيف:صحيح كلامج يمه يلا يسُر كدامي
يسُر:والله ما اشتهي من اجوع عود اكل
سيف:يلا بلا عناد لا احركج
سوت حركه مال ضباط وكلتله :حاضر سيدي
ضحكنه حتى عمه ضحكت ورحنه كلنا لميز الاكل ناكل
كملت اكل وستأذنت اروح وصدك رحت بدلت ونمت
فلاش باك
صرت اني بالشهر الثالث وبطني شوي منفوخه ولبسي كله عريض
وها صدك نزعنه الاسود اني وملاك وسيف واعد اخوه ما ينزع الاسود الحد اخر يوم بعمره
حبيت هاذا الوعد وحبيت حبه الاخو
كعدت العصر
سبحت وبدلت ومشطت واخذت شال ونزلت جوه اشوف سيف وين
شفت عمه
يسُر:اكلج عمه سيف وين
ام سيف:بره بالحديقه
يسُر:تمام
عفتها ورحت للحديقه
تمنيت بوكتها ما رحت للحديقه لو ميته ولا رايحه شفت لوجين حاضنه سيف انقهرت حزت بخاطري هاي الحركه
فتت قبل لا يشوفني
واني احاول اقاوم لا ابجي ولا انهار ولا اتوتر ولا افكر بالصار واحاول ادور تبرير على الي صار بس مجاي الاكي
عقلي سوه تسجيل خروج من راسي
شفت ملاك هي بير اسراري وشيصير اكللها واخذ منها نصيحه
وسولفتلها
وهي هم انصدمت مثلي
صار العشه
واني نفسي مسدوده وما اشتهي واحس روحي مخنوكه اني رحت صعدت فوك دزو عليه ملاك
ملاك:يسُر تعاي تعشي
يسُر:ما اشتهي
حاولت وياي واني ما قبلت نزلت شوي واجه سيف
سيف:بويه مشتهيه شي
باوعت عليه وما رديت ونزلت
حتى هو استغرب من هاي الحركه الي سويتها
طلعت رحت للحديقه اجت وراي ملاك وجايبه صينيه بيها اكل
ملاك:ما اكل بدونج
يسُر:والله ما اشتهي
ملاك:لعد اني هم ما اشتهي
ومنا ومنا اقتنعت وكعدت اكل وياها
وجان........ يتبع
