هلو يابه شلونكم اخباركم
﴿فَرِحِينَ بِـما ءاَتَــٰهُمُ ٱللَّهُ مِن فَضلِهِ﴾
__________________________
جنه كاعدين بأمان الله جان تجي لوجين وامها امها اخذت سيف تريد تحجي وياه وحيدهم ولوجين اخذت عمه وملاك فوك نايمه
كعدت وحيدي ما احس غير شي انحط على خشمي كبل وكعت ما حسيت غير على سطل مي بارد وبي ثلج
كعدت بشهكه
بنفس المكان الي جنت بي قبل
وشفت فاروق ولوجين وام لوجين
فاروق جر الشال مني وجر شعري تكطع شعري بيده
لوجين:فاروق يسُر حامل
فاروق:حامل ؟؟
لوجين:اي
فاروق:لازم تطرح
فتح الحبل وشمرني على الكاع كبل حطيت ايدي على بطني احاول احمي ابني وفاروق موتني بالدفرات ورفسات احس روحي تطلع من الالم مو بس يضرب احس بطني بطني بموت من الوجع والألم تكسرت تكسر الحد ما طاح الطفل
مات ابني
نروح للطرف الثاني سيف
صعدت فوك يسُر ماكو دورت البيت كله يسُر ماكو بالبيت كله وما لها أي أثر خابرت ابوها وكال لا مو يمنه خفت لا شردت بس ليش تشرد دورت البيت مره ثانيه ما الها اي اثر
رحت المركز الشرطه بلغت ورجعت واني بالي كله يمها
نروح للطرف الثاني يسُر
روحي طلعت صرت انزف عرفت فقدت ابني اباوع على ام لوجين و لوجين يضحكن
احس بالكوه احجي
يسُر:خاله ام لوجين اني مسويتلج شي ليش هيج جاي تسوين بيه اتخيلي بنتج تتعذب هيج وتفقد ابنها بس اني ما اكول غير حسبي الله ونعم الوكيل عليكم كلكم
ضربني فاروق برجله على راسي احس فقدت وكعدني بسطل مي
مرت يومين واني جاي اعيش هاذا العذاب
بعدها صرت انزف هواي
و وداني للمستشفى وصار عندي اسقاط راح ابني قبل لا اشوفه جنت انتظره يوم يوم
ضليت يومين بالمستشفى
وراها اخذني للمحكمه حتى اطلك من سيف حصلت ضرب منه وخلاني اوقع الاوراق بالجبار ودز اوراق الطلاك السيف حتى يوقع
اني متأكده سيف مراح يوقع
يومين وطلبو منه المحكمه انو نجي
صدك رحنه
اطوني اوراق الطلاك وسيف موقع عليهم روحي راحت
فا لازم الزم عده طلعنه فاروق حطني بيت ما اعرف وين ومرت ايام العده (ما اعرف ايام العده فا محددت رقم من يمي 🤡✔️)
بهاي الايام ما شفت وجه فاروق واني لا اكل ولا شرب
حاولت انتحر اكثر من مره
صحيح هو حرام بس بعد ما عندي بسبب حتى اعيش اله لا ابني ولا حب حياتي تدمرت
رجعني فاروق البيت اهلي
وسولفتلهم كلشي صار
وابوي ضرب فاروق وراد يتصل على سيف
يسُر:لا تتصل
ابوي:غير يعرف انتِ هنا
يسُر:وحتى لو عرف بصفته شنو ترى هو طليقي مو زوجي
نروح للطرف الثاني سيف
وصلتني اوراق فتحتهم شفت اوراق طلاك من صدمه صرت ما اسمع صوت الي يمي بس صوت وزه بأذني
كعدت افرفر براسي مزعلها لا مضوجها لا اشو كاعدين على حب الله
اجت عمتي
ام لوجين:وقع سيف هسه تلاكيها شردت ويه ابن عمها
صارت تحش براسي الحد مدري شصارلي وقعت
وصعدت فوك افتر بالغرفه اريد سبب مقنع حتى تطلب الطلاك
نروح للطرف الثاني يسُر
بليل ابوي اتصل على سيف
وفتح اسبيكر حتى نسمع
ابوي:السلام عليكم ابني
سيف:وعليكم السلام هلا عمي
ابوي:هلا بيك ابني على فكره يسُر يمنه
سيف:اي عمي شسويلها مو طلبت الطلاك ولبيت طلبها بعد مدخلني بيها
ابوي سولفله شلون عمته وبت عمته وابن اخو خطفوني وعذبوني
وحجاله كلشي
من خطفني فاروق الحد ما جابني اله
سيف صفن والصوت راح
سيف:عمي ابني مات
ابوي:اترحمله ابني الله مكاتبه الكم
ابوي بس كال هاي الكلمات صرت ابجي وطلع صوتي
سيف:عمي يسُر بصفك
ابوي:اي
سيف:لاتخليها تبجي دموعها تحرك گلبي
يسُر:سيف بس افهمك
سيف:اشششش اسكتي باجر العصر اني جايكم
يسُر:شنو لا تجي
سيف:السبب
يسُر:فاروق يسويلك مشكله
سيف:اكسر راسه
وسيف سد الخط و............. يتبع
