هلو يابه شلونكم
﴿فَرِحِينَ بِـما ءاَتَــٰهُمُ ٱللَّهُ مِن فَضلِهِ﴾
__________________________
طلعت من الحمام وشفت لوجين هي وسيف يحجون
لوجين:افتهم هي تريد فلوسك وتكسرك ليش باقي وياها اخذني الي
سيف:كملتي
لوجين:لا ليش
سيف:اطلعي بلاا
لوجين:سيف والله اني احبك ليش اختاريتها ها
سيف:واني ما اطيق وجهج
لوجين:شسويتي اله وخليتي هيج احجي بت المطي
يسُر:على فكره ما حجيت وياج وليش تغلطين اني ما مسويتلج شي شبيج وياي
سيف:لوجين اطلعي بره
لوجين:ما اطلع والله
سيف:اخر مره اكول اطلعي بره
لوجين:ما اطلع سيف افهم اني احبك
سيف گبل ضربها راشدي وجرها وطلعها من الغرفه واني اباوع واحس خفت كبل مشطت شعري سريع وهو مدري وين نزل من كملت تمشيط رحت حطيت راسي ونمت
نص ساعه واجه سيف
سويت روحي نايمه
وهو صار قريب مني وحضني واني وخرت منه
يسُر:وخر
سيف:شبيج بويه
يسُر:مبيه شي
سيف:اخر مره اسئل شبيج
يسُر:وخر سيف عوفني فدوه
جنت احارب دموعي حتى ما ابجي وبجيت
سيف:بويه احد وياج
يسُر:والله محد وياي سيف اطلع ما اريدك يمي
صدك هو طلع واني كعدت ابجي خايفه مدري من شنو ارجف من الخوف واسمع اصوات تخوف احس تخبلت بديت اخاف وصرت اتخيل اشياء تخوف بالغرفه گبل كمت توضيت وصرت اصلي وابجي مدري شبيه اصلي وابجي مدري كم ركعه ركعت وسجدت بس هواي واني ابجي وكل شهكه تطلع تموتني وترجع تحيني
بس ابجي مدري من شنو خايفه وليش ابجي من الاساس بس خايفه
طلع الصبح اني نزلت للمطبخ صرت اشغل روحي ومبينه اني منايمه عيوني حمر من التعب والبجي الي بجيته
طبخت الريوك وحطيته على الميز مال الاكل و رحت اجيب القوري مال الچاي
حطيت القوري على الميز ورحت حتى اكعد بس بعد ما مدرت لزمتني دوخه واحس الدنيه صارت ضلمه بعيني وبعد ما احس على شي بس كعدت لكيت روحي بالغرفه واني بيدي كانونه
صحيت شوي وملاك توكل بيه ومن فات سيف صرت انفر منه اخاف منه مدري شبيه اخاف خوف منه مو طبيعي
سيف:شبيج بويه بس كليلي
يسُر:ابوس ايدك اطلع وجهك يخوف وعيونك حمر و وجهك اسود كلش تخوف فدوه اطلع ما اريد اشوف وجهك يخوف
سيف:هاي شبيج كل عقلج هيج جان تحجين
مر اسبوع
واني بهل اسبوع بس انفر من سيف ما طايقه وجهة اخاف منه وحتى صلاتي الي جنت ملتزمه بيها تركتها ومن اسمع صوت الاذان كبل اسد اذاني
ما اقبل اي احد يفوت عليه بس ملاك وما اتقبل الكل
نروح للطرف الثاني سيف
سيف:يمه مدري شبيها صايره تنفر مني وتكلي وجهك يخوف عيونك حمر واسود وحتى صلاتها الي ملتزمه بيها صارت ما تصليها
ام سيف:خاف مسويلها سحر
سيف:لا يمه منو يسويلها
ام سيف:شصار احجيلي بالتفصيل الي صار
حجالها سيف من دخلت لوجين الحد الي صار
ام سيف:يمه مرتك مسحوره
سيف:شلون يعني
ام سيف:لازم انفك السحر
صدك ثاني يوم جاب سيف سيد ونزلوني وبده السيد يقره قرأن واني اخاف اكوم اهلوس وفجاه صرت مو بوعيه وبده الجن الي بداخلي هو الي يسيطر واطه كل المعلومات ومنو سيده
ومن عرف سيف لوجين هي السبب
راح يريد يموتها بس امها وكفت بوجه
سيف:والعباس والي سماه العباس السحر اذا ما نفك اليوم حظج اطيحه
صارو يودوني لهواي ساده وبعد شهر انفك السحر وبطل
بديت استوعب الي صارلي وملاك تحجيلي بالتفصيل واني اكللها اني هيج سويت وهي تكلي اي
سولفتلي على شلون سيف وكف وياي
فعلاً حسيته الشخص الصح
هو اجه خايف من ردت فعلي لا اطرده
اول ما شفته بالغرفه
يسُر:توتوتوتو متاخر نص ساعه وين جنت استاذ سيف
سيف بفرح:ما تنعاد بعد وما اتأخر
يسُر:غصبن عليك
سيف:غصبن عليه ؟؟؟؟
يسُر:ها اي ما تكول اكو وحده بالبيت تنتظرني
سيف:بعد ما اتأخر عندج وامر ثانيه
يسُر:للاسف لا
ضحك سيف وعرف رجعت يسُر القديمه
مرت الايام واني ما بادرت الحد اخر امتحان وزاري ال ملاك حرفياً تعبت ملاك من كثر ما سهرت تعبت المهم
جنت بالمطبخ وسيف ماخذ اجازه وكاعد يمي بالمطبخ وندردش والوضع طبيعي ربع ساعه ونسمع صوت هلاهل
طلعنه نشوف شكو
ملاك:كككككللللييييشششششش
يسُر:ولج شكو
ملاك:خلصت امتحانات ككككلللييششششش
فرحنالها ولليل اني بدلت لبست فستان اسود قصير وبي فتحه وبارز جسمي وملاك تحطلي مكياج وسوتلي تسريحه ورتبتني وطلعت اخبل وهي راحت واني ادرب على...........يتبع 🙈🙈
