هلو يابه شلونكم
﴿فَرِحِينَ بِـما ءاَتَــٰهُمُ ٱللَّهُ مِن فَضلِهِ﴾
__________________________
مقبل اله يوصلني
يومين واجه هو واهله يتقدمون من جديد
سيف:عمي اني حاضر الكلشي
ابوي:بس المهر مال يسُر غالي
سيف:انته إمر واني انفذ
اتفقو على هواي اشياء
سيف:اما بالنسبه للمهر الحاضر خمسين مليون والغايب ميت مليون
اتفقو على كلشيي
طلعنه اني واخته وامه وامي نختار الذهب
صدك اختارينه الذهب بسعر عشرين مليون
وسوينه حفله خطوبه وجانت من اكبر الحفلات
اجه السيد حتى يعقد اله
السيد:بنتي يسُر هل تقبلين الزواج من سيف******* اذا قبلتي قولي نعم انته وكيلي
عادهَ مرتين بالمره الثالثه
يسُر:قبلت نعم انته وكيلي
صارو يهلهلون
والسيد سئل سيف وهم جاوبه بالقبول
وبارك النه السيد وراح
وفات سيف للغرفه الي اني بيها ومن فات ما تسمع بس صوت هلاهل
ضحك من شافني وجان شكلي يخبل لابسه فستان وفوايت طويل والردان بي تول ومكياج خفيف
اجه صار قريب يمي گبل كمت وهو اقترب بالزايد وباس كصتي وكعدو يصورن ولبسني الحلقه واني هم لبسته الحلقه وبدينه بالذهب وصلنه للمعنى الاصعب هي التراجي
سيف:ساعديني
يسُر:مدخلني عليك
سيف:اذا اذنج انجرحت اني مدخلني
صدك فوت اول وحده بالسليم وفوت الثانيه بعد معاناة
شغلو اغاني وصرنه نركص ونغني ويه الاغنيه
احلا يوم بحياتي واحلا سنه
اتونست هواي بخطوبتي شكد صورنه وركصنه وهواي سوينه اشياء وصل الوكت مال تگطيع الكيك
گطعنه الكيكه و وكلني و وكلته وشربنه العصاير
وخلصت الخطوبه همه ضلو واني بدلت دشداشه وغسلت وجهي جنت منايمه بيومها اريد بس انام
وامي صاحتني لا حياه لمن تنادي
راح سيف للغرفه وشافني نايمه ومكرفصه غطاني وطلع وهمه شوي وراحو
اجلنا العرس الفتره حتى اكمل هاي السنه
ثاني يوم من خطوبتي من سيف دوام بالجامعه شفته جاي قبلي للجامعه شفت ملاك
ملاك:لج يسُر عندي شكد صور من خطوبتج انتِ وسيف
يسُر:دزي
صدك دزت هواي لقطات حلوه تخبل وهواي صور وفديوهات
اكو صوره هو حاضني من وره
نشرتها ستوري وجان تشوفه لوجين
گبل ردت على الستور
لوجين:رجعتو البعض
يسُر:اي
لوجين:بس شلون هو مو طلكج
يسُر:اي صح والبارحه خطوبتنه
هي سكتت بس شاهدت وبعد ما ردت
اني هم ما هتميت
اول محاضرة جانت السيف
بده يشرح وكل ما يدري ويشوفني يغمز الي واني استحي
وبنهايه المحاضره
سيف:يلا طلاب طلعو اقلام و وراق عدكم گوز
صدك طلعنا وصرنا نمتحن ومن كملنا رحنه انسلم الاوراق
يسُر:تفضل دكتور
سيف:على مكتبي يلا كدامي
اطيته الورقه ورحت على مكتبه
وهو شوي لحكتني
اول ما فات صوفر
يسُر:صاير ادبزز
سيف:بعرسنه اشوفج الادبزز شيسوي
وغمز
يسُر:اهو سيف
سيف:البارحه ما كلتلج شكد طالعه حلوه وتجننين
يسُر:اخجل
سولفنه شوي وطلعت من مكتبه
وكملنا اليوم الدراسي وصارت هيج ايامنه وقبل عرسنه بأسبوعين اخذنه اجازه حتى انجهز كلشي
رحنه اختارينه الغرفه رحنه اختارينه البدله
والجهاز
وهاي السوالف وهو وياي يختار
وطلع ذوقه احلاا من ذوقي
وحجزنه سفره الاربيل
اجه يوم الحنه مالتي
طبعاً حنه البنات بجهَ وحنه الولد بجهة لخ
لبست فستان احمر قصير ومكياج خفيف ووحطولي الحنه وكمنه هزينه وركصنه
اما على العرس
لبست بدله مال محجبات طلعت اجنن
ورحنه للقاعه
كلها التمت زلم ونسوان
واني وسيف بالنص
وطلعو اغنيه
ذبو القوط يهل القوط سيوفي لبس قاطه
وكلها ذبت الستر وظلت بالقمصان
ويرددون كلمات الاغنيه
ذبو القوط يهل القوط سيوفي لبس قاطه
ورگصنه چوبي
ومستحيل عرس عراقي بدون اغاني ساجده عبيد
ورگصني رگص كلش قوي ولا كعدنه ولا ارتاحيه غير من كلها صارت تأكل
وهم رجعنه نركص
وطلعت اغنيه
-هاذا الحلو كاتلني ياعمه
-افدوه اريد اكلمه
-انتِ شلون عمتي بيه مدريتي
-روحي كلها يمه
-يعمه يعمه
-هاذا الحلو كاتلني يا عمه
بحيث هلكنه من الركص
وكلها تركص ماكو واحد كاعد
طبعاً احنا بوجهنه انروح الاربيل
رجعنه للبيت مال اهل سيف وذبحو ذبايح يم رجلي وصعدت فوك الغرفتنه بدلت واخذنه الجنط ورحنه ودعنه الكل وطلعنه الاربيل من وصلنا الفندق وفتنه للغرفه سيف اخذ تلفوني وغلقه وغلق تلفونه وصار قريب مني وصار يشم بعطري خفت شوي وكلتله
يسُر:بس ابدل
صدك وخر واني فتحت الجنطه وطلعت اتراك وبدلت وغسلت وجهي من المكياج
وطلعت
يسُر:سيف خلي انصلي حتى الله يبارك بزواجنه
صدك هو بدل وتوضى وصلينه حسيت براحه نفسيه وما خايفه من شي و وراها ما اكعد غير الصبح واني لابسه قميص سيف ونايمه بحضنه كمت واني جسمي متكسر رحت سبحت وبدلت ومن طلعت سيف كعد
سيف بصوت هستوه كاعد:صباح الخير يحلو
يسُر:صباح النور
هو فات سبح وبدل واني هم بدلت وطلعنه نتريك بره بالمطعم وفترينه شويه واحنا لازمين ايادي بعض وضحك وسوالف وشفنه الشلالات وهواي مناظر طبيعيه تجنن وتغدينه ورجعنه للفندق وقررنه نفتح تلفوناتنه
اول ما فتحت تلفوني الجو احترك اشعارات
وحتى سيف من فتح تلفونه الجو احترك
شفت امي متصله اكثر من ميت مره اتصلت
وفتحت سبيكر
يسُر:هلو مامي
امي:هلا بيسُري شلونج عروستنه صبحيه مباركه
سيف:عمه قصدج ظهريه مباركه
امي:هلو يمه سيف شلونك
سيف:هلو عمه انتِ شلونج
وضلو يحجون ويتصلون اهاليتنه يطمنون علينه
وضحك وسوالف وصار عندنه روتين نطلع ونطب الحد اخر يوم باربيل
سيف:ها بويه لميتي كلشي
يسُر:اي
سيف:مناسيه شي
يسُر:yes
طلعنه من الفندق وسيف سلم مفاتيح الغرفه وطلعنه
رحنه للبيت وكلها جانت تنتظر بينه اول ما فتنه ما تسمع بس صوت هلاهل وذبو عليه چگليت
وهم اغاني وكلها تركص حتى سيف عافني وركص ويه ولد عمامي وعمامه
والبنات جرني فوتني جوه
منار:من الاخير شصار مصار
يسُر:مصار شي
منار:يسُر عليه
يسُر:شيصير مثلاً
ملاك:يسُر استعجلي اريد اصير عمه
يسُر:عزه شكد ما تستحن
منار:اي عيوني عفنه المستحه الج
يسُر:يا شبيجً عيب بابه
اهلي باتو يمنه
ويمكن احنا للصبح ضحك وسوالف
ملاك:تذكرين يسُر من ضربتي عمر راشدي
يسُر:لج جنت ميته من الخوف مدري شلون ضربته حتى اني مصدومه من روحي
ونسولف ونضحك
اهلي راحو
