اهلاا يابه
__________________________
اجه عيد ميلادي
وجان يوم عادي سويت روتيني طبيعي
طلعت من الحمام واني لافه شعري بالمنشفه
وبلكوه امشي على رجلي وجان اجه سيف وشالني وكعدني على الجربايه وهو يحط الدوه على رجلي
سيف:زين بادي يلتئم الجرح
يسُر:اي الحمدلله
كمل وهاي واني مشطت وهو بدل واني حطيت شال على راسي ونزلنا واني لازمه ايده خاف اوكع
كعدنه على ميز الطعام
وجاي ناكل بأمان الله
ام لوجين:يسُر اليوم تغسلين البيت كله
بعدني اريد احجي واجه الرد القوي
سيف:عمه اضن تشوفين مو عميه البنيه ماتكدر تمشي اله اسندها
يسُر:سيف عادي عود من انكمل اكل عود اغسله كله
سيف:وحق ابو راس الحار اذا تتحرك من الغرفه نهركم يصير اسود
ام لوجين:اكلك اشو دافع الها اكثر مني عود اني عمتك لازم دافعلي
سيف:عمه انتِ على غلط والبنيه ما تكدر تمشي اذا ما احد يسندها
شوي وكام وصار قريب مني
سيف:كملتي
هزيت راسي بمعنى اي
وهو جر الكرسي مالتي وشالني كدام الكل واني ميته من الخجل صعدني فوك وباس كصتي
يسُر:اهو هم بده بهاي الحركات محلوه
سيف:صدك ذكرتيني كل عام وانتِ بخير احلا من يصير ١٩سنه
يسُر:اهوو اخجل
وطلع قفل الباب واني حطيت راسي على المخده وثاري نايمه واني ما ادري وما احس غير ايد تتلمس بوجهي بس النعاس غلاب ما اكدر افتح عيوني من النعاس
سيف:يسُر بويه كومي
يسُر:فدوه بس خمس دقايق
سيف:ولا نص دقيقة
يسُر:اهوو اخلص من امي يجي سيف
سيف:كومي يلاا
صدك كمت وساعدني فوتني للحمام غسلت وجهي وطلعت وهم لزمت ايده حتى استند عليه وانزل وصب اكل الي واله وكعد يوكل بيه
يسُر:والله رجلي المجروحه مو ايدي
سيف:غير اهتم بيج وغمزلي
ضحكت وضل يوكلني وياكل وشوي عركات بسيطه وجاي نضحك ونسوالف
باسم:سيف يردوك برا
سيف:روح وهسه اجي وراك
سيف:يلاا يسُر امشي اصعدج فوك
يسُر:وديني الغرفه امك فدوه
ما مفتهم شي بس وداني الغرفه امه وفوتني ولكيتها كاعده ورحت يمها
يسُر:عمه عادي احجي وياج
ام سيف:اني ما عندي حجي وياج
يسُر:فدوه اسمعيني
يسُر:شوفي عمه لا انتِ تعرفيني ولا اني اعرفج ولا بحياتنه ملتقين وادري انتِ تكرهيني بسبب ابن عمي بس والله اهلي كلها ما تحجي وياه وكلها تكول لو فاروق ميت ولا ابن الناس عمه اني اعتبرج مثل امي واحبج واحترمج واعزج نفس ما احب امي
كمت واني رجلي جاي تأذيني وصلت للباب وجان تكول
ام سيف:يسُر تعاي
رحت الها
ام سيف:شوفي اني هم اول ما شفتج حبيتج بس بسبب غلطه ابن عمج انتِ جاي تتحاسبين وادري انتِ مالج ذنب اني بعد من اليوم اعتبرج مثل ملاك
يسُر:صدك
ام سيف:اي يسُر بنتي
وحضنتها وجان يفوت.........يتبع
