ضليع الملبس

𓌹 🔴 ضليـع رابع 𓌺

- ضليع الملبس -
- سجى حسين -
- الرابع 🔴 -

﷽ .

تعليق+فولو للحساب+متابعة لحساباتي انستا وتلگيرام

علقو بين فقرة وفقرة

البارت طويل اذا شفت تفاعل حلو وتعليقات ونجمات
ونشر على قصة بالبرامج بشكل حلو راح ادللكم بنشر
البارتات الجاية 🔥.

﷽ .

《 - 》

ربما لا تشفى ابداً

《 - 》

- ابتعدت شوية وظليت اباوع عليَّ مستغربة من امرة وشفتي يبست من الصدمة وهوَّ تمشة خطوتين وگف اندار علية وابتسم ابتسامة غريبة

:- ديـربـالـچ تـرا ابـو الحُـب والحـرب گاعـد يـراقـبـچ

- انصدمت بكلامة وهمست بصدمة، أستيرة:- شنو ؟

- ضحك وراح صعد بسيارتة وتحرك بسرعة، ظليت واگفة
مستغربة من كلامه شنو قصدة، فزيت من صفنتي ودخلت جوة
راسًا إريد اشوف شنو مسوي ببيتنا

- دخلت للصالة ماكو شي على حالها افتريت باقي البيت ماكو
شي، دخلت لغرفتي اخير شي وشفتها مطشرة وكُلشي مو بمكانة
ظليت واگفة مصدومة من حالة الغرفة !

- گعدت على چرباية وظليت افكر هذا منو وشنو يريد مني
طلعت تليفوني وخابرت على اهاز وهوَّ راسًا جاوبني

اهاز:- ها عيني رايدة شي

- بللت ريگي، أستيرة:- إريد اطلب منكَ شي بَس لا تگول لاخواني ولا لاحد

- سكت ثواني مصدوم من طلبي، اهاز:- شنو هوَّ

أستيرة:- ممكن طلعلي معلومات على شخص
- ضحك بصوت غريب، اهاز:- منو هذا الشخص

- بتوتر، أستيرة:- هيچ مجرد شخص
اهاز:- تمام لـعد انطيني اسمة وشنو تعرفين عَنه

أستيرة:- اسمو ما اعرفة بَس اعرف عنوانة
اهاز:- تمام بَس نلتقي دليني على عنوانهم وانا اخذ اسمة وابحث عليَّ

أستيرة:- ‌‎تَمام لـعــد

- سديت الاتصال وگمت بدلت ونزلت گعدت انتظرهم يرجعون صارت ساعة بـ٢ وهمه ماكو، شوية واندگ باب البيت صحت بصوت

أستيرة:- منو
علي الاكبر:- اني

- فتحتلة الباب ودخل للبيت، علي الاكبر:- شنو صار شعجب هيچ وقت اجيتي

أستيرة:- مادري همه طلعونا هيچ وقت وگالوا راح يجي شفتّ ثاني

- هز راسه بـ اي، أستيرة:- شنو الياس ما اجة اشو تاخر
علي الاكبر:- هسه فدساعة ويجي