ضليع الملبس

𓌹 🔴 ضليـع ثاني وعشرين 𓌺

- ضليع الملبس -
- سجى حسين -
- ثاني وعشرين 🔴 -

تعليق+فولو للحساب+متابعة لحساباتي انستا وتلگيرام

علقو بين فقرة وفقرة

كُل تعليقاتكم الابطال يقروهن واحد واحد فـ انطلقو بالتعليقات

هسه لا تنسون النجمة .

علقو بين فقرة وفقرة وانشرو القصة ...

﷽ .

صايرين ما تعلقون بين فقرة وفقرة تفاعلكم صاير ما يسـوي واهس وهاي اخر بارتين وتخلص القصة 💔.

تابعوني على حساباتي الانستا وقناة تلگيرام 🔴.

《 - 》

ولي الله:- بغداد مات منتحر

- انصدمت و باوعت الوجهو وهوَّ صاح، ولي الله:- معقولة مات هوَّ و زعلان من عندي

- دخلت بـ دوامه ڪبيره جداً ملامحي بهتت اصفريت و بقيت
صافنة بـ وجهو ثواني وهوَّ ابتسم مـثل الشخص الفاقد ..

ولي الله:- اڪيد چذب ، اڪيد اڪيد انتِ لا تخافين لا هسه الطفل يصير بي شي ، چذب چذب

- لاحظت عليَّ من يتڪلم الڪلمة بـ الگوة تطلع من حلگو، بلع
ريگو و گام من مڪانو و يمشي و يتعثر عبالك جسد فقط بدون
روح فجاة صار يمشي سريع يتوجها للباب فتحة و طلع من الغرفة

- باوعت الـ الفهد شفتو نايم گمت و طلعت وراه و انا خايفة
أنُ ڪلام براء صحيح، شفتو گاعد على الدرج و صافن اتقدمت
يمو و گعدت بـ صفو

أستيرة:- يجوز ڪذب أو مَزح يعني تعرف سوالف بغداد و براء

- حط ايدو على راسو ومسك شعرو، ولي الله:- بَس نبرة صوت براء مَيدل أنُ شقة لو شي عبالك مڪسور من صدك

- سحبت نفس و حرت شنو اسوي حضنتو اقل الدقيقة و اندگ باب البيت بـ قوة فزينا و باوع علية و گام رڪض جوه نزل من درجة

- رڪضت وراه و شفت عمو و آواز مبينين هستوهُم گاعدين
طلعنا ڪُلنا بالحوش و راح وَلي الله فتح الباب لحظات قليلة
و دخل براء وجهو احمر و عيونو وحده منهُم البياض صاير
احمر دَم و ملابسو ڪُلها تراب و صاح بـ صوت مبحوح

براء:- مات و ترڪني وَلي الله مات مات إلي رباني ، أستيرة
بغداد مات شلون راح اعيش گلولي

- مَسيطرت على دموعي و نزلو باوعت الـ وَلي الله منسند على
الحايط و يصيح بكل احبالو الصوتية و دموعو في عيونو