ضليع الملبس

𓌹 🔴 ضليـع ثامن 𓌺

- ضليع الملبس -
- سجى حسين -
- الثامن 🔴 -

تعليق+فولو للحساب+متابعة لحساباتي انستا وتلگيرام

علقو بين فقرة وفقرة

تابعوني على انستا و تلگيرام انزل تغشوشات

هسه لا تنسون النجمة 😂

انشرووو رواية بكل مكان بالتعليقات وبالتصاميم ولعوها

﷽ .

《 - 》

مطافات الحُب تنتهي بالقتـــل

《 - 》

- رجفت وبلعت ريگي بقلل وخوف، تقدم واحد منهم بلمح
البصر خله شي على حلگي وانا ادفع بي اريد اصيح ماكو، للاسف
كل محاولات بات بالفشل وظلام سحبني وبعد مَحسيت على شي ...

- فزيت من النوم وراسي مسطور فتحت عيوني بخفة شفت نفسي ببيت اهلي ! بلعت ريگي الناشف واحاول استوعب انا شجابني للبيت وصار

- جريت نفسي گوة وگمت احس راسي مسطور بشكل مو طبيعي
وجع غريب بعيوني، تقدمت طلعت من الغرفة وانصدمت من شفت
البنية الصغيرة يلي دائمًا اشوفها ويا دُنيا گاعد على درج وترسم

- تقدمت يمها وعطت باستغراب، أستيرة:- شنو تسوين هنا
- التفتت باوعت علية وابتسمت:- حنى هنا بيتنا

- عقدت حاجبي وصحت بصدمة، أستيرة:- شنو ؟
:- بيتنا هنا شبيچ

- بنتر، أستيرة:- منين اجة بيتكم
:- غير حنى هنا عشنة وبابا الجديد هنا

- بلعت ريگي بصدمة، أستيرة:- منو بابا الجديد
:- بابا جديد غير ماما ازوجت بابا الجديد

أستيرة:- شِلون ؟
- عقدت حواجبها بانزعاج:- شبيچ انتِ غبية ليـش متفهميني

- باوعتلها صفح وعفتها ونزلت جوة اشوف شكو ماكو
دخلت للمطبخ وشفت دُنيا ! تقدمت بصدمة وصحت بيها

أستيرة:- شنو دسوين هنا

- التفتت علية باوعتلي ببرود، دُنيا:- بيتي

أستيرة:- شنو بيتچ
دُنيا:- بيتي

أستيرة:- منين اجة بيتچ ؟
دُنيا:- غير هنا زوجي

- تخوصرت، أستيرة:- منو زوجج
- ابتسمت بأنتصار، دُنيا:- ابوچ

- فتحت عيوني على كبرهم احاول استوعب الموقف احاول
اتقبل الصدمة ويلي ديصير، نزلت عيوني وباوعت على گاع
واجة بالي شريط ذكريات لما چانت امي بهذا البيت احس نفسي
انهاريت من الداخل !!