ضليع الملبس

𓌹 🔴 ضليـع تاسع عشر 𓌺

- ضليع الملبس -
- سجى حسين -
- تاسع عشر 🔴 -

تعليق+فولو للحساب+متابعة لحساباتي انستا وتلگيرام

علقو بين فقرة وفقرة

كُل تعليقاتكم الابطال يقروهن واحد واحد فـ انطلقو بالتعليقات

هسه لا تنسون النجمة .

علقو بين فقرة وفقرة وانشرو القصة ...
التعليق مو بفلوس والله ...

﷽ .

راح انزل شي يخص بغداد بقناة التلكيرام تعالو

《 - 》

- اتقدم علية اڪثر وبلحظة دخل جزء من السڪين في بطني
شهگت بـ ألم وشفت الدم ينزل من بطني ...

- رفعت وجهي إلو و صحت بصوت خافت و بـ صدمة
أستيرة:- شنو سويت آواز شلون حـَ تباوع بـ وجه اخوك انتَ صاحي

- بالع ريگو و بانت على وجهو ملامح الخوف و التوتر وهمس
بـ صوت ناصي، آواز:- ما عبالي هيچ يصير الله شاهد چانت نيتي بس
اهدد لا اكثر أستيرة وداعت ابوية ما عبالي يصير هيچ انتِ نرفزتيني

- سحبت نفس بوجع و صحت بـ قلة صَبر، أستيرة:- اطلع برا واخذ هاي السڪينة وياك

- اتقدم علية و انا رجعت ليوره و صحت بـ صوت شبه عالي
أستيرة:- ابتعد عني و اطلع بره هسه حـَ يجي وَلي الله و تعرف شنو يصير

- ابتعد و ردف بـ نَدم، آواز:- اسف اسف والله ما عبالي هيچ يصير
أستيرة والله لحظة عصبية

- غمضت عيني ومسكت بطني، أستيرة:- اطلع بره آواز بسرعة اطلع

- طلع و سَد الباب اتقدمت للباب و قفلتو ، رجعت على السرير گعدت و نزعت القميص شفت الجرح صاير بطني ولٓڪن ليفوگ كُلش

- لزمت مكان الجرح حتى مَينزف اڪثر ، عَضيت شفتي حتى
فقط ما اصيح من الالم، بعدت أيدي و شفتو مو ڪثير عميق مجرد
جرح عادي ولٓڪن يحتاج إلو خياط

- گمت و اخذت من الچراره علبة الادوية اخذت الابره و
الخيط الطُبي وجهزت كلشي و بديت اخيط من دون مُخدر
و لا أگدر اخذ حبوب لأن حامل

- مع كل أُبره تدخل في جلدي احس روحي حـَ تطلع وحلگي
نشف من الوجع، ڪملت و خليت على مڪان الخيط لاصق
طبي وگمت و بدلت ملابسي إلى ملابس بيت وگعدت على السرير

- بدت الافڪار تاخذني وجيبني شنو حـَ يصير اذا عرف وَلي الله !
دقايق و أندگ الباب سمعت صوت ولي الله يصيح بـ صوت عالي