තත්පර ගානක් අක්කුගෙන් ඈත් උන ඩිංගටනෙ අර බ/ල්ල වතුර කියල මොනවද බොන්න දීල තිබ්බෙ. මං ඌව දැක්කෙ නැති උනාට ඌ කොහේ හරි ඉඳන් අක්කුට ඇහැ ගහගෙන ඉන්න ඇත්තේ. අක්කු උනත් ඌව විශ්වාස කරන්න ඇති තේශ්ගේ අයිය කෙනෙක් නිසා. ඒ නිසයි වතුර කියල වීදුරුව දෙද්දි බොන්න ඇත්තේ...
අක්කුගෙ මූණත් හෝදවගෙනම ආයෙත් රූම් එකට එක්කන් ඇවිත් ඇදේ හාන්සි කරා.
"සිත්"
"ඇයි"
"ඔළුව"
"රිදෙනවද"
"ම්ම්ම්"
"ටිකක් නිදා ගන්න, මං ඔළුව අත ගාන්නම්"
එයා අමාරුවෙන් ඇස් දෙක පියා ගද්දී මං හෙමි හෙමින් ඔළුව අත ගෑවා. ටිකකින් මට මතක් උනේ මං එක්ක ආපු උන් දෙන්න. බාත්රූම් එකට ගිය වෙලේ මුන් දෙන්නා මොන ලෝකෙක අතරමං උනාද මන්දා. තේශ්කාරය අපේ එකාව යහතින් තියයිද දන්නෙ නෑ.........
අක්කුගේ ඔළුව අත ගගා කල්පනා කර කර හිටපු මගේ කල්පනාව බිඳුනේ කාමරෙන් බැල්කනි එකට යන්න තියෙන දොර ඇරෙන සද්දෙට. බය උන පාරට මං එක පාරටම හැරිල බැලුවත් මට ආයෙත් සැනසීමක් දැනුනේ ආව උන් දෙන්නව දැකලා. මෙච්චර වෙලා අතුරුදන් වෙලා හිටිය උන් දෙන්න ඉදල තියෙන්නේ බැල්කනි එකේනෙ.
අපේ එකා නම් හොර පූසා වගේ ඇවිත් ෆෝන් එකට එබීගෙනම ඇදේ එහාම කෙලවරින් ඉඳ ගත්ත. සුදු මූණ රතු වෙලා, තොල් දෙක ඊටත් වඩා රතු වෙලා, වෙච්ච දේ හිතා ගන්න පුළුවන්. පව් ඉතින් එයා මූණ හංගන් මොකුත් නොවුන ගානට ඉන්න හැදුවට ඌ දන්නෙ නෑනෙ මේ සිත් ලෝකෙ කාලා වතුර බීලයි ඉන්නෙ කියල.
ඒකටත් එක්ක තේශ්කාරය, අන්න කොල්ලො. කිසිම ගාණක් නැතුව ඇවිත් මං ළගින් ඉඳ ගත්ත.
"අසෙනියට නින්ද ගියාද"
"ම්ම්ම්"
"උඹ හොඳ වෙලාවට සිත් අසෙනිය ගැන ඇහැ ගහගෙන හිටියෙ. කේනු අයියා මෙහෙන් රූම් එකකුත් බුක් කරලා. මමත් රූම් එකක කී එකක් ඉල්ල ගන්න ගිය වෙලේ දැන ගත්තේ. මං හිතුවෙ නෑ බං ඌ මෙච්චර දුර යයි කියල. ඊයේ අසෙනිය දිහා ඕනකමින් බලනවා දැක්කත් මෙච්චර දෙයක් කරයි කියල හිතුවෙ නෑ බං"