Fate's Forbidden Game (San Lorenzo University Series #1)

Kabanata 5

"Thank you so much for coming and for you cooperation! I hope nag-enjoy kayo for today!"

Lahat pagod pero lahat nakatulong at nag-enjoy.

"Amari, water."

Tumingala ako para tignan si Josh na may bitbit na tubig. "Oy, thank you!"

Pinupunasan ko ang buong katawan ko dahil pawis na pawis ako.

"May extra shirt pa ako. Teka, kuhanin ko."

Hindi na agad ako nakapagsalita dahil umalis siya para kuhanin ang bag niya.

"Napagod ako," si Bianca habang pinapaypayan ang sarili.

"Ulol!" sagot agad ni Lorriane. "Saan ka ga napagod? Eh, nakikipag-chismisan ka lang naman!"

"Ha? Oo nga! Napagod akong makipag-usap. Hindi ko naman sinabing napagod ako magtanim, aba!"

Napailing na lang ako. Dumating na rin si Josh may bitbit na t-shirt.

"T-Thank you, Josh!"

T-shirt niya ito na may pangalan niya sa likod at logo ng school namin sa harap. Part nga pala siya ng Journalism.

Inaya kami for picture taking.

Inaya rin ako ni Josh na mag-picture kaming dalawa. Bigla siyang nahiya dahil inaasar kaming dalawa.

Naging successful ang tree planting activity namin. School service ang naghatid sa amin papauwi.

Laking gulat ko nang makita ko ang mga kaibigan ni Kuya sa labas. Pero wala siya.

"Musta naman activity niyo?"

"Ayos naman. Pasok muna ako sa loob. Nanlalagkit ako."

"Yow! Josh na pala talaga, ha?" pang-aasar nila sa akin nang makita ang nasa likod ng shirt na suot ko.

Natawa na lang ako bago pumasok.

Pagkatapos kong maligo, bumaba agad ako bitbit ang aking phone. Nakita kong nakapag-post na pala ang page namin ng mga picture kanina.

Naka-tag at mention din ako sa mga fb story ng mga schoolmate ko. Agad ko rin namang ni-restory ang mga 'yon.

Josh tagged you in a story
Congrats, Ms. President! :D

Apat na pictures namin iyon, ang dalawa ay ang kuha ni Bianca kanina, at ang dalawa ay stolen picture namin. Nakatalikod, kitang-kita ang t-shirt niya na suot ko.

I replied to his story naman agad bago ko i-restory. Hindi ko na nilagyan ng caption dahil wala akong maisip.

"Saan si Ice?" tanong ni Kuya Harold.

Tumawa si Kuya Lucas kaya napatingin kami sa kanya. "Nag-aaral."

Sabado ngayon. May Saturday class siya? Kawawa!

"Agoy! Akala ko wala siyang Saturday class?" takang tanong ni Kuya Harold.

"Nag-aaral mag gitara si loko."

"Tangina! Kailan pa naging interesado sa gitara 'yon?" Hindi makapaniwalang ni Kuya Elijah. "Sabi ko sa kanya noon, nakakadagdag angas mag gitara. Tangina, sabi sa akin maangas na raw siya kahit 'di siya marunong. Sa sports na lang daw babawi."

"Inangyan! Anong nakapagpabago sa isip niya?"

"Anong ano? Baka sino?" si Kuya Benj.

"Baka may pinopormahan," si Kuya Lucas.

"Tangina. Asarin ko 'yan mamaya pagdating dito."

Parang gusto kong umalis dito sa kinauupuan ko.

Naalala kong sinabi kong gusto ko sa marunong mag gitara, at ilang araw nag-aaral na rin siya.