(ملاك الرعد)
وفجاه حصل اللي مش متوقع دخلت عليهم ملك وراحت وحضنت رعد صدمه نزلت علي الكل وملاك حسيت أن في نار كالجمر في قلبها بس مش عارفه ايه سبب الاحساس ده زقها رعد بعيد عنه بغضب وقال رعد بغضب:انتي ازاي تعملي كده يا زباله.
ملك بدموع مزيفه: رعد انا بحبك ونفسي نرجع تاني لبعض اديني فرصه واحده بس.
ملاك ببرود:مش هو قالك انو مش عايز يرجعلك ولا انتي مصممه انك تبقي من غير كرامه أو ووضعت اصبعها أسفل ذقنها وهي تتصنع التفكير:أو عايزه تخدي علقه تاني صح.
ملك بحقد وكره:انتي مالك انتي بتدخلي ليه.
ملاك بعيون لطيفه لرعد:ادخل ولا متدخلش يا رعود.
رعد بابتسامة:ادخلي يا قلب رعود.
ملاك وهي بطلع لسانها لملك:رعود قالي ادخل.
رعد ببرود لملك:اطلعي بره احسنلك.
ملك بحقد:ماشي يا رعد هطلع بره بس مش هسيبك لغيري.
ملاك باستفزاز:اطلعي انتي بس ونشوف مش هتسبيه لغيرك ده بعدين.
طلعت ملك من القصر بكل غيظ من تلك التي تدعي ملاك.
ملاك بعد ما مشيت ملك بغضب:بني ادمه براس كلب صحيح قال وقالت وهي بتقلد ملك بطريقة مضحكة:بس مش هسيبك لغيري واكلمت بغضب:قال واحده معندهاش بربع جنيه مخروم كرامه ولا حياء.
ضحك الكل عليها.
وقال الجد بضحك:يخرب عقلك يا بت يا ملاك.
قال عمران بعدما اوقف ضحك:السفر هيكون امتي.
سلسبيل بهدوء:اخر الاسبوع يا عمي.
ملاك وهي بتكلم حنان:طبعا يا حناني مش محتاجه اقولك أن سيف وغرام هيقعدوا معانا.
سيف بهلع:لا مش هينفع خالص خدوا غرام أما انا لا.
نور بخبث:ليه يا سيفو ده حتي الوقت مش هيبقي حلو لو انت مش موجود.
سيف بخوف:بالعكس ده هيبقي حلو فوق ما تتصوري من غيري.
الجد:لا طبعا انت كمان هتيجي.
صقر وهو بيكتم ضحكته:لقد صدر الأمر ويجب التنفيذ.
مازن وهو بيكتم ضحكته بردو:أنه أمر من الجيهات العليا.
اسر وهو بيكتم ضحكته بردو:ديه جيهات امنيه يا بني.
رعد وهو بيكتم ضحكته بردو:ويبقي نجهز اوضه لغرام وكيان وسيف.
سيف بإحباط:تمام.
امجد:هنقعد قد ايه.
ملاك:شهر.
الشباب بصدمه:ايه شهر.
الكاتبه/جنات محمد.
