شاب ببرود:ايه اللي بيحصل هنا.
فتاه بضحك:كل ده حصل فيك يا رعود يعيني.
شاب آخر بضحك:تؤتؤ مبقتش مسيطر زي الاول يا رعد.
طفل بضحك:اخس عليك يا رعد اخس بقي ابنك بيضربك معرفتش تربيه.
ليل بصدمه وفرحه:فجر وبدر وزين وتيم ده بجد ولا حلم.
فجر بمرح:لا يا اوختشي بجد.
جريت البنات علي فجر وحضنوها وبعدين كل واحده حضنت تيم وسلموا علي زين وبدر والعليه سلموا عليهم.
رعد باستغراب:مش انتو كنتوا جاين اخر الشهر.
زين ببرود:اه بس عرفنا اللي حصل مع ناري.
ناري بتوتر:وانتو هتعمل ايه.
بدر بشر:هندموا علي اليوم اللي فكر يقرب من واحده من بنات الجارحي.
ليل وتاج بنفس الوقت:يبقي ربنا يرحموا.
باسل بسخرية لايار:مش قولتلك هنلقيه تاني يوم هنا.
زين ببرود:عندك مانع.
باسل بتوتر:ها لا طبعا انت تنور في أي وقت يا كبير.
زين ببرود:بحسب.
ليل بمرح:لا اطرح احسن.
زين ببرود:بتقولي حاجه يا ليل.
ليل بخوف:انا يسطا انا اصلا مفتحتش بوقي من ساعت ما صحيت يا كبير.
زين بقرف:اسطا ايه الألفاظ ديه بقيتي بيئه اوي.
سيف بسخريه:وانت عايز ايه من بنت ملاك.
ملاك بشر:ومالها بنت ملاك.
سيف بخوف:قمر.
ملاك بشر:شاطر علشان ممكن اخلي كيان تخليك تنام في الجنينه.
سيف بخوف وسرعه:لالا ده انا بقول بنت ملاك قمر.
بدر بمرح:اين الرجوله انا لا اراها.
فجر بمرح:ماااااتت في الحرب يا بدري.
بدر بهيام:أما انتي عليكي واحده يا بدري بتجبني الارض.
فجر بخجل:بدر بس بتكسف.
تيم بقرف:ايه محن الكلاب ده.
ليل بقرف:لا وانت الصادق ده محن حمير.
بدر وفجر في نفس الوقت:انتو مالكم واحد ومراته.
ليل وتيم وتاج ولمار وتوبه و ملوك ومالك ومراد وليث وتميم وباسل وايار في نفس الوقت:مراتك علي عيني وعلي راسي بس راضوا أن في سناجل بائسه قاعدين معاكوا.
بدر بمرح:والله كل واحد يشوفله قره عين وانا مليش دعوه.
فجر بتعب:امممممم يلا يا سناجل يا بائسه.
بدر بخوف:مالك يا فجر.
فجر بابتسامه متعبه:كويسه مفيش حاج.
مكملتش كلامها وقامت تجري علي الحمام والكل وراها واولهم بدر دخلت الحمام وبدأت تستفرغ وبدر واقف جمبها وسندها بخوف بعد ما خلصت غسلها وشها.
بدر بخوف:مالك تروحي للدكتور.
فجر بتعب:لا ممكن اكون واخده برد في بطني.
ملاك بهدوء:طيب اطلعلي ارتاحي وانا هعمل حاجه وجايه.
مشيت ملاك وبدر طلع فجر الاوضه وبعد شويه طلعت ملاك الاوضه عند فجر وخبطت فتح ليها بدر.
بدر بابتسامه:اتفضلي.
دخلت ملاك وقالتله.
ملاك بهدوء:ممكن تنزل وانا هكلم فجر وانزل.
بدر بهدوء:تمام.
خرج بدر وراحت ملاك لفجر.
ملاك بابتسامه:الكلام ده من أمتي.
فجر بتعب:اسبوع.
ملاك بهدوء:طيب نفسك بتبقي غامه عليكي ودايخه طول الوقت وفي بعض الاكل مش بتبقي طايقه رحتوا.
فجر بتعب واستغراب شديد:اه انتي عرفتي منين.
ملاك بفرحه:ممكن تكوني حامل.
فجر بصدمه:بجد.
ملاك بفرحه:اه والله قومي يلا اعملي الاختبار ده.
قامت فجر عملتوا وطلعت بعد شويه بصدمه شديده.
ملاك بتوتر:ها طمنيني.
فجر بصدمه:انا حامل.
ملاك بفرحه:بجد الف مبروك يا روحي.
فجر بفرحه عارمه:الله يبارك فيكي.
ملاك بفرحه:يلا ننزل نقولهم.
فجر بفرحه:يلا.
نزلوا هما الاتنين بفرحه.
فجر بفرحه بعد ما وقفت بدر:بدر في ضيف هيجي بعد كام شهر وهيقعد معانا.
بدر بعدم فهم:مين ده حد اعرفوا.
فجر بفرحه:بدر انا هتبقي ماما وانت هتبقي بابا.
الكل بصدمه:ايه انتي حامل.
بدر بصدمه مضحكه:يعني أنا هبقي ماما وانتي بابا.
ضحك الكل علي بدر.
فجر بضحك:هههههههه لا انا هتبقي ماما وانت بابا.
بدر بعد ما فاق من الصدمه:انتي بتتكلمي بجد.
فجر بفرحه:اه والله بتكلم جد وجد الجد كمان.
بدر شالها ولف بيها.
ملاك بضحك:بس ياض البت هترجع عليك وده غلط عليها اصلا.
بدر وقف بخوف:خلاص مش هعمل كده تاني.
زين وهو بيحضن فجر بحب.
زين بحب:مبروك يا روحي هتبقي احلي ام في الدنيا.
فجر بحب:الله يبارك فيك يا زيني وانت هتبقي احلي واحن واجمل خالو في الكون كلوا.
زين قرب من بدر وحضنوا.
زين بحب:مبروك يا صاحبي.
بدر بحب:الله يبارك فيك يا صاحبي.
الكل بارك لبدر وفجر وطلع زين وبدر وفجر وتيم يستريحوا والباقي منهم اللي راح الجامعه ومنهم اللي راح الشغل ومنهم اللي راح النادي ومنهم اللي دخل المطبخ.
ــــــــــــــــــــــــــــــــــــــــــــــــــ
نتعرف على الشخصيات الجديده.
زين الجارحي:شاب وسيم عنده 30 سنه بارد جدا عصبي طويل شعره اسود عيونه زرقاء مائله الي
الرمادي قمحاوي البشره عنده عضلات كانت متزوج عن حب لكن مراته ماتت في حادث مدبر رفض أنه يتجوز بعدها وعنده ولد وبنت تؤام بنته في غيبوبه لأنها كانت مع امها في الحادثه اللي كانت من خمس سنين وعايز ينتقم من اللي عمل كده.
فجر الجارحي:فتاه جميله اخت زين متزوجه من ابن عمها عن حب عيونها رمادي شعرها بني اشقر بشرتها بيضاء قصيره مرحه طيبه تحب الضحك عندها 25 سنه.
بدر الجارحي:شاب وسيم عنده 27 سنه مرح يحب الضحك متزوج من بنت عمه فجر عن حب عنده عضلات عيونه زيتونيه شعره بني بشرته قمحاويه طويل القامه.
تيم الجارحي:ابن زين عنده 10 سنين مرح حزين علي اخته اللي بقلها خمس سنين في الغيبوبة وعلي أمه اللي ماتت عيونه زرقاء وشعره اسود بشرته بيضاء بعض الشئ تعلم جميع فنون القتال.
(نوصف بقي صله القرابه اللي ما بينهم الجد عتمان عنده اخ اخوه اتجوز خلف ولد والولد ده خلف ولد والولد ده خلف ولدين خلفوا زين وفجر وبدر يعتبر ولاد اعمام بس من بعيد شويه عارفه موضوع معقد بس مش مهم استحملوا😂😂).
ـــــــــــــــــــــــــــــــــــــــــــــــــــــــ
في النادي هنلاقي ليل وايار ولمار وتالين وتوبه وملاذ وملوك وعشق.
لمار بفرحه:انا فرحانه اوي أن فجر حامل.
ملوك بفرحه:وانا والله.
ايار بمرح:ده بدر طلع شقي متجوزين بقالهم شهرين والبت حملت.
ليل بمرح:انت هتقر علي الواد ولا ايه.
ملاذ بحسره:اه مش كان زمانا دلوقتي عندنا عيال وكمان حوامل.
عشق بحسره:اه والله.
تالين بحسره:يعيني علينا.
توبه بمرح:معلش يختي انتي وهي.
ليل بمرح:احنا لازم نقنع سيف وبيجاد ومازن علشان العيال حالتهم بقت متأخره اوي.
ضحك الكل عليها.
ـــــــــــــــــــــــــــــــــــــــــــــــــ
في الجامعه عند تاج.
كانت تاج قاعده جيه واحد زميلها وقعد وهو قالب وشه.
تاج بمرح:مالك ياض يا حمزه قالب وشك علي الصبح ليه.
حمزه بضيق:انا بحب ليلي وهي مش حاسه بيا.
تاج بتفكير:امممممممم طب واللي يديك الحل.
حمزه بسرعه ولهفه:انتي عندك حل.
تاج بخبث:اه عندي بس كلوا بمقابل.
حمزه بلهفة:هعملك اللي انت عايزه.
تاج بخبث:تعالي اتقدملي وقولها انك بتحبني وانك جيت طلبت مني احدد معاد مع بابا بس تيجي لوحدك.
حمزه باستغراب:هي فكره حلوه انتي هتستفادي ايه.
تاج بخبث:من ناحيه هستفاد فأنا هستفاد كتير هخلي ليث ابن عمي سيف ينطق وانت لو لحظت نظره الغيره في عيونها يبقي هي بتحبك.
حمزه بضحك:دماغ ابليس ديه ولا ايه.
تاج بغرور مصطنع:عيب عليك انا بنت ملاك مش اي حد يعني أنا وارثه دماغ ابليس منها.
ضحك حمزه عليها.
ـــــــــــــــــــــــــــــــــــــــــــــــــــــ
عند باسل وناري.
باسل بضيق:يبت انتي غبيه بقالي ساعه بفهمك السؤال وانتي غبيه.
ناري بمرح:علي فكره انا فهمت السؤال من اول مره بس انا بحب اشوفك مضايق بس.
باسل بضيق:انتي بت مستفزه.
ناري بمرح:عارفه.
ضحك باسل عليها بخيبه أمل أنها تتغير.
ناري بهدوء:باسل هو انا بالنسبه ليك ايه.
باسل باستغراب:ايه السؤال ده.
ناري بهدوء:عادي سؤال جيه في دماغي حبيت اسالوا.
باسل بغموض:هتعرفي بعدين.
ناري باستغراب:ليه.
باسل بهدوء:زي ما قولت هتعرفي بعدين ويلا عندنا محاضره.
مشي باسل وناري مشيت وراه بحيره.
ــــــــــــــــــــــــــــــــــــــــــــــ
في الشركه.
كانوا الشباب والكبار في اجتماع والاجتماع خلص ومفضلش غيرهم في اوضه الاجتماع.
مالك بتعب:اوووووف خمس ساعات في اجتماع حرام والله.
مراد بتعب:اه والله يا مالك يا اخويا.
جاسر بتعب:ايه الناس ديه مش بيحسوا انا تعبت من القاعده.
الياس بتعب:ناس معندهاش دم والله.
ليث بتعب:انا مش قادر عايز اروح.
تميم بتعب:اااااااه يا عضمك يا رضا.
فهد بسخرية:والله يعني هي اول مره.
مالك بغيظ:اقسم بالله لو اتكتمت اعملك شاورما علشان أنا مش طايقك خالص.
الياس بغيظ:يعني خمس ساعات قاعدين وتيجي وفي الاخر ترفض.
جاسر بغيظ:اتخرس يا فهد علشان هعملك كشري فهد الفهود.
رعد بغيظ:انت يا ابن الكلب طالما انت رافض الصفقه مخلينا قاعدين خمس ساعات ليه.
مازن بغيظ:بقي انت يا ابن اسر المتخلف تعمل فينا كده.
سيف بغيظ:بني ادم راس قرد.
صقر بغيظ:رافض الصفقه علشان اخر بند من البنود مش عاجبك واحنا شوفنا البنود بعد ساعه من الاجتماع ليه ها ليه حرام عليك.
اسر بغيظ:بني ادم معندكش دم قاعدنا كل ده ليه.
بيجاد بغيظ:يعني انت رافض الصفقه بعد ساعه من بدايه الاجتماع وعمال تسال اساله واكنك موافق علي الصفقه طب تصدق انا مش هجوزك ملاذ.
فهد ببرود:خلصتوا انت يا جاسر والياس الموضوع في صالحكم اصلا وانا عملت كده علشان اخلي بيجاد ومازن وسيف يوافقوا علي أننا نعمل الفرح اخر الشهر بس براحتكم.
مالك ومراد وتميم وليث في نفس الوقت:طب احنا مالنا.
فهد ببرود:ساعدونا علشان ليكوا يوم ونساعدكوا فيه.
مالك ومراد وتميم وليث بصوا ليه بضيق وخرجوا.
ــــــــــــــــــــــــــــــــــــــــــــــــ
في المساء علي السفره.
تاج بخجل مصطنع:بابا.
رعد بهدوء:نعم.
تاج بخجل مصطنع:في واحد زميلي معايا في الجامعه عايز يجي يتقدملي.
ليث كان بيشرب لف وشه وتف المايه علي ايار.
ايار بضيق وصراخ:ايييييه يعم في ايه ايه قرف ده.
الكل ضحك علي ايار وليث قام طلع الاوضه بتاعته بضيق الكل بصوا ليه باستغراب ماعدا مالك ومراد وتميم وباسل وايار وجاسر والياس وفهد وزين وبدر وتاج.
تالين باستغراب:مالوا ده.
توبه باستغراب:معرفش.
رعد بهدوء:تمام وقوليلوا يجي علي الساعه 7.
الشباب قاموا طلعوا لليث وعرفوا الميعاد اللي هيجي في عريس الغفلة زي ما قالوا عليه وليث طول الليل بيفكر وتعب من التفكير ونام وتاج اتصلت علي حمزه قالتلوا علي اللي حصل ونامت.
ـــــــــــــــــــــــــــــــــــــــــــــــــــــ
تاني يوم بليل في الميعاد المحدد الكل كان موجود ماعدا ليث.
رعد بهدوء:عرفنا عن نفسك يا بني.
حمزه بهدوء:انا حمزه المنياوي 20 سنه بشتغل مع ابويا في الشركه شوفت تاج اعجبت بيها فاقولت ادخل البيت من بابه.
رعد بهدوء:تمام وانا عن نفسي موافق رايك يا تاج.
تاج بحزن اخفته:اللي.
مكملتش كلامها بسبب ليث اللي دخل.
ليث ببرود:ايه ده انتو مستنونتيش ليه.
الكل بصدمه من اللي شافوا مع ليث:ايه ده.
الكاتبه/جنات محمد.
