رعد بعصبيه وصراخ: ملااااااااك صقققققققر.
الكل قاموا مفزوعين وراحوا علي غرفه رعد واتصدموا من اللي شايفينوا.والوضع كالاتي رعد في وشه الوان واقع علي الارض وماسك ورقه مكتوب فيها«ده حاجه بسيطه من اللي جاي واللي هنعملوا فيك يا رعد وده وعد من ملاك وصقر واه قولنا اسمينا علشان نلعب على المكشوف».
الكل ضحك على رعد ومنظره اللي يضحك ورعد اتعصب جدا وهما طلعوا بره اول لما شافوا في الحاله ديه.
الجد بضحك:ايه اللي حصل.
ملاك:هحكيلك يا جدي العزيز.
(فلاش باك)
بعد لما نزلوا من بيت ملاك صقر وملاك كانوا في عربيه صقر ونور والجد كانوا في العربيه اللي جم بيها ملاك ونور.
في عربيه صقر.
ملاك:اتصلحت انت ورعد.
صقر:لا.
ملاك:ليه.
صقر بمكر:علشان عندي فكره انتقام ليكي.
ملاك بحماس:ايه هي.
صقر:اول لما رعد يجي انتي اللي هتردي عليه هو هيتعصب ويبدأ الحرب بينك وبينه بس احنا هنتغدي بيه قبل ما يتعشي بينا.
ملاك:اول خطه تمام وبعدين هنعمل ايه.
صقر:فكري معايا في مقلب.
ملاك بتفكير:ايه رايك بعد ما الكل ينام نتأكد أن هو نام ونرسم في وشه ونحط زيت جمب السرير من الناحيتين علشان ينزل من الناحية اللي تعجبه هيتزحلق وجمب الزيت بشويه نحط ورقه نعرفه أن إحنا اللي عملنا كده.
صقر:دماغ ابليس بس ليه هنحط اسمينا. قالها باستغراب.
ملاك:علشان نلعب على المكشوف علشان مش بحب العب من تحت الترابيزه.
صقر بضحك:لا جامده الدماغ ديه.
ملاك بغرور مصتنع:امال يبني ده انا ملاك الجارحي ولا نسيت.
«باك»
الكل: هههههههههه.
نور بمرح:ملكه المقالب هتظهر ولا ايه.
ملاك بمرح:اه حان وقت اللعب.
رعد نزل هو مش طايق نفسه.
الكل أول لما شافوه ضحكوا وده عصب رعد اكتر وقال.
رعد:كل واحد هيروح على مكتبه هيلاقي شغله عليه وبذات انت يا صقر.
اسر:انا مالي انا هو وملاك اللي عملوا كده انا مالي.
مازن:وانا كمان مالي ده صقر وملاك.
رعد: علشان تعرفوا تضحكوا عليا تاني.
ملاك:هو حضرتك هتمنعهم من الضحك ولا ايه.
رعد:انتي مالك.
ملاك:ما بلاش ده انت لسه خارج من مقلب عنب دلوقتي وانا ممكن مستناش ردك علي المقلب وارزعك اللي بعده علي طول.
صقر:مش هعمل حاجه من اللي قولت عليهم.
رعد:برحتك بس مترجعش تزعل.
صقر بتحدي:لا مش هزعل متخفش.
رعد بتحدي:هنشوف.
وراحوا فطروا الشباب والرجاله راحوا الشركه والبنات والستات قعدوا مع بعض نور وملاك مارحوش الكليه لأنهم مش عندهم محاضرات.
نور وملاك وسلسلبيل قاعدين مع بعض.
نور بضيق:انتي ايه اللي جابك تقعدي معانا امشي من هنا.
ملاك:ليه كده يا نور سبيها.
سلسبيل باحراج:انا اسفه انا همشي.
ملاك:لا اقعدي.
نور:لا ديه مش بتحبنا.
سلسبيل بدموع:لا بحبكوا بس ماما.....
سلسبيييييل وده صوت صفيه.
بقلم الكاتبه/جنات محمد.
