في قصر كبير في غرفه من الغرف نلاقي راجل كبير في السن لكن لسه محافظ علي شكله الوسيم وعضلاته خارج من الحمام وقرب من السرير وعلشان يصحي معشوقته.
رعد بحب وحنان:ملاكي اصحي يا روحي.
ملاك بنعاس وابتسامه:سبني انام يا رعد.
رعد بحنان:لا اصحي علشان الفطار علشان ولاد الكلب اللي تحت دول ميخلصوش علي الاكل.
ملاك بضحك:حاضر هقوم اهو.
قامت ملاك دخلت خدت شاور وخرجت لبست ونزلت هي ورعد لقوا الكل قاعد علي السفره ماعدا الشباب.
رعد وملاك بهدوء:صباح الخير.
الكل بهدوء:صباح النور.
رعد بتسال:امال فين الشباب.
تاج بمرح:بيجروا اموت واعرف ليه الفرهده ديه.
عشق بمرح:انا عارفه يختي.
وهنا دخل الشباب كالعادة بيتخانقوا.
مالك بضيق:انا اللي وصلت الاول انتو هتكدبوا.
ليث بضيق:لا انا اللي وصلت الاول.
تميم بضيق:ولا انت ولا انت انا اللي وصلت الاول.
مراد بضيق:واد انت وهو وهو انا اللي وصلت الاول.
فهد ببرود:بس انت وهو بطلوا تافه هو اللي بيوصل الاول بياخد لحمه ولا حاجه.
ملاذ بمرح وضحك:ايوه يا فهودي ياجامد كبستهم انت يا فهد.
ملوك بقرف لملاذ:يلا يا واقعه طب اتقلي شويه متفضحناش.
تالين بضحك:لا يختي هي مفضوحه من زمان.
عشق بمرح:يعني مثلا انتي كمان مش مفضوحه ولا حاجه يا اخت تالين.
لمار بقرف:بصراحه يعني انتي وملاذ وتالين عيال مفضوحه.
توبه بمرح:يعني هما لوحدهم ما جاسر والياس وفهد هما كمان مفضوحين.
فهد ببرود:بتقولي حاجه يا توبه.
توبه بخوف:انا لا هو أنا اقدر اتكلم في وجودك يا كبير.
ناري بضحك:ناس تخاف متختشيش.
رعد بضحك:انا بصراحه مش عارف الواد ده طالع بارد لمين.
فهد ببرود:رعد انا سمعك بتتكلم بتقول ايه.
رعد بخوف:لا يا حبيب رعد بقول انك عسل ومرهم يتحط علي الجرح يخف.
فهد ببرود:بحسب.
نور بمرح:اوبا ده الكل حتي رعد يخاف من فهد.
اسر بضحك:بصراحه هو بخوف ده انا اللي بيقولوا أن انا أبوه بترعب منه.
تاج بمرح:يا جماعه مالكوا ده حتي فهد قمر صح يا ملاذ.
ملاذ بهيام:قمر بس ده قمر وعسل وسكر وكيوت وحبيبي وروحي و.
ليل بصراخ:بس ايه يا محنوا في ايه.
فهد بنظرات مرعبه لليل:لو زعقتلها تاني انتي حره.
ليل بخوف:انا زعقت ده أنا قاعده ساكته انا اصلا خرصه.
ومره واحده دخل عليهم شخص بمرح.
الشخص بصوت عالي:ليييييييل.
ليل بصوت عالي وصراخ:اياااااااااار.
ملك بزعيق:في يا زفت منك ليها صوتكوا.
ايار بمرح وغمزه:في يا مزتي مالك.
بيجاد بغيره وغضب:انت ياض ابعد بعيد عن مراتي ديه مزتي انا.
ملوك بمرح:ايوه بقي يا بيجو يا جامد.
ملك بغيره:محدش يقول ليه بيجو ديه بتاعتي انا.
ملاذ بمرح:اوبا بتغيري يا لوكا.
ملك بجرأه:ولو مغرتش عليه هغير علي مين.
بيجاد بغمزه:بقولك ايه متسيبك منهم كلهم وتعالي اقولك علي موضوع مهم.
ملك بخجل:بس يا بيجاد.
ضحك الكل عليهم.
سيف بتسال:امال فين باسل يا ايار.
ايار بهدوء:مشي راح الجامعه.
مازن باستغراب:ناري هو انتي وباسل متخانقين ولا ايه.
ناري وهي بتقوم علشان تروح الجامعه:اه وسلام بقي علشان متاخرش.
الكل:سلام.
ايار بهدوء:يلا يا ليل علشان نروح.
رعد بجديه:السواق هيوصلكوا.
ليل وايار:ماشي سلام.
الكل:سلام.
تاج بهدوء:سلام انا كمان علشان عندي محاضره.
مالك بجديه:تمام يلا يا شباب علشان الشركه.
الشباب:يلا.
رعد وهو يقبل راس ملاك:سلام يا ملاكي عايزه حاجه.
ملاك بحب:لا عايزه سلامتك.
كل واحد بأس راس مراته ومشيوا راحوا الشركه.
________________
في الجامعه عند ناري.
وصلت ناري وراحت علي الكافيه وهي بدور علي باسل بعينها لغايه ما عينها وقعت عليه كان قاعد بضيق شديد راحت عنده.
ناري بهدوء:هتفضل كده كتير.
باسل بضيق:عايزه ايه.
ناري بهدوء:عايزه اعرف هتفضل كده كتير.
باسل بضيق:كده ازاي يعني.
ناري بهدوء:هتفضل زعلان كتير.
باسل بضيق:ابعدي عني.
ناري بهدوء:رد عليا.
باسل بضيق:يلا علشان عندنا محاضره.
ناري بهدوء:لسه فاضل نص ساعة.
باسل بضيق:طيب ابعدي عني بقي.
ناري بهدوء:هتفضل زعلان كتير.
باسل بغضب:قولتلك مليون مره ابعدي عن الزفت ده وانتي لا ازاي لازم تعاندي شوفتي اخر عنادك كان هيوصلك لايه.
ناري بدموع:انا اسفه مكنتش اعرف.
باسل بغضب:وانا قولتلك وانتي مسمعتيش الكلام.
ناري فضلت تعيط باسل اتنهدت وقام خدها في حضنه.
باسل بحنان:بس اهدي خلاص متعيطيش.
ناري بعياط:انا اسفه هسمع كلامك بعد كده.
باسل بعدها عن حضنوا وحط وشها بين كفوف أيده.
باسل بحنان:خلاص متعيطيش بقي. وأكمل بمرح:وبعدين شكلك وحش وانتي بتعيطي.
ناري بغيظ: انا شكلي وحش وانا بعيط يا باسل.
باسل بضحك:ايوه اكدب يعني.
ناري بغيظ:طيب يا اخويا يلا علشان المحاضره.
باسل بضحك:يلا.
يلا نعرف ايه اللي حصل مع ناري.
فلاش باك.
معتز بخوف مصتنع:الحقي يا ناري.
ناري بخضه:في ايه يا معتز.
معتز بخوف مصتنع:باسل.
ناري بفزع:مالو حصلوا حاجه.
معتز بخوف مصتنع:عمل حادثه.
ناري بصدمه:ايه انت بتقول ايه وديني عنده.
معتز مسك أيدها وشدها علي مكان مهجور قريب من الجامعه بشويه.
ناري باستغراب:هو فين يا معتز.
معتز بخبث:انتي صدقتي يا حلوه.
ناري بخوف:انت قصدك ايه.
معتز بخبث:واخيرا وقعتي تحت ايدي.
قال كده وشدها لحضنه وفضل يبوس فيها بعنف وناري بتحاول تبعدوا عنها بس معرفتش وفي مكان تاني حد راح قال لباسل أن معتز خد ناري للمكان المهجور باسل سمع كده وخرج جري راح للمكان سمع صوت صراخ ناري راح ناحيه الصوت وشد معتز وفضل يضرب فيه بشده ضربوا لغايه ما أغمي عليه باسل شد ناري لغايه ما راحوا للعربيه بتاعتوا ساق بسرعه جنونيه.
ناري بعياط وخوف:سوق براحه يا باسل.
باسل بغضب:ايه اللي وداكي معاه.
ناري بعياط وخوف:طب هدي السرعه بالله عليك.
باسل وقف علي جمب وبصلها بغضب.
باسل بغضب وصوت عالي:ردي عليا ايه اللي وداكي معاه.
ناري بعياط وخوف:قالي انك عملت حادثه وقولتله يخودني عندك.
باسل بغضب:وانتي غبيه وصدقتي صح.
ناري فضلت تعيط وبس باسل ساق العربيه ووصلها.
ناري بعياط:باسل انا.
باسل بمقاطعة وبرود:انزلي.
ناري كانت لسه هتتكلم صرخ باسل فيها وهي نزلت وقبل ما تدخل مسحت دموعها.
باك.
نتعرف علي معتز.
معتز العزايزي:شاب وسيم خبيث بيشرب خمره وبيروح ملاهي ليليه بيعشق الفلوس اوي وممكن يبيع أهله علشان الفلوس عنده عضلات عيونه سودا وشعره بني بشرته قمحاويه عنده 22 سنه.
__________________
في المدرسة عند ليل وايار.
دخل المدرس الفصل.
المدرس بجديه:انهارده في امتحان مفاجئ.
ليل بمرح:ليه كده انا مش بحب الامتحانات المفاجاه.
المدرس بحده:احترمي نفسك يا انسه.
سكتت ليل وهي بتشتم المدرس.
ايار بهمس لليل:بت انتي يبت يا زفته.
ليل بهمس:ايه عايز ايه.
ايار بهمس:السوال التالت ايه.
ليل بهمس:الاجابه التانيه طيب السوال التاني.
ايار بهمس:الاجابه الأولي.
المدرس هو بيدخل رأسه ما بينهم.
المدرس بهمس:والسوال الخامس.
ليل وايار بهمس من غير ما يخدوا بالهم: الاجابه الاخيره
انتبهوا وبصوا لبعض وبعدين بصوا علي المدرس.
ليل بتوتر:ايه ده اهلا يا مستر عامل ايه وعيالك عاملين ايه.
المدرس بغضب:انتو بتعملوا ايه.
ايار بتوتر:بنساعد بعض انت فاكر أننا بنغش لا احنا بنساعد بعض.
المدرس بغضب:والله يلا اطلعوا بره وانتم ساقطين في الامتحان ده.
ليل بغيظ:يعني خرجتنا من الجنه يعني.
المدرس بغضب:استنوني عند المدير.
ليل وايار نزلوا عند المدير ونزل بعديهم بشويه المدرس وحكي كل اللي حصل للمدير.
المدير بجديه:انتو مرفودين اسبوع ويلا اعتزروا المستر.
ليل وايار في نفس واحد:احنا اسفين.
المدير اتصل برعد وباسل وصل رعد وباسل وناري وتاج.
رعد بجديه:في ايه ايه اللي حصل.
المدير حكي لرعد كل حاجه.
رعد وهو بيبص لايار وليل:انا بعتذر بنيابه عنهم.
باسل بهدوء:وانا كمان بعتذر بنيابه عنهم.
رعد بهدوء ما قبل العاصفة:يلا.
خرج رعد وباسل وناري وتاج وليل وايار.
ليل بهمس:ده احنا هنتشلوح.
ايار بهمس:وانا اوافق علي هذا الكلام.
ركبوا العربيه واتجهوا ناحيه القصر ورعد خد ليل وايار لاوضه المكتب.
رعد بهدوء ما قبل العاصفة:ايه اللي حصل ده.
ليل بتوتر:ا.ا.احنا اسفين.
رعد بغضب:نعم يا روح امك تقلوا ادبكوا علي المدرس وفي الاخر احنا اسفين.
ايار بتوتر:م.م. ما هو اللي علطول بيضيقنا.
رعد بغضب:تيجوا تقولوا بس متعملوش كده.
ايار بتوتر:احنا اسفين.
رعد بغضب:انت باسل انا عارف هيعاقبك ازاي وانتي متتكلميش معايا تاني.
ليل بدموع:انا اسفه يا بابا بس بلاش العقاب ده.
رعد ببرود:اطلعيوا بره.
ليل وايار خرجوا ليل جريت علي الاوضه بتاعتها.
ملاك باستغراب وقلق:مالها.
ايار بحزن:عمو قالها متكلموش تاني.
ملاك بحزن:طيب أنا قائمه اشوفها.
ايار بدموع متحجرة:باسل انا اسف.
باسل ببرود:متتكلمش معايا.
ايار بدموع:انا.
باسل بمقاطعة وبرود:انت سمعت انا قولت ايه.
ايار مشي راح الفيلا بتاعتهم بدموع.
في المساء الشباب رجعوا من الشغل واخدوا شاور ونزلوا علشان يتعشوا.
مالك باستغراب وتسأل:امال فين ليل.
ملاك بحزن:مش عايزه تاكل.
الشباب بخضه عليها فهي اميرتهم الصغيرة المدلله:ليه فيها ايه.
نور بحزن:اتخانقت هي ورعد.
فهد بخضه:ليه ايه اللي حصل.
سلسبيل بحزن حكت ليهم كل حاجه.
مراد بلوم:ليه يا بابا انت عارف انها بتتعب بسبب العقاب ده.
وقام الشباب ونزلوها وهي تصرخ منهم كان فهد شايلها.
ليل بصراخ:نزلني يا فهد بقي.
فهد ببرود:لا.
وبعدها علي الكرسي بتاعها وقعد جمبها علشان يأكلها.
ملاذ بضحك:لازم يعني فهد يطلع يجيبك.
فهد فضل يأكلها لحد ماشبعت.
خلصوا اكل وقعدوا في غرفه الجلوس.
ليل بدموع ورجاء:انا اسفه يا بابا سامحني ونبي.
رعد ببرود:لا.
ملاك برجاء:علشان خاطري سامحها المره ديه ومش هتكررها تاني.
ليل بدموع وسرعة:ايوه اخر مره والله.
رعد بتنهيده:خلاص تعالي في حضني.
ليل جريت في حضنوا.
فهد ببرود:ناري تعالي ورايا.
وقام طلع الأوضه بتاعته وناري طلعت وراه بخوف من أنه يكون عرف اللي حصل دخلت الاوضه بتاعته وقفت قدامه ومره واحده حصل.
الكاتبه/جنات محمد.
