*
*
*
*
" شنو دابا كان ناقصنا غير بنت عمتك تجي "
مروان هضر وهوا كيشوف ف عمر لي خنزر فيه.
" واش شوفتيني يانا لي قولت ليها تجي أوعدي نتينا حمق ولا شني "
مروان كان باغي يخنق عمر فهذ للحظة.
" أيه أخاي علاه هيا جات ورا شكون ، شكون لي هرب يانا ولا نتينا "
" مروان غا تزيد اخاي هضرة وحدة غا نوض نطرشك "
عمر كان كيحس راسو غا يطرطق و مروان غير كيزيد عليه.
" كان ناقصنا غير فتون بنت عمتك زازية تجي عندنا و تكمل البهية بحالها بحال عمتك ديك عقروشة "
" مروان حشاك راها كتبقا عمتي حبيبتي "
مروان شاف فـ عمر أو عمر شاف فيه و تفرشخو بضحك بجوج.
" حبيبتك ههههه لله ياخاي الله نسيتي ما دوزت علينا "
" تعقل فاش كانت تجي و تلقاني انا و نتينا و تبدا تنݣر علينا علاش تلعبو ليا حدا داري و كديرو ليا صداع "
" و كانت تبدا تغوت شكون هرس ليا شرجم أمينة ولدك عمر خلا القط ديالو يدخل لداري سكينة ولدك كيصوني ليا فالباب و يهرب "
بجوج بيهم كيهضرو و يموتو بضحك كيتفكرو ما دوزو بجوج.
" و لكن بروجولة كنا دايرين فيها المصائب تعقل فاش مشينا بدلنا شامبو ديال فتون باللصقة "
مروان بدا كيضحك و عينيه دمعو.
" مشات قطعات شعرها على جذر حتى من المشطة لصقت "
" صافي سكت عفاك هشش "
منين شبعو ضحك و كان قريب يسكت لهم القلب نعسو بجوج على ناموسية.
نعسو مخالفين و بقاو ساكتين شحال.
" مروان "
" همم "
" شنو وقع ليك حتى طحتي بين يدين كاطورز "؟
عمر سول و مروان هز الوسادة و دارها تحت راسو و شاف فـعمر و بدا يعاود ليه شنو وقع.
" همم كيفاش حتى بدا راسك يحرقك "؟
" ولله معرفت "
" صافي هادشي لي وقع "
" همم "
مروان جاوب و سكتو شحال حتى رجع مروان هضر.
أنت تقرأ
بين القصور \\ 14
General Fiction// bxb // °| كاطورز _ مروان |° °| بيزي _ عمر |° بـدأت : 21/4/2024 إنـتـهـت:......
