........مـروان.
واقفين انا و ختي او وردة كنشوفو فـ ماما و هيا كتودع فقبر بابا حيت غا نرحلو من طنجة.
باقي لدابا معرفتشي شنو السبب لي غادي يخلينا نمشيو من مدينة لي عيشنا فيها كل حياتنا.
" دابا واش حنا بصح غاديين بين القصور "
ختي عفاف سولات حتى هيا محملاشي تمشي.
" و يلا عندك شي حل كيفاش نقنعو ماماك عتقينا ختي "
هيا او وردة كيهضرو و انا مركز على ماما لي جاية كتمسح دموعها.
" صافي يالاه "
" ماما كون غا بقينا بلاش مانمشيو كازا "
عفاف حاولت مع ماما لأخير مرة.
" دابا انا غا نتسناك نتي تقولي واش نبقاو او لا زيد قدامي "
و لكن ماما لي فراسها فراسها ختي مسكينة عيات تطلب فالأخير مشات غضبانة كتشير بيديها.
" و نتا "
انا درت راسي ماسمعتهاشي حيت داير كاسك على راسي شوية حتى حيدتو ليا وردة.
" سمع يماك شنو كتقول او زيد "
شفت فماما و تنهدت عارف راسي معندي مانعمل.
" زيدي حتى نتي واش نبقا نطلب فيكم "
دفعتنا انا و وردة طلعنا فطموبيل حتى واحد فينا ما هضر من بعد ما تحركنا و خرجنا من طنجة.
" دابا نتما مقلقين و نتما ماعرفين حتى بلاصة لي غا نمشيو لها كيفاش دايرة "
و هاهيا الوليدة غا تبدا الموسيقى ديالها لي غناتها لينا هد سيمانة كلها.
" انا راه حتى كبرت عاد عرفت بلي با علي راه ماشي جدي غا ساكن حدانا من كثرة ما كنا نحترامو ناس الكبار "
بغيت نعمل كاسك على راسي و لكن وردة غا قارصة عليا.
" عرفتي يلا كان العيد و شيواحد مالقاش باش يعيد كنجمعو ليه باش يشري العيد
و يلا شي وحدة صاوبت واخا غا الحريرة و شميتي ريحتها فالدرب كتكوني جالسة حتى كيوصلك حقك "
ماما كتعاود و فرحانة و حنا غا ساكتين حيت هد موسيقى ديالها حفظناها.
" دابا فينما نطيب شي حاجة خاصني ندوق الدرب كامل "
" خاصك تبقاي تعملي الزايد "
مسكينة وردة كانت كتعدل لينا حنا بزز دابا خاصها تبقا تعدل لدرب كامل.
أنت تقرأ
بين القصور \\ 14
Ficción General// bxb // °| كاطورز _ مروان |° °| بيزي _ عمر |° بـدأت : 21/4/2024 إنـتـهـت:......
