*
*
*
*
" مراد لحقو "
كان عمر كيجري هربان منهم بين دروب ما عرفش راسو فين دخل ولا فين غادي...و لكن لي عارف أنهم ماخصش يلحقوه.
غير بعد عنهم شوية و تلفهم بين دروب وقف و بقا كيدور لكل جهات معرفش فين يعطي راسو.. كيسمع صوتهم كيقرب ليه.
لاحظ شي حاجة شعلت بين واحد الدخلة مظلمة مشا كيقرب لتم.
غير قرب بان ليه بيزي وهو كيشعل سيجارة ديالو.
سمع صوت دراري كيقرب و بدون ما يفكر دخل حداه.
" هوو شنو كتعمـ "
قبل ما يسولو بيزي عمر جرو لعندو و شد ليه علا فمو.
بيزي حط يديه على الحيط ورا عمر و جسد ديالو غطا على جسد عمر مع ظلمة.
" هشش عفاك ... عفاك "
عمر كان كيهضر بشوية و نفس ديالو كيتقطع.
و قبل ما يهضر بيزي سمع دراري لي وصلو لتم.
" فين مشا قلبو عليه "
بيزي غير سمع كلامهم عرفهم كيقلبو علا عمر.
رجع شاف فيه بـ بإبتسامة خبيثة و بعد عنو.
" كتقلبو علا شي حاجة "
بيزي رجع تكا لحيط لور و سولهم و عمر فتح عينيه بصدمة.
" واحد ولد الكلب ما شفتيهش "
واحد منهم سول بيزي لي رجع شاف فـ عمر.
عمر كان مخبي لـجهة لي مظلمة هادشي علاش غاع ما شافوه... و لكن شوفة لي عمل فيه بيزي خلات يدو ترجف خوف.
ييزي ضحك بخبث و عمر بلاما يحس كان كيحرك ليه راسو بـ لا و عينيه خايفة و مدمعة.
" يمكن "
بيزي جاوبهم بضحكة و لكن الدري لي ضربو عمر شاف فيه.
" واش شيواحد معاك "
عمر صافي كان قريب يشهد خصوصاً منين حاوبهم بيزي.
" اه معايا "
" شكون واش داك الولد "
بيزي شاف فـ عمر و هز يدو و حطها قريب من وجه عمر.
" معايا حبيبتي "
أنت تقرأ
بين القصور \\ 14
Ficción General// bxb // °| كاطورز _ مروان |° °| بيزي _ عمر |° بـدأت : 21/4/2024 إنـتـهـت:......
