.......مـروان...
" فين هيا ماما "
" راها فبيتها علاش كتسقسي "
" شوف وردة انا غا نخرج نتي يلا سقستك عليا قوليها شوية و نرجع "
" أوعدي فين ماشي "
" غير هنا بسلامة "
لبست عليا جاكيط و خرجت قبل ما تنزل ماما.
كنت باغي ندوز من طريق لي قريبة و لكن عارف داك كاطورز غا يكون فديك بلاصة.
لهذا بالطبع قلبت طريق انا ماشي حمق بارح ضربتو و اليوم ندوز من حداه.
وصلت لديك بلاصة كتبان قهوة متوسطة مبيهاشي.
" عفاك فين نقدر نلقا بيزي "
سولت البنت لي كانت خدامة تما.
" غا شوية و تلقاه هنا...تشرب شي حاجة "
" لا شكراً "
شديت بلاصة و جلست معرفتشي من دخلت و كلشي كيشوف فيا واش انا كنبان ليهم من كوكب أخر.
مع دورت راسي شفت داك دري داخل غير شافني جا عندي.
" و فين اعشيري هانية "
" بخير و نتا "
سلمت عليه و جلس بعدما غمز للبنت.
" عرفني بيك "
شديت القهوة لي جابت البنت و درت عندو.
" معاك مروان "
مديت يدي نسلم عليه وهو جاوبني..
" معاك أكرام و لكن هنا كيعيطو ليا بيزي "
" بيزي كيفاش زعما بي.. I'm busy "
" ههه هكاك اعشيري خوك ديما مشغول و بانجليزية "
ضحكنا انا وهو كيبان ظريف واقيلا.
" قول ليا كيف جاتك دنيا هنا "
دابا هادا واش نقوليه حقيقة ولا نكذب عليه.
" كيف بغيتيها تجيني...كنت فطنجة الحياة مزيونة هنايا دنيا عندكم فشكل "
" غير باقي ما ولفتي و صافي.. حنا هنا دنيا زوينة و ما كاينش الملل "
إيه حيت ديما المضاربات ما شاء الله.
" غير حيت عمرك خرجتي من هنا و صافي "
أنت تقرأ
بين القصور \\ 14
Narrativa generale// bxb // °| كاطورز _ مروان |° °| بيزي _ عمر |° بـدأت : 21/4/2024 إنـتـهـت:......
