*
*
" عمر يالاه نمشيو بحالنا صاحبي "
دراري غوتو على عمر لي كان كيعاونو واحد البنت مضروبة فرجليها.
" شدها عصام يانا غا نرجع "
" واش حمقتي اصاحبي "
" غير شوية و نجي "
عمر قالها ليه و خلاه يشد بيد البنت و رجع.
تيليفونو طاح ليه و كان خاصو ضروري يرجع ليه.
غير رجع بقا كيشوف فبلاصة لي طاح ليه بين ياجور المهرس حتى لقاه.
منين هزو لقا زجاة تهرست شوية.
يالاه بغا يشوف واش مشات غاع و هيا الأرض تهز بيـه هزة قوية.
و بداو دراري كيغوتو ليه.
خشا تيليفون فجيبو و جرا منين وصل بقا مشوكي فبلاصتو.
ديور كانو كيريبو و كان خاصو يدوز تحت منهم كان حالياً واقف في ساحة بين القصور لداخل.
و دراري لي برا كيغوتو ليه.
" عمر عنداك تجي الياجور كيطيح "
" عمر الحيط غادي يطيح أ عمر بعد "
عمر سمع صوتهم و فدقية لقا سور ديال دار لي حداه تهـر كامل و راب.
تعمرت دنيا بالغبرة و ما بقا شايف والو.
" هربو "
" عاونو هدوك نمشيو "
" عمر اصاحبي باقي تم "
سمع الهضرة ديالهم لي ولات بعيدة و عرف انهم هربو عليه.
ترعدو يديه وهوا كيشوف راسو باقي بوحدو حاصل فبين القصور.
و طريق لي يقدر يخرج منو كيريب من فوقو الياجور.
كان خايف يزيد يغامر و حتى لحيط تاني يسـطح عليه داكشي علاش تراجع لور كيحاول يفكر منين يخرج وهوا ميت بالخوف.
.......................
" جريو "
" هذا خاصو إسعاف "
" سيد كيموت عتقو "
" فين ولدي فين ولدي "
بيزي وصل لقا كلشي كيجري كيحاول يشوف واش يلقا عمر بينهم حيت كاطورز سيفط ليه مساج بلي لقا مروان.
أنت تقرأ
بين القصور \\ 14
Ficción General// bxb // °| كاطورز _ مروان |° °| بيزي _ عمر |° بـدأت : 21/4/2024 إنـتـهـت:......
