جوليا: يما شنو انا اسوي وهيه تاكل هسه هيه خلصت الاكل تدخل تترس حلكها و تطلع
لارين: زينب طلعي برا خلي خواتج يكملن العشه
زينب: لا يما اساعدهم
ساره :مشكوره ما نريد
زينب: لا والله اله اساعدكم
سجى: لعد تعاي غسلي المواعين
زينب: لا لا انتم طرتوني انا كرامتي فوك كلشي مستحيل ابقى هنا
طلعت زينب من المطبخ واحنا كملنه العشه نقلنا العشه على الطاوله وكالعاده كعدنه ناكل واحنه نسولف و نضحك
جوليا :احمم
لارين : خير شبيج
جوليا : ءاا يمه اريد اطلب منج طلب
لارين : گولي الله يستر شكو
جوليا : بس اهدي ريلاكس
لارين: جوليا گولي شنو
جوليا : اريد اكص شعري
لارين : اننننننننسسسسسسييييي
اياد : اسم الله الزهرة
جوليا : حبابة
لارين : چم مرة فتحتي وياي هذا الموضوع
جوليا : تمام ما اكصة بس اصبغة
لارين : من تتزوجين
جوليا : يعني شدخل الصبغ بالزواج
لارين : جوليا انتِ هواي حاجية بهذا الموضوع و انا اكلج لا ليش تلحين
جوليا : يمه حباااااابة
سارة : يمه حباااااابة
زينب : يمه حبااااابة
سجى : على الواهس خاله حباااااابة
اياد (بمياعة ) : يمه حباااااابة
احمد : سريع الاقتران شبيكم ربطتوا بلوتوث
لارين : لا يعني لا انسن
جوليا : افففف افففف افففف
اياد : بالثلاث
كملنه العشه و زينب غسلت المواعين لان احنا سوينه العشه ..صارت الساعه 10:00 ،كاعدة بغرفتي و سمعت صوت صرخة سجى طلعت اركض و اشوفها هية و اياد صايرين ممالخ هي تتعارك ويا و هو يضحك
جوليا : شكو شكو شبيكم
سجى : جاي نلعب بوبجي واحد انا كتلتة و هو اخذ شغلاتة ما يصير ترى انا كتلتة
جوليا : و عركتكم على هاي الشغلة
سجى : ولج اخذ سكوب 6 مني و هو مالتي
اياد : انتِ عندج سكوب 4اخذت انا سكوب 6
سجى : انطيني سكوب 6 و انطيك سكوب 4
اياد : ماااااااااااا
سجى : اياااااااااااد
عفتهم و رجعت لغرفتي صارت الساعة 11:00وقررنا نسهر على فلم جبنه فوشار و عصاير و كعدنه نشوف فلم
طلعت لقطه من الفلم البطل يبوس البطله كلنا بهالاثناء اندارينه على زينب هيه رأسا عاطت
زينب : شبييييكم تحسسسسوني اناااا المخرررج
كملنا الفلم و كل واحد راح على غرفته حتى ينام حطيت راسي على المخدة دگ تلفوني عرفته امير طلعت للحديقة حتى ارد عليه اول ما فتحت الخط اجاني صوته
_احبج
_ههههههههه
_امداج اي والله اكلها احبج تضحك
_اموت عليك
_مشتاقلج
_شنو رأيك نتشاوف باجر
_تمام بكانه المعتاد گلبي طاگ على شوفتج
امير حبيبي من خمس سنوات يحبني كلش و محترم حيل ولا مره قلل احترامه وياي ..بقينه نحجي وما حسيت الا على صوت امي وراي ...
يتبع ..... ________/________/________
البارت الاول من روايتي شنو رأيكم ؟؟
طبعاً راح يكون كل يوم بارت
انستغرامي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كل بارت راح يكون اطول من الثاني او اطول البارت حسب تفاعلكم علقوا بين الفقرات و لا تنسون النجمة
