وسام: جوليا لازم تتزوجه واذا ما قبلت ازوجها غصباً عليها
ما اعرف شصار بيه وكتها ... رجعت للمطبخ
سجى : هاا شو ما وديتي الچاي
جوليا : أنتِ ودي
سجى : ليش
جوليا : انتِ ودي وبس
اخذت سجى الجاي و ودته وانا رحت لغرفتي كعدت على الجربايه افكر ... معقوله ابوي راح يجبرني ازوج بعمري ما فكرت ان بيوم من الايام ابوي راح يجبرني على شي ما اريده
دگ تلفوني شفته "امير" انزين و امير اعوفه ؟؟ ورا حب 5 سنوات اعوفه ...
ما رديت عليه خليت راسي على المخده و انا دموعي على خدي صار العصر وانا بعدني ابجي مسحت دموعي و كمت غسلت و طلعت شفتهم كاعدين بالحديقة خالين جاي و كيك و مسوين عصرونيه
لارين: تعاي ماما
جوليا: اي ماما جايه
رحت كعدت يمهم و اياد يسولفلهم شنو صار وياه
اياد: اليوم صديقي خابرني گال ودينة اخوي للسوق يجيب فأصوليا و اندعم بالطرق كتله لا اله الا الله و شسويتوا كال بامية
الكل: هههههههههههه
وسام :اي صح بنيتي جوليا اكو ناس اجو خطبوج
جوليا: ما موافقه
وسام: ليش بابا حتى ما فكرتي
جوليا:بدون ما افكر بابا انا ما موافقه ما اريد اتزوج
وسام :انتِ حتى ما شفتي ولا سألتي عن اسمه شغله گبل كلتي ما موافقه
جوليا : بابا انا ما اريد اتزوج هسه بعدني ما مستعدة للزواج
وسام : لا بابا راح توافقين هاي سنه الحياة ليمته تضلين بليه زواج
