مشت الايام و بدوا يحضرون للمشيه امي و ابوي ما سايعتهم الدنيا من الفرح جبرت روحي امثل انو فرحانه علمود امي رحنا للسوك و حضرنا كلشي و اختارينا الفساتين و اجه يوم المشيه و الكل فرحان رحت من الصبح للصالون و سجى و ساره وياي رجعنه العصر و الشارع مسدود من السيارات دخلت للبيت و اعتلت الهلاهل اجت امي و كلتلي
لارين: روحي يما للغرفة من اصيحلج تعاي اخذنها بنات
طبيت للغرفة و انا گلبي 1000 بالدقيقة نص ساعة و صاحتلي امي الشيخ راح يبدي العقد كعدت على الكرسي ورا الباب و بده الشيخ يحجي الي عرفته العريس اسمه ليث و انصدمت من المهر جان المبلغ كلللش جيبر ...بده الشيخ يحجي لحد ما وصل لموافقتي جاوبت ثالث مره
جوليا: نعم و انتَ وكيلي
اعتلت الهلاهل و كوموني و كعدت على الكوشه شوي و كالوا العريس راح يدخل انا هنا ما ادري شصار بيه دخل ليث جان حلو اسمر طويل معضل يعني اي بنيه تشوفه راح تقبل بي ..وصل يمي كعد و لبسني الحلقة و الذهب و حجه
ليث :الف مبروك جوليا:الله يبارك بيك
لبسني الذهب و الحلقات و كعد ابد ما حجه و عينه ما رفعها ربع ساعة و طلع اجتني بنيه ما شاء الله كللش جميلة
سيرين:هلااو
جوليا:هلا
سيرين :انا سيرين اخت ليث
جوليا:تشرفت
عرفت على نفسها و راحت شفت عمة ليث و بتها بس يخوزرن بيه ..خلصت المشيه و كلمن راح لبيتة وليث حتى ما طلب يشوفني حسيته حتى هو مجبور بس سرعان ما طلعت هاي الفكره من راسي يعني هو رجال شلون يكدرون يجبرونه رحت لغرفتي و من التعب سبحت و نمت
_________________________ /سجى/
خلصت الحفلة و طلعوا اهل العريس من طلعوا رأساً انتبهت على تلفون بقى على وحدة من الطاولات اخذته و طلعت اركض شفت شاب داير وجهه يعني ضهره عليه صحت بصوت مسموع
سجى:لو سمحت
اندار عليه و انصدمت…
يتبع… ______/________/______
شنو رأيكم…؟؟
انستا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تيك توك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
