/جوليا/
سمعت صوت امي وراي
_ويامن تحجين ..؟
طفرت من مكاني و سديت الهط رأساً
_ءاا ويه صديقتي
_شعندج كاعده هسه
_شفت كابوس وفزيت و كلت انتظر صلاة الفجر اصلي و انام
_تمام ..اذن روحي صلي
_انشالله
عفتها و دخلت للبيت و انا گلبي 1000 بالدقيقه رحت صليت و نمت ..
فزيت على صوت الجهال بالشارع كمت غسلت و رحت للمطبخ شفت سجى بالمطبخ تسوي ريوك
طبعا سجى اقرب انسانه الي وهيه الوحيده الي تعرف بعلاقتي ويه امير ..سجى بت خالتي اهلها ماتوا بحادث سياره الله يرحمهم وهيه بقت عايشه عدنا
كملنا الريوك و كعدنه نتريك وحجيتها شنو صار وياي
سجى: الف الحمدالله خالتي ما گضتج چان لعبت بيج شناو
جوليا: اي والله جان رحت بيها بعدين تعاي شنو شناو
_ولج شناو ما تعرفين شنو معناها
_ولج اعرف الشناو شنو بس شلون يعني تلعب بيه شناو
_انسي ...اكلج هو يمته ناوي يجي يخطبج ..؟
_علما تتشافه امه الله يشافها انشالله
_آمين
كملنا الريوك و غسلنا المواعين و ساعدتها بتنضيف البيت دخلت امي بيدها هواي علاليك لان جانت بالسوك ساعدناها انا و سجى و امي راحت تبدل سويت غده و مشه الوقت بهالاثناء دخلوا اياد و بابا
_السلام عليكم
_وعليكم السلام
اياد: هاا شو كلكم ملتمين ماعدا زينب وين هيه ؟؟
جوليا: نايمه بعدها
اياد:انا راح اروح اكعدها لهاي التمبل
راح اياد للمطبخ وجاب دولكه مي وراح لغرفة زينب لحكنا انا و سجى حتى نعرف شراح يسوي رفع الغطى عن زينب وذب الماي عليها و هيه طفرت من بكانها مخروعه وانا واياد و سجى ميتين من الضحك عليها
زينب: شبيكم تخبلتوا اوووف الله ياخذكم انشالله حرام عليكم .... أنا اعلمكم
أنت تقرأ
الحب الاول
Storie d'amoreقبل لا ادگ الباب سمعت بابا يحجي حجي ياريتني ميته ولا سامعته _جوليا لازم تتزوجه واذا رفضت ازوجها غصباً عليها
