/جوليا/
_يما جوليا باجر يجون بيت حموينج
جوليا:شعدهم جايين…؟
ساره:ياا شنو شعدهم جايين بعدين انتِ ما مشتاقه
جوليا:لااااع
لارين:يما هذول بيت اهل رجلج يعني اهلج……
ضلت امي تحجي و انا بس اهز براسي اخر شي كتلها
_انشالله يوم
عفتهم ورحت لغرفتي كعدت على الجربايه و انا بالي كله يم امير وينه هسه شصار بي اكيد مشتاقلي اووووف ما تتخيل يا امير شكد مشتاقتلك يروحي …… صار الليل و كعدنه نتعشه
لارين:يما خلصي و روحي نامي حتى اكعدج الصبح من وكت علمود تساعديني
جوليا:تمام
خلصت عشه و رحت لغرفتي تمددت على الجربايه و عيني ما ضايگه النوم بقيت افكر بأمير و ما حسيت شوكت نمت
كعدت الصبح ساعة 8:00 گمت دخلت للحمام سبحت و شسورت شعري القصير و خليت مكياج خفيف و طلعت من الغرفة شفت امي مخبوصه ساعدتها و ما حسيت الا على دگه الباب
لارين:اجو اجو روحي يمه جولي فتحي الباب
جوليا:والله ما افتح الباب استحي
زينب:وثووول غير اهل رجلج روحي فتحي الباب
جوليا:ما افتح
ساره:عمي انا افتح امداچن
راحت سارة فتحت الباب و دخلو سلموا علينه و شلعوا خدودي من البوس و كعدوا و بدوا يسولفون
احمد:شلونج بنتي جوليا
جوليا:بخير دامك بخير عمي
شوي و حطينه الغده كعدنه ناكل و حجت عمتة الي مبينه مسمومه
خوله: هذا الاكل مالح هذا انتِ طابخته جوليا…؟
جوليا:لا
خوله: يعني ما تعرفين تطبخين…؟
سيرين:اووف عوفوا هاي السوالف مالت الطبخ ما الطبخ …كليلي جوليا انتِ شنو دارسه…؟
جوليا:تصميم ازياء
سيرين:I like it
خوله: نرجع الموضوعنه … جوليا اذا ما تعرفين تطبخين شلون راح تتزوجين …؟
أنت تقرأ
الحب الاول
Romanceقبل لا ادگ الباب سمعت بابا يحجي حجي ياريتني ميته ولا سامعته _جوليا لازم تتزوجه واذا رفضت ازوجها غصباً عليها
