مـا تـهـون الـعـشـره بـس هـانـت لـك؟

22

اليوم الثاني الساعة
(٦:٧)المغرب
قامو العيال من النوم والاستراحة محيوسه
حميد:ابك ذا ويش
مطلق ضحك:هههههههه
جمران ويده ترتجف
طاح جواله والكل انتبه للصوت ولفو
شافو وجهه مسود
نزل حارث واخذ الجوال وشاف كل شي وانصدم
وقالو العيال:شفيك؟
حارث:يقولون ان عيال الديره اتهمو هجران بأنه قتل طفله ودخل المركز بس طلع ان صيته بنت سلطان هي الي قاتلتها وكان تخطيط من اخوها ريان
انصدمو وعصبو وعلى طول ركبو موترهم وحركو بسرعه
وصلو بيت وداهموه كلهم ودخلو
يوم جا فياض يدخل انصدم من البنت الجمال الي شافه جمال مو طبيعي
ابتسم وقرب لها وقال:صدقتي عدوتك الي تبي تهدمك وكذبني حبيبك الي بي يبنيك؟
هيام بشوف وعصبيه:انقلع عن وجهي انت الي خنتني
وكملت بكذب:وانا اصلاً لقيت لي واحد احبه ويعشقني
فياض تنهد وقال:بقولك شعر وانتي فسريه
تنهد وقال بصوت مبحوح:

الحب يصدر عن شعور ‎وأحاسيس
والبعد ما يخلف من الحب حاجة

البعد يتعبنا ‎بكثر ‎الهواجيس
لكن نبي نرتاح يوم انتواجه

ارتاح يا عمري تعوذ من إبليس
ونام لعلك تنسى ان لك حبيب

وقال بصوت ماليه الحزن:نامي لعلك تنسين الحب وراعيه
الله يلعن الي يحبك
ويطلع ويركب السياره ينتظر اخوياه يجون

هيام انصدمت من كلامه وكانت تبي تروح وتضمه بس انصدمت من الصراخ
دخلت البيت ركض وانصدمت من اخوها الي طايح وفوقه عيال متلثمين ويضربونه
صارخت وقال وهي تبكي:اتركو اخوي الله ياخذكم
ما اهتمو لها وضربو حميدان لين عض الارض وهمس له حارث بحده صوته وقال:ياويلك تقرب لخويي والله اذبحك
وقام عنده ورفسه وجا بيطلع ودف هيام بخفه وطلع
ركبو السياره وحركو لبيتهم
نزلو ودخلو ركض لغرفة هجران
داهمو غرفته لقوه منسدح وفز من سريره وقال:شفيكم؟
مطلق نط بحضن هجران وحضنه بقوه لدرجة هجران اختنق وضحك وقال وهو يبادل مطلق:شسالفه
جمران قال كل شي وهجران ابتسم وشاف فياض اسكت وعرف انه حزين وقال بهدوء:ممكن تطلعون شوي وتخلوني مع فياض شوي؟
فياض رفع راسه وانخرش وتوتر يوم شافهم كلهم طلعو ويوم يقول هجران:تعال اجلس
جلس فياض بالكرسي وقاله هجران:وش محزنك؟
فياض قاله السالفه كلها وهو حزين:وبس
هجران تنهد وقال:شوف ياخوك لو هي كانت تحبك حب صادق ماكانت صدقت عدوتها صدقني خيره والله خيره ياخوك وبعدين انشاءالله اذا هي فيها خيره الله بيردها لك واذا مافيها خيره الله بيبعدها فهمت؟
ارتاح فياض وقال وهو مبتسم:شكرًا ياخوي والله لولاك ماكنت اعرف اتصرف بس مشكور على كلامك بس وش اسوي؟
هجران بهدوء:العفو بس شوف لو جا موقف وانت لازم تختار خيار واحد بس ما تدري اي واحد الي الجواب الي انت ترتاح له خذه حتى اذا كان خطر اذا انت حسيت براحه اختاره فهمت!
فياض فهم هجران وقال:ايه فهمت
هجران:الحين انقلع للمبزره الي تحت
ضحك فياض ونزل
ابتسم هجران وراح لغرفة كادي ودخل بهدوء وكانو كادي وملاك يخططون انه يسوون نفسهم زعلانين اول ما دخل كادي صدت هي وملاك
سكر هجران الباب وهو عاقد حواجبه وقرب منهم وقال
:شفيكم؟
كادي بزعل:ابعد
استغرب هجران وقرب وحضنها من جنب وباس راسها كانت ملاك بحضن كادي باس خدها وقال:شفيها زوجتي وبنتي زعلانين
(هجران يسمي كادي بزوجتي وملاك ببنتي )
كتمت ابتسامتها كادي وقالت ملاك بطفوليه:انا وماما زعلانين منك
هجران شهق وقال:افا افا وش سويت
كادي:بس روح روح
قام هجران وباس خدها وطلع
على طول ضحك وضمو بعض
عند هجران طلع بسرعه وراح للبر
قعد عند البل وهو ضايق خلقه
قعد فتره ورجع
وهو راجع فتح جواله وجاته رسالة قبوله بالعسكريه ابتسم واستانس وكمل طريقه يبي يبشر امه الي هي جدته بس ما كان يدري ان في مصيبه بتجي