مـا تـهـون الـعـشـره بـس هـانـت لـك؟

12

زفر ابو سياف وقال:من الغلطان ؟
غيث:الي غلط سيف هو الي ضرب مطلق وجمران الله يصلحه رجله قويه فا خلع كتف سيف وجا سياف يبي يضرب جمران ويطلع هجران وضربه مع صدره بس ساعده يعيد نفسه بسسس
ابو سياف:طيب طيب
سحب عليهم هجران وراح يبي يدخل عند مطلق وجا غيث عنده وقال:ااا هجران عادي ادخل عند مطلق؟
ابتسم هجران له استلطفه يحسه اخوه الصغير وقال:خذ راحتك ياولدي ادخل وانا بروح اجيب غرض تكفى انتبه له ولنفسك
ابتسم غيث وقاله:ابشر يا ابوي
(معلومه ترا هجران اي احد يحترمه ويكون اصغر منه يناديه ولدي)
راح هجران ودخل غيث على مطلق وكان ابو سياف يطالعهم لين ما دخل غيث وراح هجران
راح ودخل عند مطلق وكان يبي يضربه بس يوم شافه كانت الصدمه
دخل عند مطلق وشاف غيث حاط راسه على صدر مطلق وعيونه تدمع وكان مطلق يمسح على راسه ويسمي عليه
يوم دخل ابو سياف غيث ما انتبه له بس مطلق انتبه وقال بصوت مبحوح: تفضل ياعمي تفضل
انتبه غيث له وقال وهو متوتر:اااهلا يبه امر
وكان يناظر مطلق ومتوتر وقال بهمس:تراه ابوي انتبه
ابتسم مطلق وقال:اقلط ياعمي
مشى ابو سياف وهو مصدوم وقال:انت الي ضربت ولدي وكسرت كتفه؟
رد مطلق وهو مبتسم وقال: لا مو انا ولد ضربني بالكوره في صدري اضن انه ماكان قاصدها بس جمران عصب وضرب ولدك
وانا اسف ياعم وانا اعتذر بفعلت اخواني اسف
ابتسم ابو سياف وقال:الله يحفظك ياولدي واخوانك ما غلطو بس شكل اخوك جمران تحمس شوي والحمد الله على سلامتك ياولدي
ابتسم مطلق وقال:الشر ما يجيك ياولدي بس تعرف الي قبل شوي طلع من غرفتك؟
مطلق:ايه ذا اخوي هجران
ابو سياف:غريبه يوم كنت اسأل مين الي خلع كتف سيف قال انه هو
مطلق:ايه ياعم اخوي ذا يحط مشاكلنا كلنا فيه هو ويكون هو في المقدمه واي مشكله يسوونها اخواني يحطها فيه عشان ما نتأذى منها
فا عشان كذا هو قال انه هو الي كسر كتف ولدك
ابتسم ابو سياف وقال:يازينكم ياعيالي ذكرتوني في شبابنا انا واخواني
ابتسم مطلق وقال:تسمح ياعم اني اروح لسيف واتطمن عنه؟
ابتسم ابو سياف وقال:ابشر ياولدي بس اصبر اروح عنده بعدها اجيك
أومأ براسه وراح ابو سياف عند سيف  وقال له:اسمع ترا مطلق يبي يجي يتطمن عليك
سيف:بس اخاف يهاوشني
سياف بصدمه:النتفه ذا يهاوشك!
سيف:لا يعني بس اخاف يهاوش لأني ضربته
ابو سياف قال:ماراح يهاوشك الولد مؤدب يبي يتطمن عليك
سيف بقلق:طيب هجران معه ولا جمران؟
ابو سياف:لا ياولدي هجران توه رايح بيجيب غرض
قال سيف:خلاص جبه ابي اتطمن عليه
راح ابو سياف وقال لمطلق:تعال يا ولدي اساندك
سانده ابو سياف وغيث وقعدو يمشون لغرفة سيف ودخلو وفكه غيث بس ابو سياف قربه لسيف ويوم وصل لسرير سيف فكه وقال سيف بتوتر:الحمدالله على سلامتك يا مطلق وانا اسف لأني ضاربك يا اخوي والله اسف وانا استاهل الي جاني
ابتسم مطلق وباس راسه وقال:ماله داعي الاعتذار يا اخوي انت ما غلطت اكيد انك ما كنت متقصدها يا اخوي وانا اسف وأعتذر عن جمران واسف لأن جمران ضربك
ولف مطلق على سياف الي كان بجنبه وباس راسه وقال:وانت يا اخوي سياف اسف على الي سواه هجران فيك ووقف نفسك انا اعتذر بمثابت اخواني وجيت اتطمن عليكم واطلبو الي انتم تبونه
ابتسمو بحزن وهم كانو يحسبونه واحد كريه وسوسه وحقود كلهم فكرو كذا ماعدا غيث بس طلع مطلق واحد متربي ولطيف وعلى نياته باس راسه سياف وقال:حنى الي نعتذر منك والله وما نبي شي
مطلق ابتسم وقال:ودي اقعد معكم بس اكيد هجران رجع وقاعد يدورني فا برجع مع السلامه
ودعوه وكان راح يسانده ابو سياف بس منه سياف وقال:انا بسانده لحالي
ومسكه وطلعه وهم كانو بالطريق طلع هجران من الغرفه بخوف وكان يتلفت ويوم شاف مطلق ارتاح وراح له وقال:وين رحت ياولد؟؟؟؟؟
مطلق:رحت عند سيف وسياف اتطمن عليهم
هجران من الخوف عليه حضن مطلق وقال:فيك شيي؟؟؟
مطلق:لا مافيني الا العافيه ابي اطلع
هجران:طيب
لف على سياف وسياف بلع ريقه وقال هجران:مشكور لانك انتبهت لأخوي
ما استناه يكمل اخذ مطلق وطلعو
ركبه السياره ووداه بيتهم
وراح هجران للجبل وقعد يخطط انه يخطف واحد(بنعرفه بالقصه)
قعد يخطط وثبت على خطه وقعد يناظر القمر ويفكر وكان شكله زي كذا