مـا تـهـون الـعـشـره بـس هـانـت لـك؟

25

دخل مشعان على الفجر عشان يقومهم ولاحض ان هجران قايم وكان قاعد يكتب شي
جا عنده وقال:وش تكتب؟وليش مو نايم؟
فز هجران:ما اكتب شي وما نمت لاني مو دايخ
مشعان:رح توضى وقوم السملق ذولا انت ودويحان
ويقوم ويطلع وراح لدورة المياه(اكرمكم الله)وتوضا وطلع وراح للمصلى ودخل وكان برد مرا بس ماكان مهتم
راح وجلس بالزاويه وتكى راسه على الجدار ودخل مشعان وناظره وابتسم وبعدين وقف عنده وهزه بقوه:قوم قوم مافيه نوم رح
ولف ومشى
هجران وقف وهمس:نفسيه
ضحك بخفه مشعان وهو الي يعرف هجران وبينهم صلة قرابه
راح هجران وشاف دويحان يقومهم
صارخ بصوته الحاد والقوي:قومو حريق حريق حريق بنموت
قامو كلهم ونطو بخوف وطلعو
دويحان لف وهو مصدوم وقال:يخرب بيتك
ابتسم هجران وضحك يوم شاف عايش نايم وما صحى
راح وضربه كف وما قام
كب عليه مويه بارده وقام وهو مفزوع
دويحان ضحك وطلع
هجران:قوم
عايش بعصبيه:كل زق في احد يقوم كذا
انحرج هجران بس ما بين:كل زق وقم
وراح وسحب عليه
عايش:شبلاه ذا
راح هجران ودخل
لقى بعض الشباب موجودين
وشاف دويحان حاجز له بالأمام
راح بجنبه وقام يصلي
سلم وقام بسرعه وطلع ركض ودخل الغرفه عشان يتجهز للتدريب وشاف زايد ماسك الدفتر ويقرا ويدخن
حط البلوزه على خشمه بقرف من ريحة الدخان وراح ركض لزايد ومسك الدفتر وشده منه بس مسك الدفتر زايد وقامو يشدونه من بعض لين ما انشق نصين
هجران من الصدمه فك الدفتر ونزل نظره للدفتر وصنم بمكانه وما صار يرمش عينه على الدفتر المرمي
زايد توتر لانه غلط بس قال بتكبر:ترا كله دفتر يعني وبعدين الشعر الي انت قلته شعر غريب وما عمري شفته وسمعته فا اكيد انه من عندك وحافظه فا اشتر واحد ثاني واكت
قاطعه هجران يوم قال:الدفتر دفتر امي قبل تموت
سكت شوي وقال بغصه:ونص الشعر شعّرها هي
انحرج زايد وانقهر من نفسه بس ما قال شي وراح وطلع وقابل مشعان كان ماسك عايش من اذنه ومعصب وقال:وين هجران
توتر زايد وقال:دداخل
استغرب مشعان منه ومشى ودخل وشاف هجران واقف وقال:هجران
مافيه رد
كرر اسمه وما رد هجران استغرب وراح له وشاف في دفتر طايح شاله وشاف ان هجران متصنم
اخذ الجزء الاول وقام يقراه وشاف ان كله شعر وقال:شفيك؟وبعدين ليش مشقوق؟
هجران كان يردد بأسم زايد وفجاة صارخ وطلع يركض
زايد كان متوتر وسمع صراخ هجران وخاف زياده وشاف هجران يطلع وهو معصب وشافه يركض ناحيته
تجمد بمكانه ما قدر يتحرك ونط عليه وقام يضربه بقهر وحزن وكان زايد يدافع عن نفسه وكانو يتقلبون بمكانهم وجو دويحان وعايش يفكونهم بس شكلهم بان بأنهم يضربون وصارخ مشعان بقوه وكلهم وقفو خوفاً منه الى هجران الي ما يسمع ولا يشوف يضرب لين ما جاه مشعان وشاله من ورا وكان يرفس بقوه لدرجه بغى ينفك بس مسكه بقوه ومن قوت الضغط وريحت الدخان الي شمها اغمى عليه ورفع نظره لزايد الي ينزف خشمه دم وعايش الي خده انشخط ودويحان الي خشمه فيه مشخ ويده
وقال:سود الله وجهكم شسالفه
زايد:كنت اقرا دفتر هجران وكان كله شعر وهو دخل علي وشافني اقرا وجا وسحب الدفتر مني وانا سحبت وقعدنا نسحب فيه لين انشق نصين وانا قلت انه مجرد دفتر عادي واشتر غيره بس قال ان الدفتر من امه المتوفيه ونص الشعر هي كاتبته
مشعان:انت وش تحس فيه؟ليش من الاساس تقرا؟
زايد ما تجاوب ولف مشعان وقال:تعال يا عايش وشيله معي
شالو هجران ودخلوه الغرفه وسدحوه
عايش لمح جوال بس خباه بجيبه
____________________________
ادري ان البارت قصير بس تعويض للقطعه واتمنى تعطوني وقت وافكار اكتبها